《星際》關於外星人、星際飛船、影子政府嘅一切真相: 12

12
 
好明顯不屬於人類的眼睛。
 
「……依隻全視之眼附近嘅皮膚都係……爬蟲動物嘅鱗片。」我不自覺的皺著眉看。
 
迦南的表情跟我差不多，「而家放大咗，感覺好唔舒服，Ｄ美國人點會容許咁嘅圖案印係鈔票上？」臉上滿是厭惡與不解。
 
「依種爬蟲動物，就係負面外星天龍人，亦叫做蜥蜴人，依個星球嘅真正統治者，佢哋自稱為王，地表上所有嘅人類都只不過係佢哋嘅奴隸，」隊長的神情變得非常認真，「呢個係『達文西密碼』作者都唔知道或者係唔敢寫嘅事。」
 




投影片轉換成蜥蜴人的照片，我感到非常震驚。
 
「點、點會呀……真係會咁咩……」迦南的神情混合著驚慌、不滿與厭惡，「美國同Ｃ國依啲大國會容許佢哋咁樣做咩？點會呀……」
 
「美國政府內其實有好多官員都係負面天龍人轉世，例如前美國國家安全顧問基Ｘ格、搵藉口發動多次侵略戰爭嘅老Ｘ殊父子、克Ｘ頓夫婦、另外係日本同德國都有類似嘅情況……」
 
但迦南仍然好像處於震驚中，聽不到對方的說話，「真係會咁咩？我哋而家睇落都……好自由呀，點會係奴隸？個Ｄ蜥蜴人應該只係佔少數吧？我哋地球人類多佢咁多人！佢哋算係乜嘢呀……」少女慌亂地後退兩步。
 
「迦南，深呼吸，」隊長將他的右手搭在少女的左肩，溫柔地說，「all is well，冷靜落嚟，我知道依個真相係好難令人接受。」
 




不知為何，我看到眼前這一幕，我感覺到隊長正在幫她進行一種療癒。（後來我知道這是一種手療，將光輸送到對方身上）
 
迦南深呼吸幾下後，面容變得稍為輕鬆起來，隊長繼續說：「事實上，呢個星球已經被帷幕技術層層包覆住，就好似個大型監獄咁，咁多年以嚟，大部分的光之飛船、正面外星人都無法進來，我哋嘅靈魂亦都冇辦法離開地球，被強行推翻落去地球轉世系統，所以，我哋只係睇落好自由……宇宙中最先進嘅奴隸制度，就係等啲生物以為自己係完全自由。」
 
「其實呢一切，要由26000年前開始講起……張迦南、林泳，你哋預備好未？」
 
我倆點了點頭。
 
隊長認真地說：「記住以下呢啲信息，我唔係為咗散播恐懼先講，因為如果我哋了解同意識到太陽系現況局勢，我哋全人類嘅集體意識係有能力轉化佢，我哋係可以令地球變得更美好……因為黑暗係宇宙中嘅異常，必定不能長存，而光明係必定會勝利！以下資訊，請保持一個平靜同開放嘅心去睇。」
 




他手一劃，投影片轉為顯示銀河系宇宙的浩大畫面，有幾艘巨大的星際戰艦以光能武器互相攻擊著。
 
「喺銀河系，26000年前一直持續著光明同黑暗嘅戰爭，期間有相當多嘅星球被摧毀左……Star Wars入邊其實有好多嘢都係真，係我哋好多地球人嘅前世記憶，所以呢套系列嘅電影會咁受歡迎，而尤達係揚升大師嘅原形。」
 
「星球大戰我都鍾意睇呀。」我和迦南異口同聲說。
 
我倆相視而笑。
 
「咁佢哋真係用光劍戰鬥？」我有點興奮。
 
「光劍係真實存在，不過正確嘅名稱係光能切割器，同埋我哋唔會用依樣嘢黎戰鬥，其實係一種建築工具，用嚟切割建材，好好用，」隊長從口袋裏取出一支類似光劍柄的東西，「我都有一支。」
 
