《星際》關於外星人、星際飛船、影子政府嘅一切真相: 13
點解現實要咁殘酷之(１３)
「啲蜥蜴人橫行霸道，聽落好似好灰咁，但其實佢哋嘅力量係源於恐懼，面對人類嘅光、真理同勇氣嘅時候，佢哋會喪失大部分嘅力量！我哋要意識到依一點，我哋每個人心中都有光同埋愛，我哋係有自由意志可以反抗呢啲負面生物！」隊長目光如炬，認真地說著。
我跟隊長的眼神交接，熱血上湧。
投影片又被置換，顯示出一幅遠古地圖，「……而係亞特蘭提斯覆滅之後，地球板塊有好大嘅變動，又經過１００年左右，黑暗勢力就開始第一次建立帷幕，並且創造一堆電漿形態嘅奇異子炸彈同頂夸克炸彈包圍著整個地球——地球隔離區正式形成。」隊長以食指在虛空一點，投影片顯示出地球被一大堆綠色圓點所包圍。
下一張圖，是一堆化學符號與英文註解。
「當時嘅光明勢力仲未研發到科技可以喺零傷害嘅情況下解除到呢啲炸彈……一直到１９９０年光明勢力先可以拆除曬所有奇異子炸彈。」
迦南點點頭表示明白，「我想問，光明勢力係由咩外星人組成？」
隊長換了一張投影片，「其實光明勢力不完全係外星人組成，光明勢力係由好多個組織組合而成，包括身在遠方嘅銀河聯盟，依個係由本銀河系嘅正面星際文明組成嘅自由聯盟，成員主要為昴宿星人、天狼星人、大角星人以及獅族人，宜家佢哋嘅阿斯塔指揮部艦隊正努力清除我哋月球背面以及火星上嘅負面基地……然後，係地球上，就有我哋RM抵抗運動、藍龍組織、地心文明阿加森王國，另外仲有一啲比較小規模嘅團體，例如白龍會，神農七人方士團、白色貴族、正面聖殿騎士團。順帶一提，阿米星星小孩２裡所提及的正面外星人聯盟就係指光明勢力，佢哋真係幫咗地球人好多，包括阻止大地震發生；而陶淵明嘅桃花源記，所記載嘅就係地心世界文明。」
聽罷，我與少女又再一次受到衝擊。
「講番地球現正面對嘅問題……頂夸克炸彈的確係個棘手嘅問題，依種無形炸彈同帷幕緊密地連結係一齊，咁多年以嚟，光明勢力只係清除到７％左右，另外，黑暗勢力有一種以量子電腦運作嘅超級雷達，一旦發現有大數量嘅光之飛船想降落嚟地球，就會即刻引爆炸彈，殺害地表上嘅『人質』，即係地球民眾。」
迦南點點頭表示明白，「所以光明勢力唔可以派飛船落嚟幫我哋……而家就唯有靠喺地球上嘅RM組織？咁其實你哋最初係點樣成立？」
「係25000年前，地球進入隔離狀態之後，亞特蘭提斯當中嘅反戰派，光明嘅一方，陸續撤退到地心世界，佢哋創立了『阿加森王國』，並且以水晶科技建立地下高速列車互相串連嘅地底城市網路——阿加森網路。依班亞特蘭提斯遺民世世代代盡心盡力對抗地表上嘅黑暗勢力，佢哋稱呼自己為抵抗運動，Resistance Movement，係25000年以黎一直維持著地球嘅光……之後不斷有正面派系嘅人融入咗抵抗運動，例如1899年時中國『紅龍』組織，1975年時一班對抗光明會嘅12人秘密特工組織，我就係來自紅龍……RM嘅發展日益壯大，去到1990年左右，大概有8000萬人。」
「原來中國有個組織叫『紅龍』？係點樣㗎？」我相當有興趣。
