《我喜歡了隔壁班的交換生》: 21

破曉時分，金黃發亮的太陽在遠處的海岸邊徐徐升起。

「早晨啊。」我坐在帳篷的入口處，對剛睡醒的彤彤打招呼。

「...唔？早晨。」彤彤睡眼惺忪的擦擦眼睛，模糊地說。

「生日快樂。」我捂着彤彤的雙眼，再爬到她的身後。

我將自己自製的項鍊掛到她的脖子上。





「咩嚟？」彤彤好奇地問。

「你打開眼啦。」我說。

彤彤仔細地看着那項鍊，眼神由驚訝轉為雀躍。

「係...係你整嘅？」她問。

「梗係啦。」我答。





項鍊上是一個星空圖䅁的吊墜，吊墜的背後被我雕了一個「彤」字。

「鍾唔鍾意？」我問。

「嗯！」她點頭。「多謝你。」

「今日個天都一樣好靚。」我仰望天空，有感而發。

「係啊，而且...好珍貴。或者，喺未來...就冇機會再見到。」彤彤感歎起來。





「做咩突然咁sad 咁嘅？」我摸了摸彤彤順滑的秀髮。

「冇...只係—」

「我哋起程喇！」杰仔在外面大喊着。

「走啦。」彤彤和我趕緊背起行囊，跟上大家的步伐。

「大家早晨！」Jason 還是一樣的生氣勃勃。
～～～～～～～～～～～～～～～～～～～～～～～～
好不容易回到家中，卻讓我見到家中空無一人的慘況。

「Auntie 唔喺度？」彤彤問。

「睇嚟就係喇。」不會吧？那我的午餐怎麼辦？





「等我嚟煮啲嘢俾你食先啦。」彤彤貼心地說。

「知我者，彤彤也，我都嚟幫手吖。」我說。

「嘿嘿，好啊。」

正當我和彤彤正在廚房中煮着蕃茄炒蛋時，總是礙人的芷妤回來了。

「唷，阿哥阿嫂係度玩緊煮飯仔？咁我都係返房瞓覺就算喇，費時一陣閃肓我對眼冇醫藥費賠。」調皮的芷妤用着搗蛋的語氣說。

「你個死妹釘，一返到嚟就講埋啲咁嘅嘢，想喱餐lunch 唔食你就即管講落去。」我說。

「哦。」芷妤一臉不在乎的回到房間去。





「串到你～」我不屑地說。

這時，捧着一碟蕃茄炒蛋的彤彤步出廚房：「食得喇。」

「唔好理入面嗰個。」我說。

「...唔？點解？」彤彤疑惑地問。

「佢話唔食。」

彤彤歪着腦袋，思索了一陣子，走到我的背後為我按摩：「你咪大人有大量，放佢一馬囉，嘿嘿，你咁好人～」然後再把一塊蕃茄夾到我的嘴巴裏。

一陣微酸的味道滲透在舌頭中，緊接着的酸味慢慢被中和成甜味，蕃茄汁佈滿着整個口腔，甚至更從嘴角流了小許出來，我的雙眼發着前所未有的亮光，蕃茄的鮮甜多汁衝擊着整個大腦。

我坐下來，坐到一塊蕃茄之上，輕輕用舌尖一舔，那鼓蕃茄的味道在我的腦海中揮之不去......四周也被蕃茄所圍繞着。





「小恆？發生咩事？」彤彤憂心地問。

「冇。食完你煮嘅蕃茄之後，我陷入咗短暫嘅幻覺。」我說。

「乜有咁勁咩？」彤彤不解地問。

「你係永遠都唔會知道自己煮得有幾好食。」我說。