【恐怖，懸疑】那天清晨: 第一四零話

「男士只可以沖凍水涼。」

嘩！屌！男女大不同，嚴重不平等！

「吓…哦…」

當然我心裏雖然不願，但口卻很無奈地說知道。

Kelly滿臉不好意思，而Suki則陰陰嘴奸笑，真可惡！果然女神和MK有很大的差距。





軒：「咁暫時係咁多，大家仲有冇諗到其他野？」

Suki：「咁廁所既清潔都係好緊要既，咁女仔呢又唔會好似男仔咁痾到周圍都係喎，咁男士係咪好應該負洗廁所呢。」

嘩！再屌！得吋進尺！

軒面色大變：「hey！講哩啲，到時再算啦。」

Kelly：「咁…跟住落嚟，我地做咩好？」





軒：「跟住落嚟，我想大家一齊幫手檢查下哩度，Suki ok嘛？」

Suki：「都得既，不過唔准攪我啲野，其他都冇問題既，橫掂你唔講我都會㗎喇。」

如是者，我們又再瘋狂「摷野」，而不一樣的是這次小心翼翼，畢竟我們會繼續住在這裏，不可令這裏太過凌亂的。

檢查了一會兒，大家越來越覺得不妙。原本以為這裏會因Suki的關係而與別不同，但想像與結果往往都會有分別的，而且是很大的那種。

Suki臉色大變，走進了她和她弟弟的房間。不知何故的我們正想跟進去的時候…





Suki：「你兩個唔準入嚟。」

只有Kelly能跟進去，不知所為何事。

我：「唔知咩事呢…」

軒疑惑地望着我：「…佢唔係M到下…唉，神神化化咁，唔好理佢喇。諗下點解個房又係冇晒啲個人既
野仲好啦。」

奇怪，明明客廳正正常常，但Suki父母房就和之前那些屋一樣，只有些很普通的衣服和日用品。雖然五桶櫃上有夫妻合照，牆上又有結婚相，但除此之外就什麼個人物品都沒有，非常詭異。

「嘩！」

突然房裏傳出Suki的驚呼。





「冇事嘛？」

而回答我的卻是女神。

「冇…冇事啊。唔好入嚟啊。」

門鎖上了，除非爆鎖或撞門，否則絕不能進，也不用如此驚青吧。

突然苦思中的軒驚叫：「頂！仆街喇…」