每個禮拜二都準時返學校，係因為想同妳係兆康站上相遇: 第七章–午餐
翌日。
不知道是不是因為昨晚一直玩手機的關係，所以今天起床雙眼有點乾。
最近的晚上，手機也是亮著的。
因為每晚也是跟Yoyo聊著一些聊不完的話題。
不論是一些生活上的「你今晚食左啲咩呀？」、「最近上果套戲幾好睇喎，你有冇去睇呀？」
還是一些友情上的問題「佢地成日都唔等我呀！係咪因為我成日都唔記我時間搞到佢地唔鍾意我呢？」、「最近個朋友唔開心，都唔知點幫佢好。」
有開心的事情想分享時，也是先分享給對方。
有不開心落寂的時候，也會先找對方傾訴。
儘管如此，起床時雙眼很乾也好，我也不忘玩手機。
「唔好意思呀！琴晚唔小心訓左添…」我向Yoyo發了個信息。
「唔緊要啦，哈哈。乜你今日咁早起身既？返早？」Yoyo很快便回覆我了。
原本還想著她今早要上課，所以不會立即回覆我的說。
「係呀！不過又訓晏左少少搞到又遲到。你呢？今日又咁早起身？」我說。
「我要返去交啲form姐，day off都要專登返去交form…最衰係自己懶琴日冇去交，今日就deadline啦。」
「咁你快啲返去交啦87。」
見她還沒有回覆我，我也去梳洗一下。
回校的路上我帶點期待，四處張望，並在心裡想著︰「唔知會唔會見到佢呢？」
照情況看來她還沒有出門吧。
「登登登~登登登~登登登~登登登~」手機突然傳來一陣又一陣的鈴聲。
看來又是班上的同學在班群裡進行轟炸，所以我也沒有看到手機。
「傷心的 都忘記了 只記得這首笑忘歌 那一年天空很高 風很清澈 從頭到腳趾都快樂……」隔了不到1分鐘，我手機又再傳出鈴聲，這次更是來電鈴聲。
「邊個咁急咁早打電話過泥呀。」我掏出手機看看到底是誰打電話過來，原來是Yoyo︰「喂，做咩咁早打電話過泥咖Yoyo姐？」
「因為我見到有個傻仔係車廂入面係咁將個頭另泥另去，覺得好搞笑想同你講，但係你又冇睇手機喎，所以咪打比你。」
「原來係咁…咁我睇一睇whatsapp先啦。」
「好呀！你記得要睇咖！嘿嘿。」不知道為甚麼她的笑聲會帶點奸詐。
「得啦得啦。」
「88~」
「轉頭見。」轉頭見？她是不是說錯了甚麼。
把通話掛掉後，我馬上打開whatsapp看看到底是甚麼回事。
「Er.......點解果個一直將個頭另泥另去既人咁似我。」我把她發給我的照片下載下來。
黑白間條的囚犯style上衣，短牛仔褲。
「條友傻咖？著到成個囚犯咁既，哈哈。你係邊到影咖？」我將這段信息發給她。
「260號巴士，去緊赤柱監獄。」這個Yoyo是不是傻的？那幅圖片根本就是輕鐵來的。
「去到咁遠既你？唔係要返學交Form咩？」因為她那幅照片的關係，我也不敢四處張望了，因為很怕被她拍到。
「係呀，晏少少返去交都可以姐:P！話時話，果個人好似冇再四圍望啦。」
「佢係咪知道左你偷影佢呀？不如你試下走過去同佢say返個sorry啦(笑喊)。」帶點說笑的叫她道歉。
這時她也走了過來拍了拍我的肩頭跟我說︰「對唔住呀，我偷影你。」
「我講笑咋......做咩真係同我講對唔住咖？」帶點驚訝，她為甚麼真的會跟我道歉的。
「唔知呀......怕你嬲吖嘛......」被她那水汪汪的眼睛徹底征服了。
「傻啦！點會咁易嬲依個小美女喎。如果你覺得真係對唔住我既......不如影返將合照當係補償啦？」
「Er...依個補償考慮下先。」她托著腮子思考著，不用一會便說︰「好啦，不過唔係依家，陣間你同我食lunch既話就同你影！」
「咁突然既......都可以既，但係咁既話你咪要等我成個鐘？」
「又好似係喎，唔記得你要上堂添，哈哈。」她的記性有這麼差嗎？
「Um......你係LCR果到等我都可以既？果到又有冷氣又有梳化！」
「LCR？你係咪講緊果個資源中心LRC呀？哈哈。」
「頂！成日調轉左添......」
「我啲朋友都成日咁咖！好彩我都聽得明姐！一於咁話啦。」
「好啦！陣間見！」到達校園後，我們便分開了，各自去到要去的地方。
今天上的是Database的課堂。
剛起床便要做運動，因為那課室是位於最頂層的4樓，要不是升降機太多人，而我又遲到的話，一定會去坐升降機。
「究竟係邊個天才諗到將依個IT Room set係最高果層？明知讀IT既多毒L，平時都唔會話點做運動，仲要放到啲IT Room到咁高。」我當然沒說出口吧，只是心想著而已。
「吓，乜今日唔洗上堂咩？」當我到達4樓班房後，發現課室內一個人也沒有。
我連忙拿出手機看看時間表。
