[新手][愛情][排球]那天我成為女之後 我的人生不再一樣: 4. 伍潔瑤的故事２
「女，呀女！」一把女聲係度講
！
我擘大眼，又係發夢，點解會發埋Ｄ咁既夢，而且……我個心好痛，好似冇左好重要既野咁，點解既？
「女，你做咩訓著左都喊呀？係唔係發生咩事呀？」
我望向把聲既主人，原來係呀媽叫醒左我。
「冇呀，唔洗擔心，只係發左Ｄ好奇怪既夢姐。」我講
「記得有咩事，你都有屋企人，唔好咩都收收埋埋呀！同埋唔准再做傻事呀！」呀媽好勞氣咁講
「係啦，咁你入黎叫我做咩呀？」
「就黎食得飯喇，快Ｄ沖個涼先啦，你呀爸就返到喇。」
「好啦……」
就係咁，我就去沖涼。咁身為男既我，沖涼洗幾耐？所以其實我轉個頭就沖完，就行返出黎，打算行返入房。
「咦呀女，咁快沖完？你平時冇返半個鐘都唔會出黎架。」呀媽就問我
「係咩？攰嘛，沖沖就算啦。」
「唔可以咁懶架，做女仔要每個地方都沖乾淨架，唔可以求求其其架，知唔知？聽日記得沖返乾淨Ｄ呀！」呀媽再講
「好啦，知道喇。」
「做咩呀你，點解係醫院到黎你好似成個人唔同左咁？」呀媽問
我心諗緊係啦，我係你個仔呀，唔係你個女呀！
「可能攰啦，係呢，呀爸幾點返到呀？」
「差唔多喇，幫手開飯啦。」
就係咁我就走左入廚房入面拎Ｄ餸出去啦。拎完無耐呀爸就返到喇。
「呀女你見點呀？冇咩野啦嘛？」呀爸問
「冇喇，係仲有少少攰咁啦。」我答
「下次唔好咁喇，擔心死你媽咪喇，知唔知呀？你唔想講我地唔逼你講，但你有咩事，你叫我同你媽咪點算呀？我地得你一粒女架咋，知唔知呀？」呀爸苦口婆心咁講
「Yes Sir。」我爽快咁答
「好喇好喇，你兩個好快Ｄ坐低開飯喇。」呀媽拎住Ｄ碗筷出黎講
就係咁，我地就坐低左，一家三口就準備食飯喇。
「起筷喇。」呀爸呀媽同時講
「係既，你地都係呀。」我講
當我拎起筷子時，唔知點解隻手好似唔係好靈活咁，隻手郁落冇以前咁靈活咁，但你話係唔係難用，又唔係，點解依個身體咁奇怪既？點我夾完餸時，呀爸同呀媽都不約而同咁望住我。
「做咩呀？」我問
「呀女你……今日做咩用右手揸筷子既？」呀媽好疑惑咁問
下？！咩原來我係用開左手架？唔怪得用右手揸筷子夾餸果下咁奇怪啦，同埋係醫院食飯既時候好似怪怪地啦。
「下？哈哈，冇呀，突然手痕想試下姐，哈哈哈。」我尷尬咁笑住答
然後我就戰戰競競咁將右手既筷子放係左手手上，再用左手慢慢揸實，揸實之後再郁下夾下咁…….咦！好好用喎！我講緊隻左手。點講呢，雖然我唔係用開，但係就感覺到隻左手係比係隻右手好用好多，唔通依Ｄ叫肌肉記憶？…..但又唔係喎，除左我既記憶同個女仔記憶調轉左之外，應該所有野都冇變，換言之…….姐係我依加其實係完完全全係一個女？
成個食飯既過程我都係諗緊岩岩先既問題。食完飯之後我都入返去間房入面，入房前呀媽都好長氣咁講話叫我唔好做傻事。
入到房，我本來想繼續睇下本日記，但部電話Mon突然著左，於是我就拎起左部電話睇下。
Joe：Katrina，有咩事我都會係你身邊架，有咩都同我講啦！你想既我可以幫你打鳩Patrick！(09:55)
Aaron：瑤瑤豬仲未得閒呀？係唔係屋企出左咩事呀？係唔係Patrick條撚樣既事呀？(09:36)
Aaron：得閒覆我丫瑤瑤豬。(09:34)
Ada：Katrina，你冇咩野嘛，Eva同Patrick件事你仲煩緊？有咩仲有我地呀。(09:11)
Joe：Katrina，做咩今日無返既？(08:28)
Aaron：瑤瑤，無咩事嗎？好擔心妳 (08:26)
當然唔止上述咁小whatsapp既問候啦，我都係依刻先知原來靚女有起事上黎，居然係有咁多人關心同問候自己。比著以前仲係毒撚既我，「問候」都會有既，但邊隻問候，大家知啦。
入返正題喇，當我望到unlock screen有咁多既message時候我都嚇左一跳，咁八卦既我當然係會想睇下啦。
按下主畫面按鈕解鎖
再試一次
按下主畫面按鈕解鎖
終於解到鎖喇，一入到去，係Music，鄧麗欣既電燈膽。
https://www.youtube.com/watch?v=IDywqSyQ3Mc
假使不能公開妒忌 學習大方接受
同行時要殿後 誰冷落舊朋友
節曰約我三位一體的慶祝
沿途明亮燈飾閃影著沉重
言談愈熾熱內在更冰凍
誰當初無心將兩方撮合
然後留低只得這寂寞人
仍是你們密友
呆望你們熱吻應該傷感還是快感
能回避嗎我怕了當那電燈膽
盯著你們來來回委曲中受難
一個我被撇低卻又很不慣
要走的一剎又折返
能承認嗎我故意當那電燈膽
他若你們完場時若替也不難
善良人埋藏著最壞的心眼
妄想一天你們會散會選我嗎
啦啦..啦啦..啦啦..啦啦啦..
對換了你身份可應該滿足
情人還是知己都擁入懷抱
同情或眼淚讓別個得到
留低的原因一世的秘密
其實明知只得我是外人
仍是你們密友
呆望你們熱吻應該開心還是痛心
能回避嗎我怕了當那電燈膽
盯著你們來來回委曲中受難
一個我被撇低卻又很不慣
要走的一剎又折返
能承認嗎我故意當那電燈膽
他若你們完場時若替也不難
善良人埋藏著最壞的心眼
妄想一天你們會散會選我嗎