《星際》關於外星人、星際飛船、影子政府嘅一切真相: 08
中大ocamp tee，淺藍色的，上面印有龍的圖案——這就是我和迦南的基地新制服。
真的是非常奇怪。
我與南就這樣站著，不久，阿鍶懷著古怪的神情接近我們。
她靠近、看著、忽然噗哧一笑，「你地著得，好似……情侶裝！」
我倆互望了一眼，立即尷尬了起來，迦南臉紅紅的。
「哈哈，好好笑。」我木無表情地對鍶說，「話時話，點解要我哋著ocamp tee？應該係二手？你哋啲資源真係咁緊拙咩？」
「係呀，真係好緊拙，無計啦……咁岩我哋嘅大複製機壞咗，」阿鍶指一指大廳旁，一個像是雪櫃的儀器，「我哋冇曬基地制服啦，就唯有比依啲你啦，反正啲大學生著一次就扔棄，我地支持環保唔好嘥呀。」
「……」
「放心啦，都係消毒過。」
「……」
「而且龍圖案好丫，有守護作用，其實龍係以前嘅實體界同非實體界都係真實存在嘅生物，係守護獸。」
我狐疑，「但教科書話，龍只係傳說生物，亦可能係中國古代鱷魚、龍捲風或是蛇圖騰嘅變化版……」
「世界上所有教科書嘅內容，只有大約六成係真，大部分都比羅斯柴爾德家族惡意修改過……例如我問你，你知唔知電燈泡係邊個發明？」
「愛迪生……唔係咩?」
「事實上愛迪生只係個自私自利嘅生意人，佢好多所謂嘅發明都係偷取人哋嘅創意同功勞，仲好多時唔出糧俾下屬，真正嘅電燈泡發明者係約瑟夫·斯萬。另外，其實早於１８８９年我哋就已經可以有免費電力能源用，因為天才科學家特斯拉係個一年發明左Tesla Coil，但就受到愛迪生財團嘅連環打壓……至於點解會打壓，我相信你都估到原因？」
「嗯……因為咁就冇人再願意交電費比愛迪生財團。」
阿鍶點點頭，「仲有，迦南妳知唔知香港食水點解要加入氯氣同氟化物？」
「氟化物係用黎保護牙齒，氯氣……食水會有氯氣咩？氯氣係泳池消毒嗰啲？可以飲得落口咩？」迦南狐疑。
我想了想，「氯氣好似係有毒。」
「係有毒，所以香港嘅食水係有微毒，而加氟化物依種有毒物質係為咗削弱我哋嘅大腦松果體，其實世界上有不少國家都係拒絕加氟化物落食水，例如奧地利、俄羅斯同德國。」
我若有所思，「唔怪得宜家咁多小朋友都唔鍾意飲水。」
「係呀，因為小朋友嘅五感係比較敏銳……」阿鍶戴上一副黑框眼鏡，「好啦，唔扯到咁遠，Gabriel，睇落你傷勢嚴重啲，嚟，等姐姐同你做個身體檢查先。」
⊕
在我和鍶一同走去醫療室的時候，我問：「話時話，其實妳幾多歲？」
「二十五。」
「同我一樣喎。」
「係咩，我以為你三十添。」阿鍶用食指托一托眼鏡，面無表情地說。
「……」
到醫療室門口，剛好就有另一名基地人員走出來……阿鍶叫了一聲馬高，他跟阿鍶點頭微笑後，便離開了。
這位馬高身形真的頗高大，看來３０歲左右，有點像藝人吳彥祖，一身天藍色基地制服。
走進室內，我見到正中央放了一張懸浮金屬床，床頭連著一部圓筒形機器，其高度幾乎跟我一樣高，模樣有點像醫院裏的磁力共振掃描機。
「依個叫做『醫療艙』，理論上大部份既身體創傷同疾病佢都可以醫好，你只要瞓上去畀佢掃描，佢會自動幫你修復身體細胞……」
「咁好……其實你哋究竟係咩組織？點解會有咁多驚人嘅科技？我見到出面仲有兩部複製機？」
