《我喜歡了隔壁班的交換生》: 17

「好精神啊～」我伸一伸懶腰，邊打着呵欠邊走向從帪篷外傳來的香氣。

一走出帳篷，便看見Apple在煮着早餐。

「早晨啊，阿恆。」Apple說。

「早晨啊，你係度煮緊咩啊？」我問。

「麵啊，不過唔係即食麵。」Apple對我微微一笑。





「係呢，等我煮埋俾你吖？」Apple 問。

「唔洗喇，我等一陣彤彤起身再煮就得喇。」我一口拒絕了Apple 的好意。

「係啊？好啊。」不知道是不是我太敏感，總覺得Apple 的臉上露出了一絲的失望。

於是乎，我在等彤彤起牀，Apple則在等麵煮好。

我們之間的氣氛非常尷尬，dead air 了許久。





「係呢，你煮嘢食好叻㗎？」我問。

Apple 思考了一下，才緩緩回答：「一般囉，唔係好出眾。」

「依家香港咁多港女，又識煮嘢食又靚女嘅真係買少見少喇。」我不禁慨嘆。

「係...係咩。」Apple 臉上好像有一點點紅。

「唔講住喇，我去睇下彤彤醒未。」





「好...好啊。」我又注意到Apple 再次流露出失望的表情。

回到帳蓬中，我安靜地坐在彤彤的身邊。

看着她可愛的臉，我忍不住捏了她的臉頰一下。

她鼓起了腮子，卻沒有回應或是張開雙眼。

等了一會，我忍不住問：「你嬲啊？」

彤彤張開雙眼，生氣地說：「又識煮嘢食，又靚女喎。」

我先是一段時間的腦閉塞，就像電腦中的「Loading 」一樣load 了一會兒。

我一下子趴在她的面前，凝視着她的雙眼：「咁，邊個先係真正喺我嘅眼裏面吖？」





她呆了一呆，然後將頭擰向另一邊。

我又把她的頭轉回來，深情款款地看着她：「係你吖嘛。」然後吻着她的嘴唇。

「出去啦。」彤彤重拾笑容，正視着我說。

「走喇，我嘅公主。」我「公主抱」着彤彤離開帳篷。

Apple 再次用十分介意的眼神看着我們。

「各位，今日我哋去踩單車啊。」杰仔說。

這時，大家都醒來了。





秋季露營第二天，正式開始！