《我喜歡了隔壁班的交換生》: 22

在我仔細品嘗着有如人間美食的蕃茄炒蛋時，芷妤已一早將桌上的食物全吃光。

「喂，你有冇攪錯！」我氣得頭上直冒煙。

芷妤朝我伸出舌頭：「你唔食，我咪唯有幫你食埋囉。」還要理直氣壯地說。

彤彤只好在一旁無奈地搖搖頭，說：「你想食，以後我每次返香港都煮俾你食啦。」

而且從她的眼神中，我卻看到了無盡的失落。





「我冇食，你唔開心？」

「梗係唔係！」她又耍手又擰頭的。

「只係......」

「只係乜嘢？」我直視着她。

彤彤連忙躲避我的眼神：「冇啊冇啊。」





「咁你啫係嬲咗我啦。」

我裝作生氣，反方向走掉。

「真係唔係。」她趕緊捉住我的手，喃喃道。

我把彤彤按在牆上，貼近着她的臉，說：「你唔講，就唔好走。」

「我...我...唉算啦，同你講喇。」





「唔？」

。

。。

。。。

「我後日就走喇。」

「唔好唔捨得我啊。」

.

...





......

「你要提早？」

「係。」彤彤低下頭，抱歉地說。

我思考了一會...

「嗯。」

「好啊。」

芷妤見形勢不對，趕緊說：「彤彤姐姐，咁我哋不如今日一齊行街吖。」





「行...街？」彤彤瞥了我一眼，面有難色地說。

「去...就去啦，留個回憶都好。」
～～～～～～～～～～～～～～～～～～～～～～
旺角

旺角的行人多得令整條路都變得水泄不通，擠得我快喘不過氣來。

但我又何妨不是心甘情願的跟着她們？為了彤彤，我還是願意付出代價的。

經過每一間服裝店，我都仔細觀察着彤彤的每一個表情，每一個動作。

我害怕以後自己會忘掉她，並背叛她。

不會的，是不是？





樂宜，

你說是不是？

不知現時的你身在何方呢？

不過我再沒有資格知道。

突然，芷妤說自己約了人，急急忙忙走了。

只剩下彤彤和我二人。

氣氛突然變得尷尬起來。





「我突然話要提前走，你會唔會覺得我好自私？」

「唔會。」

「你會唔會嬲咗我？」

「唔會。」

「你會唔會憎我？」

「唔會。」

我左手一發力，把彤彤抱到我的旁邊。

「唔會。乜都唔會。」

「咁...你都唔會掛住我？」調皮的彤彤抬高頭，問。

「唔...我會。一定會。」

差點口快說錯。

「咦？」彤彤緊盯着櫥窗。

「做咩？」

原來她在看着裏頭的一枚戒指。

「又唔係鑽石嘅，靚咩？」

「幾啦。」

「你想要，佢又唔貴，我買俾你啦。」

彤彤若有所思......

「算啦，你都話佢唔係鑽戒，唔買啦。仲有，你遲啲要買返一隻有好大粒鑽石嘅戒指求婚㗎。」彤彤淘氣地說。

「好，你要咩，我都俾你。」

對，

你要甚麼，

我都給你。

～～～～～～～～～～～～～～～～～～～～～～～～

「今晚喺邊度食飯？」

「你肚餓？」

「唔係啊。」彤彤搖搖頭。

「你坐喺度等陣吖，我去廁所。」

過了一會兒，我拿着冰淇淋回來了。

「係...係雪糕車嘅軟雪糕！？」彤彤驚訝地問。

「係啊。」

「我細個嗰陣爸爸帶過我去食，小恆，你可唔可以帶我去雪糕車嗰度，我想感受返嗰種感覺啊。」

「可以啊。」我微笑道。

明明是同一件物件，不同的人卻有着不同的評價，這就是人與人之間的差別。

「不如...我哋睇埋戲先返去？」

「好啊。」

這次我讓彤彤自己選，她選的是《無敵破壞王2 打爆互聯網》，是一套卡通片。

我和彤彤喝着同一杯可樂，吃着同一杯爆谷，我終於做到了半年前遺憾中的事。

「聽日嚟我屋企幫手？」

「好啊。」

正當彤彤打算轉身離開，我把她叫停了。

「嚟我屋企？」

「嗯。」
～～～～～～～～～～～～～～～～～～～～～～～～
在鎖匙扭開家門的一瞬間，突然有一剎那感覺到氣氛不對勁。

「唔？」

疑問就在下一瞬間被解答，一打開門，就被一個七彩繽紛的世界包圍着，家裏頭全是氣球等等的佈置。

目的是甚麼？

低頭一看，桌上的生日蛋糕正正可以解答這個問題，一個糖果屋模樣的蛋糕，上面還有一塊刻着「Yanny,HAPPY BIRTHDAY」的巧克力。

家中全是我們最熟悉的家人、同學，同學包括了杰仔、Jason、吳雪淇和......

她是誰？

「Hi，我叫閔紫逸，係映彤嘅同班同學。」

「係啊，歡迎歡迎。」

我們一直鬧到凌晨二時才完結整個派對。