【恐怖，懸疑】那天清晨: 第一零九話

軒：「總之好多發現都證明哩個商埸根本唔係商場。如果真係商場，而有經營過既話，就算係一日都好，狀態唔應該咁新淨先。而唔係商場，咁所有貨物，商店又點解係已開張既狀態？雖然有可能係想迷惑我地。總之出到嚟之後我地身處喺一個全『新』既香港。行咗咁耐亦都證明唔係一個實驗場咁簡單。」

我和Kelly聽完後久久不能反應，照軒所言，即是我們現在身處的不是香港？那又是什麼？異世界嗎？而他一出商場便立即研究，想必早在商場內便已經開始思考這方面的問題了。甚至剛剛他摧殘那些植物，可能也是為了研究異界植物是否我們所認知的正常植物？

Kelly嘔完後面色更加蒼白，說話有氣無力。

「咁…我地即係去咗異世界？」

軒：「照而家咁睇，雖然不願面對，但哩個可能性好大，而哩個異世界有個好奇怪既特點…」





我：「所有野都係全新？」

軒：「好明顯唔係咁簡單啦，哩個只係異世界特點既表像，而唔係『佢』既本質。」

Kelly：「時間好似靜止咗咁？」

軒：「更加唔係，我對哩個特點有啲猜測，但冇證據去證明，前面間七仔可能幫到我。」

我：「唔係掛，七仔？你想叮燒賣食啊？」





軒：「緊係唔係啦，入面應該有我想要既野。不過都好既，哩幾個鐘入面淨係食咗啲來歷不明既蛋糕，食返個燒賣都好。」

Shit！又提起蛋糕！我感覺到胃內的東西正翻滾着並衝擊食道入裏的括約肌。而身邊的Kelly面色變得慘綠，強忍着嘔吐感。

Kelly：「我警告你唔好再講蛋糕哩兩個字！」

軒：「其實都冇乜野啫…好好好，我唔提，我唔提啦。」

終於軒這條粉腸在我和Kelly的殺人眼神中屈服。