與直男共存史: 05 奇怪直男

世界上總有D奇怪嘅人。

奇怪到你唔知點形容佢。

就好似我之前中學認識左一位女友人，先稱呼佢為姊妹C。

姊妹C有一幾位朋友，組成左一個朋友圈，但係其中有一位後尾唔係幾鐘意我呢位姊妹C，就聯同成Group人一齊排濟佢。

呢位姊妹C嘅為人係真係有D直，容易得罪人，不過我覺得咁先夠真。





而我係莊入面識左一個⋯⋯都唔可以話假，不過總感覺佢同我好唔一樣，令我有輕微排斥，因為我地係兩個世界，佢係一個活踴開朗嘅人，但係內心其實有D怨屈苦悶，而且一開始甚至有D唔係幾鐘意我嘅男莊員。

可能係我個樣太有欺騙性，總會有人認為我單純無害，似張白紙，有D太假。

講完呢句，俾班姊妹笑到噴飯。

但係有少部分人總係口味比較特殊，對柔弱無興趣，對強勢嘅女仔異常著緊。

可能係男人天生嘅劣根性，鐘意挑戰自我。





恰好呢位應該就係口味獨特。

係一次莊Meeting入面，大家用左一個半鐘決定活動，之後終於要揀各個部門嘅話事人。

我等到差唔多就俾人推左出黎做其中一個部門嘅負責人。

人總係矯情。

我順其自然應承，與其俾人Order，做到凌晨三點，不如自己決定做咩仲好。





於是，我就講左句：「做都好，點人做，自己唔洗做野。」

然後呢位男莊員就用一臉恍然大悟又好興奮嘅表情話：「XX（我個名），我地係同一類人！」

Sorry？！我地唔係，你係男，我係女，已經完全唔一樣。

「我地都係唔想要權，但係又逼不得已要有，既然唔想俾人使做勁多野，就唯有做話事嗰個⋯⋯」

佢後尾好似仲講左D野，不過我冇仔細聽。

因為我覺得好似俾佢睇穿左。

有時現實總係令人做出逼不得已嘅選擇。

我舉起左一隻手指擺係唇上面，講左句：「SHU～～～唔好話人知⋯⋯」





最後我居然只可以講呢句。

呢個時候我嗰位男友人X WhatsApp我，皆因佢之前話等埋我一齊走。

於是佢由7點等到9點半，我不停WhatsApp話：「我可能會遲走，你走先啦。」

「我等你。」

⋯⋯

每次現實都總係我對人性最絕望嘅時候給予我最澄淨嘅希望。

【權力可能會使人腐化，但是我仍相信人性本善。】