《星際》關於外星人、星際飛船、影子政府嘅一切真相: １０

鋒味港式冒險小說之（10）
 
我操縱著小複製機的電子界面，原來早餐Ａ是日式早餐：紫菜飯、岩鹽豆腐、納豆菠菜、煎三文魚配蘿蔔茸……
 
我面有難色，「可以唔要三文魚？因為我唔係太鍾意食動物嘅肉……」
 
迦南輕輕的說：「我都唔食……」
 
「放心，」阿鍶對我們說，「餐單上所有肉都係合成蛋白，我哋係唔食動物屍體。」
 




我和迦南同時鬆了一口氣。
 
⊕
 
「迦南，話時話，你覺唔覺得阿鍶一戴咗嗰副平光眼鏡，就好似變咗另外一個人咁……」我品嚐了岩鹽豆腐後，低聲對同桌的少女說。
 
「係呀，我都覺，佢好似變咗……」
 
Flora的電子聲又在天花板廣播：「阿鍶！佢哋喺度講緊你壞話啊。」
 




我冒汗，心想：這個多事的ＡＩ！
 
處身基地另一邊正在查看電腦線路的阿鍶，坐著有滾輪的電腦椅「look」了過來，說：「點呀，」她托一托黑框眼鏡，「你哋係唔係好好奇，點解我一戴副眼鏡就好似變咗另外一個人咁？」
 
我同迦南同時點點頭。
 
「我頭先仲係度諗，妳會唔會係有第二重人格……」我狐疑。
 
「你真聰明，我係有呀，而且我仲有第三重人格添……溫馨提示，千祈唔好畀我第三重人格浮現出嚟……好Ｌ暴力架，完全不能控制，連我自己都驚。」阿鍶平靜地說。
 




她面無表情地說，我完全猜不到她是否只是在說笑……
 
迦南一臉認真地問：「咁點樣可以避免你嘅第三重人格浮現出嚟呢？」
 
「精神食糧。我每日都要睇，唔睇就會出事！」
 
正當我倆想追問的時候，阿鍶的智能手錶突然發出叮的一聲。
 
「邊個丁我……？」阿鍶低頭看著手錶螢幕，「哦……原來係隊長佢哋返嚟啦。」
 
過了一分鐘左右，在我們都吃完飯的時候，位於基地西面入口處的升降機門打開，有四位深色衣著的人逐個走出來。
 
那感覺，就像是有一隊特種部隊走了進來——首先出來的是一對少年，一高一矮，兩人都是穿戴著防暴黑頭盔、防彈背心、手槍、皮靴配上一身黑色勁裝，矮的大概只有1.4米高，看來左腳受了傷，需要較高的隊員攙扶。
 
第三位是個高壯的男人，看來三十來歲，目測1.8米高，同樣有防彈背心等裝備，沒有頭盔，手持Super 90半自動霰彈槍，在遠距離看，有幾份像電影演員方中信。




 
第四位同樣是個成熟的男人，年齡身高身型與前一位相約，但他的二三頭肌更壯，他的衣著是最為特別——有兜帽的墨綠色長袖外套，配上同色長褲，揹著箭筒，手持黑色金屬弓；這件深色外套他穿得非常好看，剛毅的雙目，直挺的鼻樑，氣質非凡，英氣逼人。
 
第一次見面，但我已經肯定他就是「隊長」，這個基地的領袖。
 
而且，這個人……
 
有一種熟悉感……我好像在哪裏見過他？
 
這種熟悉感，跟我第一次見到迦南的時候是一樣的。
 
在我恍神的時候，位於基地東南方的自動門打開了（能夠看到模擬月光的大窗是東方），一位看來接近三十歲貌美少婦急急的走了出來，牽著一個小女孩。
 
少婦臉上掛著些微擔心的神情，一見到受傷隊員褲上的血漬，便向較高的少年詢問，「Ar herb受左傷呀？佢ＯＫ嗎？」
 




受傷隊員沒出聲，只是揮揮手表示沒大礙，他呼吸時上氣不接下氣的，看來不只大腿，他的胸部或肺部可能也受傷了。
 
「阿嫂，佢冇咩事，係我哋撤退嘅時候佢撞親下啫。」較高的少年答，他要一直攙扶著同伴，沒有空閒脫下頭盔。
 
少婦點點頭，走向手持霰彈槍隊員，親暱地拉著他的手，「老公你冇咩事嗎，今次有冇受傷……」
 
「無事呀老婆，妳唔使咁擔心嘅，等我擺低Ｄ裝備先……」
 
「你會唔會又好似上次咁，明明個身有傷，但係又瞞住我？」少婦帶著輕嗔薄怒的神情說。
 
「真係冇受傷呀……妳睇下我，宜家五肢健全啊。」霰彈槍隊員張開雙臂，成熟的俊臉上滿是笑意。
 
我心想：五肢……？？
 
嘿，明白了。




 
隊長一邊將弓箭等裝備交給基地人員馬高，一邊笑著說：「阿嫂，阿生佢仲識講笑，即係冇野啦！」他轉動右肩，鬆一鬆繃緊的肌肉，「我哋好好彩，今次嘅任務算係順利。」
 
（待續）

歡迎比個「追稿」我　如果上了人氣排行榜我會有少少稿費 😊