(短)《月光狼人傳》: 第十章(上)

       在我面前的，唔係其他人，正正就係我嗰班嘅學霸班長。我之所以咁吃驚，原因並唔係好似其他故咁，呢個班長同我有借用功課參考嘅特別關係。老實講，我同呢個學霸番長真係唔係幾熟，畢竟我嘅成績又唔係名列前茅、品行又冇人咁勁、我亦都唔係成績最差嗰啲，自然就冇輔導功課呢一層特殊嘅關係。而最最最重要嘅一點係，我同呢位學霸班長都係屬於雄性哺乳類靈長類動物，啫係男人。所以，有鑑於磁石嘅原理，佢呢個人根本係冇任何一絲可以吸引到我嘅地方。真正令我感到恐懼嘅係佢老豆......

       話說呢位班長有一個都可以話係非常之偉大嘅老豆，畢竟佢老豆係做緊一個非常之英勇嘅職業 ，名馳七海嘅紀律部隊~香港警察。冇錯呀，係差人，話說差人呢樣嘢，平時根本係可有可無，但一去到某啲重大危機嘅時候就會出嚟挺身而出呀，希望擊退一啲怪獸，然後通常嘅下場就係死咗一大堆就走去搵救兵嘅雜魚。呢啲劇情喺科幻片、喺偵探片入面，我哋都睇咗好多啦，基本上都不足為懼。但係而家我作為正義對面嗰一方嘅勢力嚟講，當然係希望會出現啲咩嘢救兵啦！更重點嘅係大家都知道拍電影同真實係有好大分別㗎嘛，最接近真實香港警察嘅，係《五億探長雷洛傳》。即使明知道警方嘅實力可能真係未必夠我哋呢啲狼人打，但係我實際上擔心嘅嘢都其實唔係實力上嘅差距，而係....我落唔到手。

      我仲好記得，呢件事係發生喺三年前嘅一個上課日......

-----------------

真的很抱歉，因為喱件野實在太大計劃，我實在做唔到落去，唯有喺喱度斷章，分開三次更新上。下次更新會講關於班長一家同主角嘅關係，我會盡快更新㗎啦！一出咗就會喺Facebook同instagram講返㗎啦！敬請期待和原諒。