點解我會變左做靚女架？: 01-開始

是咁的，我係一個充滿少女心既男仔。

鍾意睇少女系動漫，例如美少女戰士，飛天小女警。

由細到大，都有幻想過自己某一日會變成少女，但無諗到有一日，我果真成為一名少女。

我姓簡，名素清，今年十五歲，讀緊中四。

或者係我生得矮瘦，輪廓又柔和到似女仔，眼睛水汪汪咁，所以返學總係俾人笑我似個女人。





佢地幫我改左個花名，叫「女人清」，或者叫我「清姐」。

有一日，連英文老師都笑我似女仔。

老師：「簡素清，你幾時去參選港姐呀？」

同學們聽到之後紛紛笑起黎，取笑我似個女仔。

不過有ｄ同學就太過份啦，有個叫李卓楠既肥仔，有時會用公主抱將我抱起黎轉來轉去。





又有個經常整個飛機頭返學，所以花名叫「飛機」既ＭＫ仔，經常捏我個胸。

佢地實在係太乞人憎，奈何瘦小既我軟弱無能，唔夠佢地打，只能忍受佢地既欺凌。

曾經幻想過自己變成少女後可以呼風喚雨，好叫Ｄ男仔幫我打佢地一身。

無諗過有一日，竟然可以成真。