香港殺入世界盃（尼馬故外傳）: 第五十四章

54）農曆年廿九，鹿嶋市。


「媽，呢度就係我屋企。」早上，德仔把母親接到日本家裡。
「今次返香港，我要同香港人一齊對抗強權，所以要接你黎住一段時間，以策安全。」
「你真係決定返去？」
「冇錯。」德仔道。
「但依家香港笠笠亂，之前革命仲打死人……」德仔媽媽表示擔憂。
「香港人呢次罷工既原因係我，我點可以致身事外？」德仔道。
「……嗯，你講得岩。」德仔媽媽道。




「我都係個句說話：仔，自己認為岩既事儘管去做，媽媽一定支持你。」
「知道了媽，妳自己小心。」


德仔跟媽媽道別，拿著行李出發前往機場。


－－－－－－






年廿九晚上，灣仔修頓球場有大批市民聚集，由波台痴線佬及港英餘孽領銜。


「等左半世人，我地終於見證香港殺入世界盃……」波台痴線佬發言人梁若智道。
「但依家港隊搞到被人拆骨，係邊個一手造成？」
「係體委會！」
「錯！體委會都係受命於港共政權同中國大陸！佢地先係罪魁禍首！」
「冇錯！搞合併想『殺死』港隊﹑用政治理由禁止gary入境﹑向FIFA投訴要將我地踢出局﹑到依家德仔既事……呢一切一切都係中國政府迫害我地既手段！ 」
「呢個無能政府，不斷為中共站台逼害香港人！香港人要贏，港共政權就要輸！」
「我地要香港隊完完整整出戰世界盃！！！」






修頓球場殺聲震天，追隨者就如準備出征的士兵一樣，不斷嚎叫造勢。
 
「大家唔會唔記得六個月前阿傑既死，為我地打左一場漂亮既勝仗……」
「我地每一個人都無所畏懼，唔怕成為下一個林世傑！為左公義﹑為左香港民族，今晚，我地唔單止要為德仔討回公道，更加要為香港人討回公道！！」


「全城大罷工」進行得如火如荼，街頭小販已無容身之所，另一場農曆新年的街頭戰爭卻即將展開。

年廿九晚，「波台痴線佬」﹑「港英餘孽」及「捍衛本土」三個單位在灣仔發起遊行，沿盧押道及軒尼詩道交界分兩批出發，一批佔據軒尼詩道行車線﹑另一批則攜同石塊及磚頭前往體委會總部。

由於遊行沒有經過申請程序，警方接報到場阻止引起激烈衝動，程度有如當年的魚蛋革命。

另一邊廂，到達體委會總部的波台痴線佬開始行動，不斷向大門及窗戶扔磚頭：






「體委會收皮！體委會收皮！」


警察到場制止，痴線佬以磚頭還擊，兩個戰場先後爆發。這場運動是獅子山革命的延續，以捍衛香港足球隊為引子，被稱為「足球革命」。

類似當年的魚蛋革命，衝突持續了一整個晚上，多人被捕。不同的是，體委會引起全城公憤，翌日有更多市民走出來包圍體委會總部靜坐，加上罷工行動依然持續，香港頓時陷入癱瘓狀態。

下午，體委會在灣仔的總部門外，示威者發動另一波攻勢。


「躝出黎回應呀屌你老母！ 」






他們在地下掘出磚塊，扔爛體委會的玻璃門及窗戶。大半職員已無上班，只餘零數的清潔工人，一班高層當然繼續躲在龜殼避難。
 
「躝出黎！ 」示威者不斷進攻，體委會總部瞬間變成頹垣敗瓦。



嘭！

晚上十時，警方向天開出第一槍，隨之而來的是警棍﹑鐵水管﹑磚頭……



「黎啦，我地唔驚你地！」
「你地咁樣打死阿傑，唔爭在打死埋我！！！」






獅革一役錯手打死了林世傑，警方被批評得體無完膚，此時再次與示威者埋身肉搏顯得綁手綁腳，示威者打蛇隨棍上，向警方防線步步進迫。


「豈有此理！ 」示威者步步進逼，有年輕警員不堪壓力，心中只想拔槍還擊……



－－－－－－－


「長官，事情鬧得愈來愈大，如今……」


公開將德仔逐出港隊，體委會一眾高層早就擔心會惹起公憤，只是當時不敢違抗上級命令，無可奈何地發放聲明。

如今的亂局證明他們的憂心是對的，事件不但令本土及勇武派藉機示威，廣大市民的參與更加此料不及。

他們早在大罷工初期已經六神無主，眼見罷工演變成騷亂，被視為動亂的罪魁禍首的體委會受盡千夫所指，只得向中國政府求助。


「咱們正好借此機會，重推『五十年』法案。」港澳辦主任森森的道。
「可是如今事情難以收拾……」
「要打擊這班烏合之眾，必須先令他們害怕。」
「他們連警察也不怕，我們可以怎樣做？」
「他們不怕，是因為知道警方有所掣肘！不用擔心，國務院剛剛已去電行政長官及警務署長，給予警方合法殺示威者的權利。」
「………」
「這群人，必需死。」