每個禮拜二都準時返學校，係因為想同妳係兆康站上相遇: 第十四章–太平百錢
第十四章– 太平百錢
這天我們跟上次一樣去了屯市那邊吃炑八。
「今次食咩好呢？病病地選擇少左好多添~」Yoyo嘆著氣說。
「唔……你有咩唔舒服先？」
「喉嚨有少少痛咁啦。」她失落地說道，但是隨後她的心情轉換得跟閃電俠一樣快，她笑著續說︰「不過應該唔緊要既，到時真係躺左係床上果陣，就辛苦你過嚟照顧我依個病人啦！同埋到時記得買一啲好食啲既野比我依個病人啦！」
「我去照顧你既費用應該比起去睇醫生仲貴喎，你倒不如去睇醫生啦。仲好講食啲好食既野！你都係食白粥啦傻瓜！」我奸笑著對Yoyo說，並在心想︰
「眼前的這傢伙是不是病到傻了？」
「哈哈！我就係嫌醫生太平！」她拍拍心口說道。
「我真係好貴咖喎，你係咪決定要買我既服務咖？」真的沒想到她會這樣回應著我，還以為她會無視我。
「試用期呢？」她托著腮說。
「我地公司不設試用期咖喎~」我裝著尷尬地說道。
「咁免費用呢？」
「乜咁貪心咖你......如果每個人都要免費用既話，咁我地公司食屎都似啦！」我鄙視著她說，並續說︰「下次你再病既時候，小美女可以考慮一下依個服務，現在我地公司經濟上出左啲問題，暫時唔可以做一啲免費既推廣計劃。」
「咁你食屎啦！哼！」她說了這句以後便鼓著臉，說實話，她這樣真的很可愛。
「認真既！食啲清淡少少都應該ok既！唔好食煎炸野同辣既啦！」我篤了篤她那張鼓起的臉。
「衰人！冇得免費用！」她裝著生氣說，她的表情戲真的很假。「冇得免費照顧你啫！冇話唔可以免費呵護住你咖嘛！同埋，我都唔可以比你病情惡化落去既！所以……快啲落單呀！又話肚仔餓。」我以關心的口吻，柔和地聲線說道，我自己也覺得有點嘔心。
最後她點了普普通通的一個「鰻魚肉蛋包飯」，而我當然也配合著她吃清淡一點。
因此點了跟她差不多的東西—「雞扒蛋包飯」。
吃完午餐後，我們便在屯市逛著。
總要消化一下的，嘿。
「不如一齊買頂帽戴下？」她問。這刻，我們走到一間賣帽子的店舖。
「都可以既，不過都要睇下岩唔岩款先。」我答。
如是者，我們便進了這間店舖內看看不同款式的帽子。
內裡大多都是賣著潮牌「New Era」的帽子。
當然也有其他品牌，如︰Capbeast、Hater等。
「你地好呀！有冇話想要咩款式既帽呢？」那位站在收銀處的店員見我們看了很久便問道。
「唔……簡簡單單就得啦！」我們異口同聲地說道。
我看著Yoyo，她這時是笑著的，這是一種默契吧。
「咁呀……或者你地可以睇睇依幾款既！依幾款係我地聖誕節既產品泥！」那位店員拿了那幾款給我們看，並禮貌般笑著地續說︰「嚟緊聖誕節都可以戴住一齊出街嘛！」
「都唔錯咁喎！佢有啲聖誕飾物係中間做Logo，唔係平時見到果啲NY。」我說。
「係呀！而且又唔會話好誇張！」Yoyo拿起了一頂白色的帽看，並說道︰「我個人幾鍾意依頂郵票做Logo既款式！」
「如果買白色款既話就要小心啲啦，因為都幾容易污糟咖！不過最緊要係識打理，同埋污糟左唔好扔入洗衣機洗呀，你可以用牙刷牙膏做簡單清潔既！」
那位店員提醒我們，他挺好人的。
「我自己會偏向鍾意黑色依款啦。正如岩岩位店員講，我怕易污糟嘛！同埋，黑色比較易襯！」我拿著那頂黑色，印有聖誕花Logo的帽子說。
「你地可以試下咖，唔洗就咁拎住既！」那位店員笑說。
我們走到鏡子前試著剛剛選擇的帽子。
「頂帽……都幾襯你喎！」我們望著鏡子中的對方跟對方笑著。
這種感覺很甜蜜，很窩心。
那位店員也從鏡子中走開。
這刻，鏡子中的世界就只有我們。
我們一直深情地望著在鏡子中的對方。
「係！有咩幫到你？」突然，那位店員說，使我們在這個陶醉的鏡子世界中抽離。
原來是有客人進來。
「比錢咖啦？」Yoyo嘴角帶著很甜的笑容跟我說。
「好呀！」
「多謝幫襯呀兩位！同埋，提早同你地講聲聖誕快樂先！」
接著我們便坐車回家去了。
這程車我想著剛剛在試帽的事情，真的很令人尷尬。
我相信坐了在我身旁的Yoyo也是。
「要好好打理頂帽呀！污糟左既話點樣出街戴喎！」為了打破尷尬，所以我傻傻的說。
「你自己都要呀！冇人話黑色唔會污糟咖！」她笑說。不知道她為什麼會笑著說，可能是笑我傻氣吧？
「到時聖誕要一齊戴咖！」
「你咁講……係咪諗住約我聖誕節出街呀？」她紅著臉，細細聲地說。
「比你識穿左添……」我又裝著傻地說。
.
.
.
很快地，我們便各自回到家。
這天，回到家的第一件事要做的……
我拿出那本《驅鬼記》，並將那條太平百錢的項鍊從頸摘下。
我用太平百錢輕輕刮著《驅鬼記》的內頁。
果然，隱藏內容都出現了。
內容如先前關羽所說的一樣，都是講述如何去驅趕、捕捉、消滅邪靈。
從最簡單的驅趕開始，只要拿出太平百錢，便大聲的道出：「離。」便可以。
其次是捕捉，撃著太平百錢的鏈是也是充滿神力，只要大聲地道出︰「現。」祂便能夠使邪靈現身並鎖著他，使其失去力量，變得虛弱。
最後是消滅，消滅的工作並不是人人做到，要做到的必先具備智慧、勇氣，並拔出青龍偃月刀才可以做到消滅的工作。只要大聲地道出︰「龍。」太平百錢便會變成青龍偃月刀，用青龍偃月刀揮舞著邪靈，便能將其消滅。
「喂，關羽。乜睇落咁簡單既，做咩你唔一早同我講，要我自己去睇書？」
「這是契約之一，所以我不能跟你說。真相，應要由自己去發掘。」
說罷，我便嘗試把太平百錢變成青龍偃月刀。
「龍！」我大喊著。
第一次，沒有反應。
可能是聲量不夠大。
「龍！」
第二次，依然沒有反應。
會不會是不夠雄壯？
「龍！」
第三次，也是沒有反應。
究竟是什麼問題？？？
這東西壞了？？？
「呀仔！龍乜鬼呀！你爸爸聽日要返工咖！唔好嘈啦！」母親大人在客廳大喊著。
「喂，關羽。」
「關澤，有什麼可以為你效勞？」
「點解太平百錢變唔到青龍偃月刀。」
「因為沒有邪靈。要是沒有邪靈也能變成青龍偃月刀，那麼世界大亂了。」
「……」
「頂，又唔寫係本書到……都唔知呀媽會唔會以為我痴左線。」我心唸著。