而我卻只是一個中學生。: 7.

又一個要上學溫習的日子，阿茵這個懶蟲也終於答應了跟我回到學校溫習，我們亦相約定了在西灣河吃早餐。

想不到，我要出門的時候，撞正了阿玲下班的時間，從保安室出來的她，從一向穿著制服的她，到變了穿著黑色背心、tracksuit bottom的她，看起來十分哀愁，手臂亦一直擦著眼睛
，好像埋藏了不少心事。

我硬著頭皮走了上前，遞出了一張Tempo蘋果木味的紙巾。

「咦，宋小姐放工啦。」

「唔該晒你張紙巾呀，王生。」





從阿玲身上，我再看不見平時那個露出虎齒的可愛笑容，現在的她，流露出一種累鬥累的感覺。

「叫我阿曉得啦，我啲朋友都係咁叫我嫁。」

「你叫我阿⋯」

「阿玲丫嘛，平時聽其他人都係咁叫你既。」
「做咩好似好唔開心咁，平時見你都好好笑容。」





我跟阿玲一直行到地鐵站，再一同上了地鐵，一起坐在最尾的車卡。

「其實係咪個個男人都唔會知足⋯」

「緊係唔係啦！」

我心裡的答案其實是認同男人不會知足，至少以我的角度。

不過，我還要再令受傷的女孩愛傷害嗎？





只好撒一個善意的謊言。

「開心啲啦，見你平時都成日笑。」

「點開心得落喎。」

說罷，她的眼淚又不禁流了出來，我捉著她的手臂，瞳孔中看到阿玲十分錯諤，我定一定神，將我的Tempo紙巾放在她掌上。

「唔好再喊啦。」

阿玲沒有再說話，只挨在玻璃幕上，慢慢地睡著了，不一會，更挨過來我肩膀，我沒有打算追問阿玲男朋友的事，她年紀比我大，應該比我的經驗要多，我也不用提供什麼意見了。

「下一站鰂魚涌，Next station is Qua⋯」

我摸摸阿玲的臉頰。





「阿玲，我要落車啦。」

「對⋯對唔住呀。」

臉蛋變得通紅的阿玲，真的，真的很可愛，我沒有乘勝追擊去抄牌，因為我怕。

在行往港島線的列車途中，我拿出了電話，才發覺阿茵已經send了多個Whatsapp給我。

「仲曉」

「出左門口未呀？」

「到邊呀？」





「冇帶電話呀你？」

「喂，王仲曉，你唔係未醒嘛？」

「到未呀，我係筲箕灣啦！」

「點呀，茵茵茵茵茵」

「終於應我啦咩？」

「頭先訓著左嘛。」
「係你後面啦。」

我拖著阿茵到地鐵站附近的冰室吃早餐，看著阿茵，發覺，阿茵只要在我身邊的時候，她笑得最燦爛。