我中意左一個唔應該中意既人: 死毒L！

就甘樣日日都過住翻學放學既生活，直到呢日，有人加左我入班grp，我一睇個電話no. 哦係Kitty個條友仔加我入班gp既。初初無咩感覺，淨係覺得好老尬，個個都唔識既，傾條鐵咩？我係新入gp既，自然好多人問我係邊個，甘我咪答咯，之後入曬所有人既電話，突然某Kitty就問有無人玩lovelive(手游)，我一睇見到有同道中人，即刻勁high，後來發現Ramson同Kiki都有玩，有d良心既我地決定唔炸班gp機，就開左個LINE既gp，高手在民間，原來個個玩lovelive都好勁，手速快到你!除左個個叫Kiki既進度慢過我地，唉之前成日覺得自己好勁，宜家覺得自己係隻井底之蛙啊! 傾下傾下發現Ramson係個毒L!
睇H 漫，又蘿莉控黎，唉跟住個幾個月點捱!日日都坐係個變態隔離，諗到我起曬雞皮......「喂你有無數學書答案」某Ramson無啦啦私聊我，我send完比佢之後就多謝都無講句就下左線，我對呢條友既印象真係差到無得再差…………