【恐怖，懸疑】那天清晨: 第一零八話

Kelly：「我同諾都覺得有啲古怪，雖然哩度所有野都同真正既九龍塘一樣，但又好似有啲唔同，所以想問下你點睇。」

軒：「的確係好似，其實喺又一城入面我已經覺得奇怪，唔知你地有冇留意到，商場裏面所有野都好似係全新既狀態，新得太恐怖喇。」

我：「頭先喺log on我都發覺，貨架同貨物雖然係一模一樣，但就係全新既一樣，連地下、櫃檯同天花啲風喉都係新既一樣。」

軒：「唔止係咁，喺麥記既時候，我同Joe哥入咗廚房，啲爐具、廚具都係全新既一樣，如果有用過，就算係好少次都好，一定有痕跡，但我地一啲煮過嘢食既痕跡都冇…如果係咁，啲麥記既食物係點嚟？用咩整？但我冇諗過一出嚟就見到May姐已經食咗幾個包。」

WTF！這樣重要的事現在才說出來？那漢堡裏的肉是否豬肉或牛肉？造蛋糕的材料是否正常的？蛋糕好像需要用到油的，如果那些油是由屍體提煉而來的話…





一想到這裏，我就有一股想嘔的感覺，背後有一陣寒意，出了一身冷汗。那紅眼鬼影是否那蛋糕裏的油份的主人？想阻止我們把「她」吃下？

Kelly臉色刷白：「吓，咁係點嚟，用咩整㗎？我地食咗有冇事㗎？死啦，點算啊？」

軒：「May姐咁快口，叫都叫唔切。不過Joe哥試過ok，May姐又冇毒發身亡，應該冇事既。而且就算食材唔係普通食材，起碼食完啲製成品都冇事，唔驚既。同埋你食咗半份蛋糕咋嘛，放心啦，死都May姐死先，之後到我、Suki同諾，再之後先到妳同Joe哥。」

我：「頂你，越講越恐怖，唔好再講啲蛋糕喇，我好想嘔囉。講返正題啦。」

可惜這話題轉得不夠快，Kelly已經抓着我的肩膀，開始嘔了。





我現在確定，比起殺死鬼人偶，我更想殺了眼前這個瘦削的四眼仔。