我中意左一個唔應該中意既人: 聽歌

一開始翻學個陣應該唔會有人上堂玩電話啊，總要係F1仔就更加唔會啦係咪先？事實證明係錯既。。。某Ramson日日上堂係度睇xxxzen floxxx(鹹片黎)仲要比我睇wor，我既思想就係由呢年F1比人玷污既……最後就連我都係度玩手機哈哈~~

11月23日，呢一日我病病地，上緊英文堂我真心悶到hihi，我就諗住聽下歌訓陣覺，反正老師眼殘睇唔到嘿嘿~我拎起件冷杉著左落個身到，跟住就做一項大工程啦!拎起耳機線嚮心口位穿過右手手臂係手掌個位拎出耳機頭，成個過程有點點不雅，Ramson見到講左句「原來你個波墊出黎既。」我翻左個白眼無再多講野，佢見到我諗住聽歌就無理我，老師無啦啦行左入黎，如果唔係Ramson提我我諗我已經死無葬身之地!佢拎起我條耳機線，插係佢部手機到，開始播歌，我心諗你做乜野但無多講。呢個畫面好鬼sweet，宜家諗翻都覺得正!下一秒，耳機出現女仔既呻吟聲，諗都唔洗諗，肯定播緊xxxzen floxxx!我啤住佢之後，佢就收皮喇，播左首好好聽既日文歌，「前前前世？你的名字？!」講完之後我望住佢
「係啊!咦原來唔止我同Kitty有睇，原來你都有架？」
「係啊係啊」
四目對望，有d尷尬
「你繼續播歌啦，我想訓一陣，我有d唔舒服」
求其搪塞左個理由我就趴左係張檯到，我無訓到……
享受緊音樂帶來既滿足感，其實，呢種滿足感，純粹因為我地之間既互動，十足十一係對情侶會做既野，男仔播歌比女仔聽，女仔笑住望住佢，之後就kiss……咳咳呢d野只限發生係電視劇入面既姐哈哈
你話如果係真既，發生係我身上，既好？呢一堂英文堂完左，但跟住幾堂去到放學，一直都係由佢播歌，我聽歌，間唔中傾下計度過，而我對佢既印象，神不知鬼不覺甘改左觀。