【恐怖，懸疑】那天清晨: 第一三九話

軒：「妳反對？我地分組又關妳事？」

May：「痴線，我理得你丫。總之唔好點我做野。」

軒：「Joe哥，你攪掂佢啦，我地仲有好多野要傾㗎！不如直接你同佢開始第一更啦！」

Joe：「好，冇問題。不過即係點？」

軒：「最主要兩件事，一係幫我mon住樓下，睇下有冇鬼；二就係個沙漏，我地要建立番個時間系統，咁我地先可以有可靠啲既作息時間同更時，我當而家係12點，漏一次係三十分鐘，記住要記低啲時間。4個鐘換更，即係我地每次監視完都有八個鐘休息。有咩一陣再講你聽。」





於是鬼電話就交到Joe的手中，而May就被Joe拖到對著大街的窗前開始監視了。

軒：「May姐，我地生存既條件之一係安靜咁哩埋，妳唔好再嘈喇，下一次未必再有人救妳㗎。」

於是May只能嘴妙妙眼超超地被迫陪Joe監視着樓下。

Suki：「唉，終於攪掂，佢真係好煩。」

我：「我已經後悔緊返去救佢。」





Kelly：「唉…」

現在就連女神也頂不住她了！可能Joe哥都就快到極限。

軒：「簡直係一個計時炸彈。跟住到食既問題，我地現家既儲備暫時好充足，但我地都要有長期作戰既準備，萬一食物唔夠，我地點算？」

我：「如果係咁，我地可以去隔離屋拎，都可以撐到好長時間。」

軒：「如果係咁…咁可能由我同Joe哥負責，我諗你地唔識開鎖㗎啦。」





這樣的話豈不是剩下我一個對着三位女士？Kelly和Suki當然沒有問題，但面對煩May我真的投降。幸好還有很長時間才會出現這糧盡之危。

軒：「另外我地盡量唔好靠近窗口，亦盡量唔好開爐煮野食，總之要小心啲，唔好俾啲鬼怪發現到。」

Kelly突然一驚：「咁沖涼呢？用熱水會有蒸氣喎。咁…」

Suki亦面色一變：「唔煮野食冇問題，但唔可以冇熱水沖涼囉！」

軒：「ar…」

Suki：「沖涼對女士係好重要㗎！」

軒：「咁…」

Kelly：「真係好緊要㗎！」





軒：「咁…唯有盡量沖快啲啦。」

Suki：「好野！」

然後軒很認真地望着我…