[新手][愛情][排球]那天我成為女之後 我的人生不再一樣: 8.相似世界？
跟住我就拎返張人名表出黎睇。
1.歐曉詩
2.陳愷嘉
3.陳詩情
4.馮穎瑤
……
45.葉國軒
我直頭企左係度逐個名對，發現係女仔堆既學號入面多左「伍潔瑤」，而「吳耀傑」(我男時既名)就唔見左。點解會咁，係除左我之外，所有既人名都係冇變過。
「伍同學，你企係度做咩野呀？」一把男聲問
「呀……冇呀黃Sir，有野諗緊咋。」我尷尬咁答
「你仲咩住書包，遲到好快Ｄ上返去啦，夠曬鐘上堂喇。」黃Sir再講
「我要去搵訓導比佢地鞭……～簽名呀。」頂！叫慣左鞭屍，差Ｄ講左出黎
「咁你快Ｄ喇，唔係遲左上堂架喇。」
「知道，依加去緊架喇。」
就係咁，我就行左上二樓，之後我禁鐘搵訓導。訓導出到黎見到我就話
「冇咩見過你遲喎，做咩咁唔小心呀？」
「因為今朝唔太舒服，所以就遲，唔好意思呀。」我講
「小心身體呀，岩岩過左秋天，天氣開始轉架喇。」
「會呀，我會留意返。」
就係咁訓導輕鬆放行，比著係男既時候，都係果句，問候變「問候」！咩男女平等，有平等過咩？
於是就行返上去課室，一上到去望……唔係咁黑掛，居然係英文堂我先黎遲到！
點解我會咁講？睇落去啦
之後我心入面咒罵完就叩門啦，門係開住，所以一叩門時其實全班連老師都係會望住你。
「Katrina, why you so late?」英文Miss問，因為我間中學係英中，教英文既都好中意講英文
「因為唔舒服呀，唔好意思。」
「Speak English, pleasesssssss!」英文Miss講，我心諗我本身英文唔係特別好，係都要逼人講
「Stomach ache, so…..I am late.」我講
「OK! Go back your seat and please be punctual next time.」英文Miss講
咁我打算返埋位既時候，我掃視班既坐位，我原本既位置比人坐左。得返個係第三排既位有空，正當我疑惑緊我坐邊既時候，空位隔離既果位同學──高紫寧向我揮手，指指自己身邊個位叫我過去，咁我就行左過去坐低喇。
「呀潔你做咩呀？果日輸左場波之後都唔見你出現既，中秋又話落雨唔出黎，第二日搵你又唔應機既，琴日又冇返學，擔心死我同Ada喇。」高紫寧咁講
「Bianca, Katrina, focus on your lesson. Don’t talking.」英文Miss又講
我心諗……我同左高紫寧同班成年，我都真係今日先知佢叫Bianca……咁Ada係邊個？
「冇呀，我病左呀。」我細細聲咁同高紫寧講
「下，咩病呀？冇事嘛？」歐曉詩問
「下…….Er……」我都唔知點答佢喇
「Ada呀，你咪問到人地口啞啞啦。你又唔係唔知呀潔佢同Pat….」高紫寧講
「喂！高紫寧！」歐曉詩講
「呀！Sorry呀呀潔…….」高紫寧
「Excuse me, Ada, Bianca and Katrina, please DO NOT disturb me and it is the gentle reminder for you three.」英文Miss講
「Sorry Miss.」我地三個一齊講
之後今堂既英文堂都冇咩事再發生。完左兩堂英文堂之後就小息喇。
「係囉呀潔你冇咩野嘛？」Joe同Aaron都過黎問
「冇呀，病左姐。」我講
「瑤瑤，擔心死我喇，咩病呀？搵你都唔應人既？」Aaron捉住我隻手話
「係囉係囉Katrina，冇咩事嗎？我會做你既聆聽者架。」然後Joe都好似唔執輸咁捉住我另一隻手問
比兩個男既捉住我隻手，我都比佢地嚇一嚇，即刻縮手。而Ada同Bianca見到佢地兩個咁狼死，都行過黎叫我去廁所。咁有人幫我解一解圍就最好啦。
咁我跟住佢地兩個一齊去廁所，去到廁所時我就見到我女神──Antonia。
Antonia係讀B班，係我仲係男既時候，係級花黎，係好多人追果一隻。無論係氣質，學識，絕對唔會差，雖然係咁，但佢又好平易近人，唔會因為對方係個咩人而唔會唔理人，加上係打波時都散發住陽光少女既味道，單單咁都已經引人入勝。至於身材方面，有B cup，但又未到C cup咁大細，加上經常打波既佢，唔會有多餘既肥肉係佢身上出現。加埋條校裙既加成，絕對係女神級既人物黎呀！
係廁所洗緊手既Antonia見到我地三個，都有同我地打個招呼，就話「Hello，呀潔你冇咩嘛？唔好為輸左果場波而唔開心呀，我地仲有得打架嘛！今日放學時候再一齊練波加油！放學見啦。」
係Antonia走左之後，Ada就問我「係喎，話事話，今日見你返黎既時候點解冇見你拎衫返黎既？」
「衫？」我問
「係呀，今日星期四，今日同男排打friendly嘛，因為甲組我地一開學就打學界，所以Miss專登叫我地同男排打返場波嘛！你唔係唔記得左掛？」Bianca問
我心諗真係唔好意思喇，我唔係唔記得，我係唔鬼知添呀！
「呀頂！唔記得左拎，一陣Lunch我返去拎。」我講
「！……」突然佢兩個個樣有Ｄ奇怪
「呀潔你今日做咩呀？咁奇怪既？你平時唔會講咁粗鄙既字架喎。」Bianca問
「呀……冇呀，唔知點解突然講左……」咩原來我係依個世界唔講粗口架咩
「咁你趕唔趕到返黎架？洗唔洗幫你買Ｄ野食呀？」Ada問
「好…好呀，唔該。」我唔知點解聽到佢咁講，我居然感動到喊，我仲攬住左Ada
「係喇知喇，呀潔辛苦你喇。」Ada拍拍我背脊講
係跟住落黎既幾堂，都冇咩特別事發生喇，都係上下堂，有Ｄ男仔走黎關心下我咁，但我就好好奇，唔知係唔係女既關係，好多男仔都久唔久擰轉個頭望一望過黎，唔知做咩，算啦。好快就到左放Lunch既時間喇。
咁我就搭埋返去拎衫啦，咁係我等車既途中，佢地兩個仲陪埋我等車，直到我上左車之後佢地先去食飯。
我係架車度就開始諗，做女仔真係好，又有好朋友，又有人關心，又有女攬……女攬？講起，明明一直都好渴望可以攬女既我，係頭先攬Ada既時候，我居然咩感覺都冇既。唔通係因為果時感動？……
除左依個問題，我仲發覺，其實係依個世界，似乎所有野同我原來做男仔時係一模一樣，都冇咩大分別，只係「吳耀傑」依個人冇出現過，取而代之既係「伍潔瑤」依個靚女，咁……其實都冇咩唔好呀，預期做一個比人恰，比人無視既毒撚，倒不如做一個靚女，唔會更好咩？