【恐怖，懸疑】那天清晨: 第一五一話

軒：「是銀但啦，總之你地都已經唔掂啦。同力場一樣，佢附身應該係有條件，可能要附身喺人偶度，再廣泛啲可能係人形既物體，再再離譜啲係死物就得，如果可以試到佢極限既話，我地既情況都唔係太差。我地喺佢附身之前毀滅晒佢可以附身既野，都可能係一個辦法。」

突然靈光一閃，我好像想到些緊要的東西，但又始終捉不到。

Joe：「得喎，佢變做黑煙之後咁慢。其實係有好多時間俾我地。可以打爛晒佢上到身既野。」

叮！

「既然佢飄得咁慢，都仲要飄去咁遠既人偶度。咁即係佢上緊身既時候係佢最脆弱既時候！？如果係咁，咁所有野都講得通，大結界係因為要有多啲人偶俾佢上身，而且人偶分佈得散啲，佢可以選擇復活既地方多咗，唔會俾人spawn kill。」





Joe：「咁就簡單，只要我跟住佢，喺佢上身既時候消滅佢。」

軒：「咁既話，我地就有反擊既能力，唔再弱勢唔再係玩具，唔只有談判既資格，仲有消滅佢既方法。不過首先我地推斷既要啱先，只要有小小既錯誤都可能會令我地萬劫不復。總之佢出唔到又一城就最好，俾佢搵到就唯有一拼。」

Suki：「咩spawn kill啊？咁推斷得啱唔啱㗎？」

………………

在失憶諾等人逃出商場到Suki家已有大半天了，商場仍然安安靜靜的，天色依舊沒有絲毫變化，微風吹過街道亦沒有帶起一點灰塵，因為這是一個「新」世界，死寂無生氣的靜止世界。





但時光飛逝，在那裏都一樣，沒有誰也沒有什麼能例外。在這世界，時間一樣會流逝，眾人既然能逃，百鬼亦一樣能追。

由無塵埃的街道望向又一城達之路出口的大門，商場內空無一人，一切像很安靜似的，但若你能細心觀察，開着的大門其實有一些奇怪…