聖嗜殺書院: 第十章： 真相

我地坐係一個空課室裏面，認真聆聽個男仔所講嘅「真相」
「首先要介紹一下自己，我叫黎嘉祐，可以叫我嘉祐，係呢間學校嘅中六生。」
估唔到佢中六，但身高就成個中一咁。
「同時我亦都係依家呢間學校嘅校長個仔」
「吓？？？」我地感到非常驚訝
「喂喂喂，你話你係個變態校長個仔，咁我點知你係咪嚟做間諜，幫你老豆整
死我地㗎？」阿權對嘉祐嘅身份抱有懷疑。
「如果我係親我老豆嘅，我都唔洗比人追殺啦！」
「再講，你地生唔生存到都要睇我。」雖然佢咁講係有啲串，但佢係知最多內
幕嘅嘢，今次真係唔靠佢唔得。




「講番正題，你地應該聽過歐洲依家因為中東地區嘅戰亂同恐怖份子而出現難民
潮啦，當中以德國最嚴重。過多嘅難民湧入德國令德國嘅治安同國家資源逐漸
減少，有一班德國人為阻止難民影響佢地嘅國家，就成立一個新嘅黨叫「新日
耳曼聯盟」。呢個黨主張強烈嘅民族主義，認為只有將非日耳曼民族嘅人驅逐
出德國，德國先可以回覆昔日嘅繁榮。」
「唔……我可唔可將你嘅說話理解為：德國納粹主義復興？」
「無錯，而且依家德國總理默克爾仲因為佢嘅難民政策被迫落台。依家呢個黨
係德國成為左最大黨，支持人數多達全國總人口嘅3份之2，其他黨亦被強行吞
併。簡單嚟講，德國已經成為一個一黨專政嘅國家。」
「咪住先，你話德國納粹主義復興，咁頂多只係影響德國啫，點解搞到嚟亞洲地




區㗎？」
「問得好」「正如我剛才所講，歐洲受難民潮影響嘅唔只係德國，仲有法國、
英國、土耳其等等其他國家。自從德國開左個頭，其他受影響嘅國家亦紛紛效
法德國嘅方法，而最慘嘅係，橫跨歐亞大陸嘅俄羅斯亦被影響。」
「其實好多國家都係以民族主義名義去攻打其他國家，例如俄羅斯。佢幅員大
，主要以亞洲國家為目標，但其實幕後都係德國政府策劃。德國政府提出一個
方案：任何被攻擊嘅地方，必須要交出4個人做抵押，先會停止攻擊嗰個地方，
而係香港，我地就係被選中嘅一群。」
「但明明之前咩事都無喎，我地前一晚仲訓得好好地，邊有可能一訓醒第二朝
就發生第三次世界大戰先得㗎，根本都唔合理嘅。」阿權說。




「咁你地有無發現近期開電視咩新聞都無，網又上唔到，但市面仲好似一切正常
？因為你地唔再係2017年，而係2018年，朝早番學有無發現門口放左部好似發
電機咁嘅嘢呀？嗰個係係德國同俄羅斯嘅傑作，可以將空間扭曲。簡單嚟講，
你地已與世隔絕，點先可以番到原本嘅香港？就係要將我阿爸殺死。」
「錯晒……根本錯撚晒…… 無稽之談！邊有可能呀，咩屠殺，咩德國納粹，咩空
間扭曲……全部錯晒！！你根本係嚟做間諜，一心想整死我地！」阿權攞起棒
球棍，衝嘉祐準備一棍打落佢個頭到，但比我拉住左。
「停手啊！」「你打死佢都無用㗎，正如佢所講，要殺死個變態校長先有得出
番去，咁我地應該要盡快搵方法先番到去。」
「噠噠噠……」一陣腳步聲越來越接近，一班黑衣人強行撞開門，一棍打落嘉
祐後腦，嘉祐應聲倒地，阿權亦反應唔切被人打低左。
「做咩……」話語未落，我同Joyce 都被打暈。
：
：
：




「唔……唔……啊！頭好痛……」我被人挷係一張凳上面，坐係一間房，間房好
黑……好黑
（待續）