香港殺入世界盃（尼馬故外傳）: 第五十一章
51）兩個月前。
「坐吧。」
辦公室內，兩位中國官員分別為國家體育總局主席兼人大政協﹑以及港澳辦主任。
對面坐著的，是香港體委主席（下稱主席）及榮譽委員梁孔德。
「兩位長官，對於中國足協上訴失敗一事，我深表遺憾。」主席道。
「免了。」國家體育部長揚手。
「只要2046的世界盃主辦權弄到手，我們也會豬籠入水，屆時少不了你們的份。」
「多謝長官。」主席及梁孔德齊聲道。
「這次會面，是因為國家有任務交給你們。」
「任憑差遣，長官請說。」
「聽說你們香港隊有位少年最近闖了禍？」
「對。」梁孔德道。
「我們探訪足球隊訓練營，他向我問罪把我推倒在地，傳媒都拍了下來。」
「你們打算把他怎樣？」
「停賽是最基本的……但這小子是當今紅人，不能罰得太重。」
「那就好，上級希望你們借此機會，幫忙滅聲。」
「滅聲？」
「香港足球隊最近成為了港獨運動的象徵，那位少年人是香港隊的代表人物，上級希望他可以發表一份聲明，公開表示港獨遺害社會。」
「上級是要借助那小子的影響力，打壓反對聲音？」
「正是。香港球員在北京強行為示威者默哀一事，在中國各地引起不少迥響，上級不希望見到這樣的情況。」
「我們當盡力而為。只怕那小子掘強，不肯就範。」
「參加世界盃的機會一生只有一次，他會就範的。」
「您的意思是……？」
「你們告訴他，要重返香港隊就必須發表這份聲明。」
「不錯，對於足球員來說，世界盃是一枚金蛋，是名揚天下﹑走向榮華富貴的大好機會，我可不信那小子會為了那些港獨份子，放棄這千載難逢的機會。」
「長官所言什是。」
－－－－－－
鏡頭，回到體委會總部的記者會上。
「德仔，對於當時既行為，你認為自己係咪太衝動？」記者問。
「我當日既行為，的確為社會帶來壞榜樣。」德仔倚近咪高峰開始發言。
「對於自己既衝動，我喺度向所有受影響人仕，包括公眾，致以衷心歉意，並承諾以後謹言慎行。」
說著，他站起身向記者九十度鞠躬，為自己的行為承擔責任。主席及梁孔德二人只道德仔就範，臉上露出笑容。
接下來的發展，卻出人意料。
「你既行為，係出於對體育委員會既不滿？」一記者問道。
「你認為香港體委對足球員既支持度夠嗎？」另一人問。
德仔神色凝重地望著記者群，卻沒有直接回答問題：
「各位，我今日想帶大家進入時光隧道，睇返二十幾年前既香港。」
「你……」他這樣回應，令梁孔德及主席二人頃刻楞住。
「二十年前我未出世，但當年既香港社會係點，我係知道的。錢，係唯一既核心價值；點樣搵更多既錢，係香港大部份人既唯一目標。體育？唔好搞啦！點解呀？當年有位行政長官解釋過，話體育冇經濟貢獻，搵唔到錢囉！」
眾人當然知道德仔說的是哪一位行政長官。
「小朋友雄心壯志想要成為運動員，衝出亞洲為港爭光……但喺呢個咩都講錢既社會，佢哋唔敢諗亦唔敢發夢！即使有人勇於嘗試，但屋企人會點諗？踢波？俾你踢到朗拿度咁叻，一個月先賺得個一萬幾千，有咩用？你唔係真係覺得自己踢到英超呀？做人最緊要係腳踏實地，努力讀書，畢業之後搵份好工賺錢，然後成家立室！」
「『腳踏實地，努力讀書，搵工賺錢，成家立室』，呢條所謂既人生方程式，唔知扼殺左幾多年輕人既夢想！而呢種搵錢至上既社會風氣，就係呢一班人造成！」
德仔霍地站起，直指體委主席及梁孔德二人。
「嘩……」
氣氛瞬間變異，記者爭相拍照捕捉，體委主席及梁孔德恨不得找個洞鑽進去。
「當年既足總主席，就係呢位梁孔德先生。」德仔續道。
「根據資料，政府喺二十年前既鳳凰計劃撥款五千萬俾足總，呢筆資金入面有超過八成係用作薪酬開資！即係話，五千萬入面，用作推廣足球既不足一千萬……其餘既錢，全數落入呢班做唔到野既高層手中。」
「錢﹑咩都係錢，佢地搞足球既理念只有錢！當年係邊個話香港足球冇出路，要加入中國大陸既大灣區聯賽？」他瞪著梁孔德。
德仔連珠爆發，愈說愈流利。他本不善言辭，只因心中想得通達，言辭便顯凌厲。
「一池死水既香港足球，到左今日終於殺入世界盃，係邊個既功勞？係呢班人嗎？」德仔大聲問。
「唔係……」
「係Gary。」一名記者忍不住答話。
「冇錯，自從Gary加入香港隊，地區青訓開始發展，家長開始接受子女發展運動……」
「係，唔單止足球，成個城市既體育風氣都唔同晒！」
「冇錯，呢個香港足球既轉捩點！」
德仔客家佔地主，一班記者爭相回答他的問題。
「一個對香港體育界勞苦功高既運動員，被代表住香港運動員既高層出賣，太諷刺了！」德仔金睛火眼直視一眾體委。
「唔係Gary回流開拓青訓市場﹑推廣本地聯賽，有可能做到今日港超聯場場爆滿？你地可以賺到盤滿砵滿？佢被人迫害，你地冇講過一句說話撐佢，仲要為施虐者說詞！！你地覺得慚愧嗎？」
「各位香港體育界管理層，請聽我一言。唔單止足球，所有香港運動員都好需要你地既支持！我希望你地唔好只懂得坐享其成，一心想賺人民幣！」
德仔愈說愈有力，台下傳來陣陣掌聲。
「我今日要講既係咁多，當中既對與錯，大家自有公論。」
在場不少資深的體育記者多年來致力以文字支持香港體育發展，聽著德仔的肺腑之言，感動得流淚。