而我卻只是一個中學生。: 8.

那天下午，阿茵再一次上了我家，當然，我們繼續觀看男親女愛。

「你果時小學都未到喎，點解會鐘意睇啲咁老既劇既？」

「好睇咪睇，咁經典你唔係冇睇過嘛。」

「有呀，不過唔會依個時候睇囉。」

「讀書好大壓力嫁，我依家係到放鬆。」





「你講既野最有道理。」
「老媽子買左牛扒，我今晚煎比你食丫。」

「你話事啦咪阻住我放鬆，我好大壓力嫁。」

「我唔方唔大壓力啦，如果你阿爸阿媽知道左我既存在，一定會覺得我累到你溫唔到書。」

「到時先算啦。」

看到阿茵一副等我賺錢養活的樣子，真是替她憂心。





快要足球比賽，總想在最後一年再嚐冠軍滋味。

「你會嚟睇我果幾場波嫁可？」

阿茵捏著我的臉，

「緊係會啦，睇下你到攞獎牌咁威威嘛。」

「舊年拎過，唔稀罕啦。」





「扮咩丫，我點會唔知你幾想拎。」

「我拎到既話即刻戴係你身上。」

「收買我呀？」

「依個獎係你應得既。」

晚上，我拿了爸爸放在酒櫃那瓶剩下一半的紅酒，佩搭眼前的牛扒，跟阿茵來一次「Candle Night Dinner」，cheers！

第一杯，第二杯，第三杯，第四杯，阿茵已經面紅耳赤了，阿茵的酒量只是這麼淺的嗎？

「繼續飲，繼續飲！」





「喂，嘉茵bb，我出酒者，你唔洗出命呀。」

「你痴線，我先未到頂，哈哈哈哈。」

「好啦夠啦，我收埋枝酒啦。」

「哈哈哈哈⋯哈哈哈哈⋯繼續。」

阿茵伏了在桌上，我不得不將她抬到床上，卧在床上的她還嚷著，

「哈哈⋯攬攬⋯繼續飲。」

這次，是我第一次跟阿茵舉杯，也是最後一次。

那個夜晚，阿茵到了十點多才醒過來，我跟阿茵坐了的士回家，下樓途中，雖然看見阿玲，阿玲亦與我四目交投，不過我們只可扮成陌路人。





在駛進將軍澳隧道的那一條高速公路上，我們沒有經歷什麼靈異事件，的士一直駛，駛到杏花邨，阿茵也漸漸酒醒，步行了回家。

在回家的途中，在太古城的路上，後隨的白色貨van高速飛馳，我們沒有穿越平行時空，但我乘坐的的士被撞了上壆，我也不清楚發生什麼了。