「我哋係『抵抗運動』組織The Resistance Movement，簡稱ＲＭ，我哋同太陽系中其他幾個正面組織合組成光明勢力Light Forces……其實依種醫療艙科技，遲啲你哋地表大眾會喺電影上睇到，所謂的「軟性揭露」，有一個正面派系計劃緊同個外國導演合作，好似叫做Neill Blomka……」
「啊。」我突然感到一陣劇烈的頭痛，像針刺般。
「好喇唔好講咁多，做咗檢查先。」
我躺臥在金屬床上，立即有一團藍色光環掃過我全身。
鍶在旁邊看著一塊像玻璃片的半透明螢幕，「果然……你小腿係冇子彈殘留，右邊腳指無左一塊肉……視網膜同視神經有啲受損，同埋有少少腦殘，唔知係撞成咁，定係天生呢。」
「不好笑。」
「咁我而家幫你做修復程序，」阿鍶托一托眼鏡，繼續以極平淡的聲線說，「啊，唔記得咗講，呢部機都係壞壞哋，可唔可以修復到就睇你彩數。」
「……」我忍不住抬起頭來問，「其實你哋點解唔去做維修？」
「資源緊拙，你睇下，呢盞燈壞咗年幾，我哋都未去整……好，事不宜遲，開始了。」阿鍶在螢幕上點了一下。
⊕
分析大廳邊緣，有一大一小的複製機，小的像台微波爐，放在櫃子上，有塊很大的電子介面（像初代ipad般大），大的像個二米高電冰箱，不過只有一道半透明櫃門，同樣有電子界面。
我一回到大廳，迦南剛好在俯低身鑽研小複製機，她把耳際的秀髮順勢撥向耳後，專心的樣子很是可愛。
「呢度寫話係複製機，」少女顯得相當好奇，「係唔係真係照字面解，咩都可以複製到？」
「係呀，我試畀你睇，」阿鍶在身後的電腦桌上拿起一支小童群益會的黃色膠筆，打開小複製機的門，放進去，用手指操作電子界面，「係透過乙太層面技術去顯化複製出嚟……開始啦。」
我和迦南同時將頭湊近這個「微波爐」去看——只見膠筆平放在右側，左側先是憑空出現了黃色的筆頭，像是3D打印機一樣，一直建造，直到整支筆完整地浮現。
「嘩～好神奇呀。」迦南滿心歡喜，似是很喜歡這部機器。
阿鍶忽然搭著迦南的肩，「Gabriel的身體已經完成修復，使唔使我幫你檢查身體？」
「唔使啦，我冇咩事……」
咕——少女的肚傳來「打鼓」的聲音。
迦南的臉隨即羞紅起來，「我想食嘢多d。」尷尬的笑起來。
我也笑了，「我都肚餓啦，原來而家已經係夜晚七點。」我看了一眼大廳的落地大玻璃，窗外是昏暗的夜色（之前也有日光照進來，看來他們是用上了高科技去模擬地表上的日照與月照）。
「開餐好簡單，用小複製機複製食物就可以了。」
迦南整張臉像亮了起來，興奮地瞪大眼問：「真係㗎？」
「嗯，而由於呢部機係壞壞地，所以我地分別有三個選擇，早餐Ａ、早餐Ａ同早餐Ａ。」阿鍶托一托眼鏡，微微笑著說。
迦南整張臉失去亮光。
我忍不住失笑，「到底呢度有啲咩係冇壞到？」
「有呀，Flora，依然保持咁活潑咁跳脫。」
AI．Flora隨即回應：「需要我跳隻開心舞嗎？」
「不用了。」
.
（繼續二、四、六保持連載～歡迎ｓｈａｒｅ！）
另, 由於要保護一眾RM的特工與人員, 所以基本上他們的名稱與臉容特徵都會作出修改
近日有朋友提議我嘗試用他朋友的名稱寫入這個"故事", 所以我就用了"馬高"這個名字去稱呼這位男性基地人員:D
當然RM香港分區的真正入口亦不是在＂那個位置＂