【恐怖，懸疑】那天清晨: 第一八二話

在微弱的燈光下，軒懶懶地望着我和Kelly慢慢地說出最後兩個字。

「傳送。」

女神：「咁送去邊？」

「去邊我就唔知，有可能去LV2打大佬，去神既地方，又或者係返又一城。」

我：「但我真係唔明點解係傳送？」





我見Kelly和我一樣，都是一臉不解的。

「等我慢慢講啦。

首先我估有一個比女鬼更高等級既神存在。

一開始，女鬼唔知點樣發現我地同追殺我地，然後又俾嗰個高級既神發現咗。

而根據女鬼既片言隻語可以推測到佢應該係人類，或者話曾經係人類，有可能係俾人改造過而得到能力。





而高級神發現佢之後就啟動咩D7，我估係一個回收既行動，主要係傳送女鬼同我地走，但真係回收番去神既地方定會繼續LV2就無從稽考喇。

而且D7仲會回復我地既傷勢，幫Suki脫離險境平平安安咁落地，所以當中既目的好肯定係包括埋維持我地既生命。

而女鬼消失嗰陣啲雷光係同Joe身上既一樣，既然先保住我地條命，咁冇可能要我地去死，咁消失極可能係唔會死，咁更應該係傳送。

可能D7既7係指我地6個加埋隻女鬼。亦有可能係巧合既。」

Shit！若是如此的話真的不得了，大難臨頭了，這豈不是…





我：「仆街！咁即係話好可能會傳送去同女鬼同一個地方？」

「所以我先話有可能有更恐怖既等緊我地，不過我地傳送時間唔同，就算同一地點，話唔定去到既時候佢走咗呢。」

Kelly：「咁Joe而家咪好危險？點算啊！佢傷得咁重，死緊啦。」

「以暫時既情況嚟睇，神唔諗住攞我地命住，相反佢好似係想保住我地㖭，咁Joe既傳送冇可能係必殺之局，最多都係九死一生啫，而只要有一線生機，佢一定會冇事。更何況冇咗我地哩啲負累。」

女神：「咁即係我地會喺新地方再見?，你要等我啊。」

後一句女神是對着我說的。

我：「好！一定！」

女神伸出小小的拳頭對我說：





「咁約定你喇。」

我毫不猶豫地把我的拳頭印上。