【恐怖，懸疑】那天清晨: 第一八三話

還記得還在Suki家時…

Kelly：「你地用拳頭嚟give me five咪好痛囉。」

她看到我和Joe完成訓練時以擊拳作完結，感到非常疑惑，所以好奇地問我。

我：「男人之間緊係用拳頭啦！咁先夠熱血㗎嘛！」

Suki在一旁聽到後立即串我：「我唔覺得會熱血啲囉，蠢啲同痛啲就真。」





「唉，妳真係膚淺，男人既野，妳唔識㗎喇。」

「我係膚淺啊，你咁醒講解嚟聽下。」

「掌係點㗎？軟林林㗎嘛，同埋好似拍烏蠅咁，拳頭就唔同喇！代表力量，硬淨，同堅定！真係完全唔同層次。」

Kelly若有所思：「哦…原來係咁。」

「痴線同正常的確係有分別既。」





Suki拋下一句就轉過身，不再理我們了。

「你就痴線。男人既浪漫你唔曉㗎喇。」

……

看來女神還記得我說的話。

輕輕地和女神擊拳後心頭狂跳，有股奇怪的痛感在心臟一直漫延至全身，一定有些東西不妥。





還未來得及深究就傳來軒的聲音。

「35喇，我地仲有啲時間淨，係時候傾下另一樣好緊要既野。頭先只係估件事既經過，而家係時候再諗深入啲，究竟神想點？想用我地嚟做乜？」

「如果好似你頭先咁講，神係特登回收我地，咁我地對佢都幾緊要，好可能係有特別既用途，但係我見到May姐死咗，咁即係我地雖然重要，但又唔係最重要，咁佢可能應該需要我地去做某啲佢做唔到既野。可能神俾人困住咗？」

Kelly：「但神有咩做唔到？佢可以令隻女怪消失，咁即係佢能力應該俾隻女怪更加高，咁仲需要我地幫佢做啲咩？」

在思考時，Kelly面色越來越青，開始越來越驚慌和不安。

「會唔會我地其實係…」

她停了一會，一時望我一會又看看軒欲言又止，然後抖震着說出她的想法。

「餌。」