而我卻只是一個中學生。: 5.

你有試過為情敵抱不平嗎？

說出來其實很荒謬，男人最愛面子，有哪個男人會認為自己比情敵未夠好，情敵更加適合自己女友，但又矛盾地不割讓女友，見她幸福？

對不起，我就是不能讓給你。

那一年，阿茵經常以一起溫習的名義上我家裡。

結果呢？





有哪一次我們拿出課本後看多過三十分鐘？

我想，甚至十五分鐘也沒有。

「仲曉。」

「嗯？」

「仲曉呀！」





「有野就講啦。」

「拎你部手提電腦出嚟丫。」

「無啦啦溫書用咩電腦呀？」

「有個唔係好明，要上網查呀。」
「有冇零食呀？」

「咁識歎添呀？」




「洗唔洗high埋tea呀？」

「都好喎！」

「無聊。」

「藍藍天空高掛我的夢 深海⋯」

「你查咩資料要查到藍天呀？」

「過嚟先啦。」

「喂，你好老土，睇番啲咁舊既劇。」

「識咩丫你，啦，整條百力滋丫。」





結果，我們可以坐在床上觀看到天黑，還可以叫外賣⋯

「食咩呀八婆？」

「冇所謂啦。」

「M記？」

「唔要呀咁熱氣，你睇下我額頭粒暗瘡。」

「邊到呀？睇過，我幫你揤左佢喇！」

「唔要呀死變態。」





「咁叫茶餐廳囉。」

「我要蕃茄炒蛋。」

「一早知啦，我咁了解你。」

我們真的把溫習忘記了⋯

「王生，係咪叫左外賣呀？」

「係⋯係呀。」

阿玲從管理處打電話到家裡。

我曾經幻想過胡亂作一些藉口把她喚上來，不過這樣跟打999叫凍咖啡大同小異，都在浪費人力資源。





當然，我最後放棄這個念頭。

其他人可能會覺得我很變態，但我就是不能將阿玲當成一位陌生人，在走進大堂前，我又會除下耳筒，把音樂停下，明知我不跟她說話。

「放上枱啦，仲企係門口 。」

「知道啦。大食鬼。」