「係１６０３年左右，明朝神宗皇帝為了應付耶穌會士嘅惡意入侵同其他非法行為，創立了秘密軍事組織『紅龍』，依個組織直接聽命於佢，朝廷內亦只有佢一個人知道，我哋依個組織係以女方士同一眾武術高手所組成，包括我在內，大多數有女神能量係身，第一代首領為青城山女方士李曉慧，我哋一班光戰士負責對抗以馬Ｘ奧為首嘅一眾蜥蝪人傳教士，呢班義大利人喺中國犯下謀殺、搶奪秘寶『五嶽真形圖』同埋數之不盡嘅性罪行……我哋紅龍多次阻止左耶穌會想入侵中國嘅行動，而且一直保護好我國嘅婦女、巫女、小孩、各地能量漩渦點同古老星門。」
「而係外國嘅巫女就冇咁好彩喇，佢哋因為有女神能量喺身，再加上用白魔法四圍去幫助人……依啲都係小蜥蜴最討厭見到嘅事，因此當年班小蜥蜴傳教士就屈班巫女用黑魔法，再將佢哋大量燒死，甚至係肢解同姦污……」
「而再之後，耶穌會終於係１６２６年決定勾結後金勢力，提供左大量資金、科技同人才俾第二代大汗皇太……」
「等等。」我取出一張紙巾，讓少女抹掉不斷滾出的眼淚。
「sorry，唔知點解…… 」迦南的一雙美目滿是眼淚，不斷地湧出，「我聽到咁多巫女被人燒死個部份，我就覺得非常、非常傷心……個心好似突然懸空左咁……就好似、就好似……」少女聲音滯澀。
「就好似妳經歷過咁？」隊長突然說。
「嗯……」迦南表示同意。
「有原因嘅……」隊長也顯得相當悲傷，又遞上一張紙巾給她。
一陣沉默過後，隊長續說，「……後金嘅無情軍兵先入侵蒙古、朝鮮，再係中原大明帝國造成左大量殺戮……皇太極聽從義大利天才策士亨利嘅意見，利用反間計令到明思宗以為長勝大將軍袁崇煥勾結敵軍，「通虜謀叛」，將佢凌遲處死，逐塊肉割落嚟，一代忠臣死得不明不白……自此明軍兵敗如山倒。」隊長一臉愁容，嘆息一聲。
「依位耶穌會天才策士亨利，服侍咗幾代帝王，由皇太極到康熙帝……歷史係由勝利者所記載同修改，所以依類資料係唔會係史書上出現，亨利嘅一連串計謀令到後金日益強大，大明日漸衰弱——賄賂吳三桂、分化明朝重臣、多次使用反間計、迫使崇禎皇帝斬殺妻女並上吊自盡。依位耶穌會策士，後來轉世為一位美國人，加入左共濟會，創立全球第一嘅電腦系統公司——Ｍ．ｓｏｆｔ。」投影片顯示了這個男人今世同前世的照片。
嗯，我們當然見過這位國際級首富，原來他的前世跟現在的模樣是相當相似的。
看來光明勢力或黑暗勢力早於明朝已經擁有彩色照相機技術。
「明亡後，當時我哋紅龍嘅臥底繼續潛伏係清宮同軍隊內部暗中對抗滿清同耶穌會嘅文化入侵，而手段包括收買康熙帝身邊嘅高級太監以收取重要情報……當然我哋組織唔會用紅龍嘅名字，而係用——天地會。」
聽到這個熟悉的組織名字後，我跟迦南不禁驚呼了一聲——
但更驚訝的，還在後面。
投影片由一張彩色團隊大合照，漸變成一張個人照，下方寫著天地會總舵主。
天啊……這個男人。
我瞥見迦南的表情跟我一樣滿是驚訝與震撼——
照片中的俊朗男人一身白色漢服，雙手從容負後，留了一頭清朝時獨有辮子髮型——這個男人根本就是隊長。
隊長面帶微笑地說：「無錯，我就係『紅龍』第三代首領，天地會總舵主——陳近南。」
（下一集預計２３／２４號出）
（頭盔）記住以上只係一個小說故事，小說裡的耶穌會，與現今的耶穌會並無任何關係
（戴多個 XD）所有關於蜥蝪人影子政府的描述全是小說家之幻想
多謝大家支持，多謝維基大師 :)