點解我會變左做靚女架？: 10-直男

個西裝鬼佬一見到我就問：「做女仔係咪玩得好開心呢？」

我：「下？」點解佢會咁樣問既，唔通佢知道我既秘密？

西裝男：「你想唔想返去原本既世界呀？」

我：「下？你係邊個？」

西裝男：「你曾經同我一樣，但而家我唔可以答你，我係邊個。」





我：「咁，我……」

西裝男：「你繼續玩啦，我好似阻住你。」西裝男講完之後就憑空消失唔見左。

我返入課室，問Fiona：「頭先個西裝男人呢？」

Fiona：「咩呀？都無人著西裝。」

我：「下？你岩岩話有人搵我嫁喎。」





Fiona：「無喎，你係咪認錯人呀？」

唔通，頭先個男人係我既幻覺？

我回過神黎，午休已經結束，所有同學都係度等上堂，而家渣唔到Katrina，可惡。



等到放學，Amy照舊搵埋我一齊放學，所以無機會渣到Katrina。





放學好悶，就同Carson玩場LOL，佢玩AD，我玩Support。

打打下機，佢係個Mic到講話：「肯陪男朋友打機同食M記既女仔真係少之又少，有你真係好幸福。」

我：「痴線！邊個話要同你一齊喎？」

Carson：「你唔拒絕，我就默認當係嫁啦，哈哈。」

我：「收聲！我唔玩啦！20投啦你！」

Carson：「唔好呀，打埋呢場先啦。」

我：「咁你唔好再嘈啦，再嘈我即刻AFK（Away from keyboard）。」

Carson：「遵命。」





哈哈，就咁睇落去，Carson真係好似我隻兵咁。



翌日，我一返到學校，就有兩個人同時搵我，想俾早餐我食。

Jayden遞俾我：「拿，腿蛋治。」，Carson都遞俾我：「呀清，吞拿魚三文治呀。」

我：「我要腿蛋治啦咁。」我講完，Carson即刻好失落咁返埋自己個位。

Jayden：「我日日買腿蛋治你食丫，好唔好？」

我：「好呀。你又知我想食腿蛋治既？」





Jayden：「嘿嘿，因為平時有望你食ｄ咩囉。」

我：「偷窺狂呀！」

Jayden：「我淨係對住你先會咁嫁咋。」

我：「唔準再望呀！」

Jayden：「好啦咁。」

我咁樣就多左個伙食兵，收兵真係爽。唔知如果同男仔拍拖會唔會仲開心呢？

痴線，我係度諗緊ｄ咩呀？我又唔係gay既，點會同男仔拍拖喎。

係喎，我係直男黎嫁嘛，我仲要渣Katrina個胸嫁嘛。