(短)《月光狼人傳》: 第八章

 　　 「等陣先，你頭先係咪講咗你地？」我好似突然發現咗啲不得了嘅野。

 　　 「咦，乜我冇同你講咩？我地系統選定嘅狼人，參與者可不只有一位呢！」小愛若無其事地說。

 　　「不只一位嗎？」睇黎我以後都要額外小心呢！

　　「唔使擔心喎，你只管做好你嘅任務就得啦。雖然有唔止一位同你相同嘅狼人出現咗喺呢個世界度，但基本上佢哋嘅目標任務都與你無關㗎，你並不在他們的殺戮名單上。雖然佢都可以動用佢嘅權力殺死你就是了。。。。」小愛好似意識到我好驚咁，又再講多咗幾句，希望可以緩和到我嘅心情。不過‥‥‥

 　　「多口問一句，如果玩家.... 啫係一個唔好彩，我，狼人死咗咁點算？」都係 唔係幾放心既我，決定要做最壞嘅打算，問埋呢個問題。





　　「如果主人你真係咁不幸，比其他嘅狼人殺死嘅話，該名男人會直接取得你嘅殺人數同埋我喱個萬能嚮導，喱種情況又可以稱為數據移植。」 小愛繼續漠不關心咁答，我呢個咁嚴肅嘅問題。

　　啫係...... 其他狼人雖然冇我呢個競爭對手喺個殺戮名單上面，但係佢哋為咗能夠得到多一個嘅嚮導， 享受更長嘅無拘無束嘅時間， 佢哋係完全有殺我嘅動機。　

　　啊！ 即係我而家嘅敵人唔只有殺戮名單上面嘅目標， 仲要提防呢啲必有用心嘅同行。 諗起都麻煩到頭痛，算啦， 關於具體點樣去抵抗敵人嘅攻擊嘅方法， 急都冇用，我都係返屋企先啦！

　　------------------　

　「然後呢？而家又點呢？呢段時間有咩好做？」 我瞓喺屋企張床到， 繼續無所事事。 冇計啦，而家我都算係一個半夜行性動物呀，夜晚又冇可能瞓喺張床度。　





　　　「嗞~~」 就喺我悶到就嚟想拎啲paper出嚟操嘅時候， 我部手機竟然久為地震動。

       「家宜：仁仁BB，你喺度做緊咩呀？」BB 是什麼鬼稱呼啊？ 我記得之前都仲未有呢啲咁後生嘅稱呼㗎？

　　「家宜： 得唔得閒.....一齊出嚟行下街呀？」 算啦，我又唔係特別鍾意行街，話唔定仲會帶到麻煩畀佢！　

　　　「唔洗啦。。。我好。。（輸入中）」咦，既然得閒嘅話，同喱個女朋友去行下街都可以喎！ 如果有目標出現嘅話， 可以主動出擊添！　　　　

「家宜：喂~唔好已讀我啦！」Oh， 掛住諗利弊關係，唔記得應機㖭！　





　　　「我：好啊！我哋等陣幾點出？」　

　「家宜：咁就，一點SOGO等啦！😊」

嘩喺，秒回。。

你到底打字速度有幾快？

定還是係一早打好。。

。我好似。。入咗個局？？