[新手][愛情][排球]那天我成為女之後 我的人生不再一樣: ２.病人

我一醒返之後，我發現自己係一個好白既地方……
 
「嘟……嘟……嘟……」
 
我舉高我既左手……紅紅地，好似枱布咁既衫袖，幼而修長既手指。當刻心諗成隻女人手咁，仲要無啦啦著住件好似姣婆粉紅既衫。
 
「你醒喇？」一把女聲咁問我
 
我望向聲音既來源，原來係一個靚女護士。見到咁既情況我第一下係開心，點解？好簡單姐，有個靚女係你隔離都咪話唔開心。
 


「伍潔瑤，你訓左一日一夜喇，下次唔好再做傻事喇，咁好彩你比人發現得早咋，唔係後果不堪設想架喇。」靚女護士用住責怪既語氣咁同我講
 
「咩伍………！？！」
 
當我想講我唔係姓伍係姓吳既時候，點解我把聲會…..會變左鏡入面果個女仔把甜美既聲架？！
 
「你唔好講野住喇，休息多Ｄ先啦，我通知左你既屋企人你醒左架喇，佢地都應該黎緊架喇，記得好好休息下呀。」個護士繼續咁講
 
其實點刻我又點會有心情再聽個護士講野，因為好似有Ｄ事發生左，但又…唔識講。
 


等個護士走左之後，我望望我手上條帶……
 
Ng Kit Yiu……F……
 
What the……..
 
我再左右望下有冇鏡…….
 
「妹妹你搵咩呀？」一個係病床既嬸嬸問
 


「呀，冇呀，想搵鏡……」我邊搵邊答
 
「你去廁所照啦，哈哈，死唔去都仲咁貪靚，下次唔好喇，好多人擔心你架小妹妹。」嬸嬸笑住講
 
「知道……」我頭dup dup咁答佢，搞到我真係好似有做虧心事咁……明明我都唔知咩事
 
既然果位嬸嬸咁講，我唯有入去廁所睇睇啦。咁一路行行行，見到有廁所就入左去，去到洗手盆位置一望，映入眼簾既，無疑就係我頭先係鏡入面見到既果一位靚女。我再捽捽眼望真Ｄ塊鏡，的確係頭先係鏡入面果位女仔，心諗點解仲會見到佢？我突然諗返起我同個女仔交換身體……交換身體？！
 
我即刻摸摸自己塊面。咦！有感覺既，好滑！我再對住塊鏡舉高左手，鏡像又真係會跟住我既動作而改變……我再向下一望，心口有團肉阻住我望地下……我再摸摸心口果團肉……好軟熟，搞到我搓左幾下，有股酥麻又舒服既感覺由心口果兩團肉傳到大腦，但同時我又覺得心口果兩團肉好似有脹痛既感覺…..但除左咁之後又冇咩野，唔通女仔係咁？
 
之後我係塊鏡度留意到有個呀叔岩岩係廁格開門出黎，依個時候我對手仲係度搓緊自己心口果兩團肉，而個呀叔望到我擘大口得個窿，我就紅都面曬咁講左聲sorry就出返去，望一望問口塊牌……Men……男…….我再望望自己，再望望對面既門口……Female……女……我諗左一諗，就吸一啖氣，就行去推門入去。
 
入到去，其實同男廁既分別，就係冇左尿兜囉。其餘男廁有既野，女廁都有。咁我就行左入一個廁格入面，關埋門。
 
我就開始慢慢望下自己對手，好白好滑。再向下望，就見到白滑既腳背，跟住我就將腳係對拖鞋抽出，仔細望，恰好大細既腳配上一粒粒白雪雪既小提子，簡直係一隻完美既女仔腳。


 
然後我再將褲管向上拉，一對白白既小腿就係我眼前呈現出黎。我由腳踝，望去自己既小腿，再望去被長褲遮住既大腿，再到……
 
我跟住吞左一吞口水，就一手摸摸我既小弟…..弟呢？我即刻除低條褲一望……小傑傑唔見左，原本小傑傑既位，只係得返一片唔係咁濃密既毛，毛下面一條線……Where the hell are you……之後我就著返條褲行返出廁所。
 
依個時候既我，當然係一頭都係問號，除左樹熊圖.jpg之外，黑人問號都可以用得著，咁我就慢慢行返去房度。
 
「女呀，你去左邊呀？」一個女人跑上黎攬住我咁講
 
佢無啦啦咁樣衝上黎，我連佢個樣都未睇清楚，仲攬得好實，我諗係依個身體既呀媽啦
 
「無……無呀，去一去廁所咋。」我邊推開佢邊講
 
望真Ｄ個女人，點解佢同我呀媽係完全一樣樣既？我再望去坐係我張床床邊果個男人，個樣同我呀爸都係exact7ly一模一樣。其實………發生緊咩事？