時間表上確實顯示著今天是要上堂。
「喂，呀天？」我打電話給呀天問一下詳情。
「咩......咩料呀？」他帶著一副睡眼惺忪的聲線跟我通電話。
「乜今日唔洗上堂咩？」
「呀！係呀......琴......琴日唔......唔記得同你講添。你上堂遲到嘛，佢上......上堂話下星期果堂唔洗返。唔講啦88~」
「頂......88。」又不能夠怪他的，畢竟是我自己遲到。
如是者，我便去旁邊的LRC找Yoyo。
「行左成個圈都搵唔到佢既......睇泥佢仲未OK喎。」我找了一個近門口的位置坐下等她。
「咦！乜你咁快上完堂既？」坐下不到1分鐘，她也上來了。
「唉......今日原來cancel左堂課。」我帶點頹然的說。
「原來係咁......好彩我唔使等成個鐘啫，咁我地一齊去食嘢啦！同埋......唔準咁頹咖！」她臉帶笑容地說道，她天使般的笑容把我的頹氣清走了。
「好啦好啦！咁快啲去食野啦，餓死啦！你想食咩呀？」
「去到屯市再睇啦！好耐冇食早餐啦！」她帶點期待地說︰「係喎！你識唔識野食咖？」
踏出校園後，一路上我們都有說有笑。
片刻，我們也已經去到屯門市廣場。
「好多選擇呀..有好多野都想食，搞到有啲選擇困難...」我看著商場內的美食指南說道。
「不如咁啦，你合埋眼指中邊間就食邊間，又好玩又好刺激咁。」她看見我選擇困難般便提出這建議。
如是者，我聽取她的建議合上雙眼隨便地往那塊餐廳指南指著。
「我地出發去炑八啦！」她握著我的手急步地前往炑八，並很開心地說道︰「仲合埋眼做咩呀？快啲出發啦！」
看來她很喜歡吃韓國餐。
到達餐廳坐下後，我們分別點了「韓式牛骨清湯配紫菜飯」和「特級泡菜五花肉韓式拌飯」。
我的，偏清淡。
她的，偏濃烈。
過了數分鐘，食物已經來到了。
「唔好食住！你唔記得要合照啦咩？」正當我拿起湯匙細嚐那口湯時，她把我叫住了。
「估唔到你仲記得喎，仲以為你唔記得左啦添，哈哈。」
「整嬲你就冇計啦。」她再次展現那水汪汪的眼神。
「傻既......咪話左冇嬲你囉。同埋我都唔捨得嬲你啦！」當然後面的那句是沒說出口。
看著她吃得津津有味，心裡有著滿足的感覺。
我們都吃完後，該是時候付款了。
我掏出錢包拿了兩張100出來。
「你做咩拎咁多錢出泥呀？唔係諗住幫我比埋吖嘛？」Yoyo帶點驚訝問道。
「男仔請女仔應份既。」我回應她。
「唔得呀！自己比返自己果份啦！」原本我還想著替她付這頓飯的錢，但是卻被她阻止了，她堅持要AA制。
各自付款後，我們便一起回家。
一路上，我們一直聊著不同的話題。
儘管有時候一些話題結束後，我想不到有甚麼新話題可以聊，她也替我們的對話展開了新的話題。
這天和她的巧遇，可是令我更了解她。
「好似仲未知你住邊喎！你介唔介意講我聽咖？」上到西鐵後我問。
「天水圍呀！」Yoyo答。
「天水圍你住曬咩87.....？」
「你想知咩？係要唔講你聽呀！」她伸出舌頭笑說︰「想知既話，遲下你咪知，嘻嘻~」
很快，列車也去到天水圍站。
「好啦！我地下次再約啦！再見啦！」當我們坐著西鐵到達天水圍站後，便各自道別了。
雖然有點不捨，但是也要有道別的一刻。
「好啦，再見。」跟上次的一樣，雖然她的道別很簡單，但是在她的眼眸中看得出是帶點不捨。
「登登登~登登登~」跟她道別後，我的手機隨之傳來一陣又一陣的鈴聲。
這刻應該也知道是誰找我吧，除了Yoyo之外，應該再沒其他人。
我拿出手機看看，不出所料，果然是她找我。
她把剛剛在餐廳拍的合照發給我了。
「點解佢可以將自己影到咁靚，但係又將我影到咁樣衰既？」我仔細看了看照片後，我頭頂上有著十萬個為甚麼。
「你覺唔覺得張相有啲問題？」我馬上發信息向她問道。
「有咩問題？我太靚？」她一語中的，的確她美得像那些女神似的。
「唔係......而係我好似見到有啲野咁。」
「吓......唔好嚇我好喎......」她帶點驚慌回應道。
「冇嚇你呀.....我好似見到天使。」靚這個字已經不足夠形容她了。
「OK！想調轉頭衝去你到打爆你個頭！」她帶點孩子氣說。
「Welcome~」
「今晚小心啲，要記得痌夜尿呀~」
.
.
.
回到家後，可能是因為飯氣攻心的關係，我在沙發上睡著了。
當我張開眼時，天色已經變黑，看了看掛在牆上的鐘，已經八點了。
「今晚得唔得閒呀？同我食餐飯啦。」我看了看手機，原來呀天找我。
「OK！20:30 7-11等。」好像有點晚回覆他，因為他是在六點時找我的。
「OK，轉頭見~」