光能切割器被開啟，發出獨特的聲音——藍色的光能量凝聚成長度10CM左右的劍刃形狀。
 
「嘩……」




 
隊長把光能切割器關掉，「我哋依個基地大概有三個國際標準足球場咁大，但我哋只係用左兩日時間就起好，就係用咗類似嘅高科技。」
 
「喺戰爭尾聲，大概25000年前，黑暗勢力戰敗了，佢哋逃到呢個太陽系，喺地球、月球同火星建立要塞基地，將所有兵力移到依度，進行死守，當時嘅地球文明被稱為亞特蘭提斯，當時有部分亞特蘭提斯人，受到黑暗勢力瞞騙，過度發展類似核武嘅超級武器，結果玩大咗，造成了之後嘅世紀大災難，大量的陸地沉入海底，地表上嘅人受到毒氣所害……動畫風之谷就係講緊呢段經歷，故事作者不自覺用咗佢嘅前世記憶寫成故事。」
 
「另外，地表上有隻熱門遊戲叫final fantasy，當中第一至第五集許多背景設定與藝術風格都是來自亞特蘭提斯的，例如光明與黑暗、魔法、不同種類的元素水晶、神殿水晶、光戰士等等……喺亞特蘭提斯時期，佢哋都係擅長用水晶黎驅動各種高科技儀器，例如飛行器、軍事武器，呢啲就係所謂嘅『超先古文明』，其實依Ｄ儀器以往咁多年都有係海底度掘到出嚟，不過相關新聞全部都被cabal封鎖曬。」
 
「而係亞特蘭提斯覆滅之前，有一批天狼星人暗中將入面嘅秘籍同珍寶，轉移到去埃及金字塔入面收藏，當中包括愛希斯女神秘籍，呢啲寶物會係未來適當嘅時候解封，幫助人類。」
 
投影片現在展示一張類似電影海報的東西，電影主角是一個外國男人和一名藍皮膚的外星人，下方寫著Avatar。
 
「天狼星人就係類似咁嘅樣，Avatar依套電影係１９９４年開始開發，幕後製作者係我哋光明勢力嘅人，香港即將會上映……因為我哋同正面外星人公開嘅第一次接觸，喺不久嘅將來就會發生，呢套電影係作為一種軟性揭露，話畀我哋聽呢個宇宙有好多善良嘅外星人。」　
 
「係以往，大部分嘅外星人電影都係講佢哋點樣兇殘，點樣用高科技武器侵略我哋地球，進行大屠殺，例如幾年前嘅『強戰世界』，其實呢啲都係陰謀集團嘅詭計，目的係為咗令我哋對外星人落嚟地球有恐懼，而事實上，Ｄ負面外星人已經『入侵』左好多年，仲有份製作依啲電影畀你哋睇，加強全人類嘅恐懼……」
 




「陰謀集團旗下嘅電影公司最中意就係製作令大眾恐懼嘅影視作品，例如喪屍、災難片、末日片、鬼片……當中仲有好多仇恨與殺戮嘅能量。人類世界愈多恐懼，實體同非實體界嘅負面天龍人就愈高興，因為恐懼就係佢哋嘅食糧；遊戲Diablo裡描述有一種惡魔，最喜歡就係吸食人類嘅恐懼……漫畫潮與虎亦都有類似嘅情節。」
 
「係另一方面，多年黎，啲蜥蜴人仲會偽裝成人類故意強暴女性，製造恐懼、心理創傷同打壓地表嘅女性能量。」
 
我神色凝重地看著投影片上的外國強暴犯照片，在近距離看，他們的眼睛……的確不像人類。
 
我心想，如果當地警方是受到cabal所控，不知道會不會故意放走這些強暴犯……
 
（待續 ）
 
睇完鍾意請幫手分享開去 ^^
 
＃愈多人得知世界真相
＃地球解放速度就愈快
＃光的勝利！





https://www.facebook.com/water.lam.novels/