點解我會變左做靚女架？: 11-決裂

我：「Katrina，我地一齊去廁所呀？」

Katrina：「好呀。我都有ｄ野想同你講。」

去到廁所，我就準備雙手，向住Katrina個胸度襲擊。

三，二，一，叔叔我黎啦，嗚呀。

嘩，感覺軟綿綿咁，渣落去同手掌差唔多大，雖然好正，但我一ｄ生理反應都無。





Katrina：「嘩！做咩渣我？」

我：「因為我…鍾意你囉。」呢句說話，換轉係男仔既我，真係講唔出口。

Katrina：「下？但我唔係les嫁喎。」

我：「我知，我仲知道你鍾意Jayden添。」

Katrina：「係囉，咁點解你仲要同Jayden咁曖昧呀？」





我：「佢鍾意我，我都無計嫁。」

Katrina：「你呃人！」

我：「真嫁。佢自己追我……」

Katrina：「簡素清！你收聲呀！你竟然搶我男神，今日起，我地再無朋友做！你同我好自為之！」

我：「……」





Katrina氣沖沖咁衝出廁所，絕塵而去。



我望住Katrina既背影，愈行愈遠，直至係我既視線入面消失。

因為Jayden追我，我早就知道會有呢一刻，因為女仔既友誼係愛情前面就係咁薄弱。

我本日記寫過：「如果有一日，俾Katrina知道我鍾意Jayden，我地大概都應該會反臉。」

「到時應該得返Amy會企係我果邊，而家寶同家欣實會加鹽加醋令我同Katrina無朋友做。」

當日既日記，而家竟然一語成讖。

Lunch既時候，真係得返Amy等我食飯。Mary，家寶同家欣都係同Katrina食。





我見俊傑都係得一個人食，所以好心叫埋佢一齊食野。

Amy作為我既Best Friend，對我不離不棄，真係好。

btw終於唔洗再食「痰仔山哥米線」，對我黎講都係一件好事黎。

我地去左「殺你呀」食意粉，食食下，Amy終於忍唔住問：「你同Jayden諗住點嫁？」

我：「佢鍾意我，但我仲考慮緊同唔同佢一齊好。」

Amy：「緊係好啦，我支持你嫁。」

俊傑：「我…我都支持你嫁，你開心就好。」





我見到俊傑個樣似笑非笑，我就係度諗，唔通佢都鍾意我？

算啦，唔理啦。



但其實我覺得做女仔已經做到有ｄ厭，我想試下返返去男版既世界。

但我諗諗下，既然要返返去男版既世界，返去之前不如試下做一ｄ而家唔做，第日無機會做既野呀。

例如係試下用女仔既身份同男仔拍拖。

我係A0，未試過拍拖，不如就試下，當吸收下經驗啦。

痴線，我又唔係gay既，我諗左去邊？





午休既時候，Jayden又走過黎想同我傾計。

Jayden：「喂！就快到春季旅行bbq啦，你同我同一爐啦，好唔好呀？」

我：「好呀。」

話說我地一班30個人，10個人圍一個爐。老師叫我地將分組名單寫係黑板。

Jayden一寫完佢同我個名，Katrina同Carson就搶住過黎寫低埋佢地個名。

最後，我地組既名單有：Jayden、我、Katrina、Mary、家寶、家欣、Amy、Carson、江俊傑，仲有Jayden個Friend，Jason。