《我喜歡了隔壁班的交換生》: 15

「你話咩話？」彤彤問。

「我話，我見到我隔離有個靚女好似天使渣嘛。」我用故意逃避的口吻說。

「咁係邊個啊？」彤彤你好像很想我承認你就是那個「天使」吧。

不過，我不要。

「可能前面嗰個，又或者係打斜對住嗰個，定抑或後面嗰個呢？唔知喎。」我淘氣地逗她。





「哼，係我啊，梗係我啦。」彤彤像生氣但又不是在生氣的說道。

我捏一捏彤彤那鼓起了的腮子，道：「係喇係喇，我最靚女嘅天使，等我將你送上太空啦。」說罷，我將彤彤以「公主抱」的姿勢抱起。

「啊～放我落嚟啊！」彤彤裝作反抗，在半空中踢着雙腿。

「嗱，你話㗎，我放你落嚟喇。」我假裝要把彤彤拋出去。

「唔好啊～～～～～」彤彤緊箍我的脖子。





這時，彤彤的體重令我忽然失了平衡。

「死！」我向後一跌。

現在的我，面朝彤彤，而彤彤，則是吻在我的嘴唇上。

......

噗噗...噗噗...噗噗......





「好衰啊，子恆，做咩突然跌落地喎。」彤彤別過頭，紅着臉說。

「你怕醜咩？」我問。

「唔。係。啊。」說罷彤彤再次臉朝向我，一下子吻下來。

...

......

「起身啦，你睇下你受寵若驚個樣，哈哈！」彤彤站起來，伸手拉着我。

「陪我砌沙堡。」彤彤命令我。

「你仲細咩。」我揶揄她。





彤彤嘟一嘟嘴，捏着我的臉說：「我好細㗎。」

這個沙堡還真是難堆，剛把沙放上去，它又倒下來。

「點解咁難嘅？」不知道失敗了多少次之後彤彤天真無邪地問。

我搖搖頭，無奈地答：「彤彤啊，人哋堆沙堡係有模㗎嘛，所以我哋咪唔得囉。」我指向旁邊的一對父子。

「咁點解你唔早啲同我講喎，不知者不罪嘛。」彤彤鼓起腮子說。

「咁，我哋有實力吖嘛。不過依家咪證明我哋喺砌沙堡方面冇天分囉。」我說。

「咁，不如我哋同我哋嘅成品影幅相啦。」彤彤提議。





「好啊。」我取出手機。

「3，2—」

「1。」彤彤吻了在我的側臉上。

「咔嚓」一聲，我便愕然地看着鏡頭。

手機上，永久地儲存了我和彤彤這一刻的記憶了。

「喂，你哋兩個，有冇搞錯啊，我哋去咗買嘢，你哋就喺度玩，唔洗睇住啲嘢啊？」杰仔生氣地說。

「係喎，掛住玩，唔記得哂啲嘢。」我搔搔頭，然後和彤彤一同回到燒烤場。

「唔緊要啦，冇嘢唔見咪得囉。」Apple 安撫杰仔的情緒。





「我唔見咗個女朋友啊。」杰仔向着Apple 說。

「我唔知喎，你問下阿恆啦。」Apple 說。

很明顯地，杰仔想Apple 承認自己是他的女朋友吧，但絕對地，Apple 不會承認。

「係咪喱個啊？」我拿起杰仔的背包，拋給杰仔。

杰仔先是愣了一愣，然後做個「死仔包，之前我幫你，依家你又唔幫返我」的口型向我。

「......」全場dead air......

「喂，你哋喺度做緊咩啊？」我看一看，阿Ray 他們一行四人都回來了。





「返哂嚟，可以開始煮喇。」杰仔說。

阿Ray 和Jason 取出他們各自買回來的食物，有香腸、雞翼、麵包、魚蛋、牛丸、豬排、棉花糖、蜜糖和...一個芒果布丁？

「個芒果布甸，做乜事？」我問。

「忻忻話佢想食，所以我咪買咗個囉。」阿Ray 說。

要吃布丁你要麼不要拿出來，要麼就買全部人的分量嘛。

......

我和彤彤先各取兩條香腸，然後彤彤坐在我身邊，我們互相依附在對方的肩膀上燒烤。

「Ray Ray BB，幫埋我燒啦。」林卓忻說。

這個林卓忻是公主病嗎？真是的，怎能港女到這個地步？

我當然沒有說出口。

此時的彤彤已經在我的肩膀上閉上眼睛休息，連自己的香腸快要燒焦了也不知道。

「彤彤！」我喊道。

「係！做咩？」彤彤驚慌地問。

「你睇！」我指着彤彤在燒的香腸。

「弊家伙！我燒燶咗條香腸啊！」彤彤驚訝地說。