香港殺入世界盃（尼馬故外傳）: 第二十二章

22）眾人屏息以待，氣也不敢喘大口。



啪嚓～



「嗚呀呀～！入左！！ 」






皮球在網窩旋轉，足見德仔落足了功夫！


阿曼1－2香港  


看台上作客球迷瘋狂慶祝，職球員從後備席衝將出來，與球員交織出一座人山。

如此重要的三分﹑如此關鍵的時間，德仔將跌進深淵的香港隊，親手拯救出來！








嗶～嗶～嗶～～～

阿曼1－2香港FT









球證沒再予阿曼時間復仇，皮球在中圈開出後旋即鳴笛，結束這個傳奇的晚上。

兩支球隊實力算不上頂級，但這個晚上所踢出來的足球卻熱血萬分，成為本輪最精彩的比賽，亦是香港足球史一役傳奇。

 
日本14
中國12
香港10
卡塔爾5
黎巴嫩5
阿曼2






「總算冇令我地既球迷失望……大家做得好好呀！！！ 」



整場比賽費盡心血喚醒隊友，我終於回復和顏悅色。球員將勝利歸功於德仔，我卻強調勝利是屬於每一個付出汗水的隊員。

贏波繼續追趕第二位的中國，總算放下心頭大石，國際賽的洗禮亦給予德仔不少信心去解決他在球隊的問題。


－－－－－－


三日之後，再次成為香港英雄的德仔回歸橫濱足球訓練場，重新投入訓練。






「嘿！」
「喝！」


眾將剛於國際賽消耗大量體力，這天的功課只屬於輕量性質，都是一些鬆池及恢復性訓練，而德仔對阿曼的絕殺球成為了隊內話題，連戴利素及史提芬斯等大牌球星亦有所聞，紛紛向德仔祝賀。

午飯時段，德仔特意拿著他的餐盤，走到飯堂裡平松﹑白石及田仲等年輕隊員所坐的桌子前。
 
 
「一齊食？」他以日語說。
「…………」平松等三人怔怔望著他，有點錯愕。
「有咩事嗎？」田仲問道。
「無事，只想交個朋友。」德仔道。
「……隨你。」






德仔坐下來，隊友們恍若無事繼續用餐。


「呢度有包阿曼特產既木瓜乾，請你地食。」德仔拿出準備好的手信，分給眾人。
「……多謝晒。」平松道。
「不過唔好意思，我地冇韓國手信回禮。」田仲道。
「韓國我去過，冇咩值得買，唔緊要。」德仔道。


平松等三人是日本隊u23小國腳，這星期隨隊作客韓國比賽，大勝4－0。

三人拆開德仔的手信，各自嘗了一口。






「嗯……塊木瓜乾好特別，有種好濃既奶味，幾得意。」平松道。
「好好食，日本個d真係冇得比。」白石道。
「不過中東出產既食物，安全嗎？」田仲問道。
「我同其他隊友食過依然生龍活虎，表現完全唔受影響，應該冇問題。」德仔道。
「我地睇到，韓國酒店有直播你既比賽。」平松道。


德仔日語不流俐，平松等人放慢語速說話，過得良久，他逐漸適應下來。


「大戰在前，你地居然仲有時間逛街？」白石道。
「係領隊既意思，要我地提早兩日到達，放鬆心情比賽。」德仔道。
「嘿，呢個舒緩方法幾特別。」田仲笑道。
「明年三月，日本隊會作客香港踢次回合既外圍賽，」平松道。
「如果我地入選大國腳，就可以同你一較高下。」
「你地一定可以，我亦隨時奉陪。」德仔道。
「哈哈……好。」


平松伸出右手，和德仔來個high five，白石和田仲二人相繼加入，將之前的嫌隙一筆勾消。


「你既絕殺入球非常精彩，我地睇既時侯都大叫出黎。」田仲道。
「勝利係屬於所有隊友，」德仔道。
「正如我地團隊一樣，贏一齊贏﹑輸一齊輸，無分你我。」
「冇錯。」


年輕人就是這樣，容易將恩怨一笑置之，沒有隔夜仇。