每個禮拜二都準時返學校，係因為想同妳係兆康站上相遇: 第六章–我還是甚麼
在今天的課堂，我常常因為一些小事情而笑起來。
在拿到她的電話號碼後，在課堂上的空閒時間大家也有互相找對方。
「Yoyoyoyo~個普通話呀sir成日發埋啲高音，唔講唔知以為係整緊海豚音，下次錄低可以放上youtube做下影音。」我跟她說。
「yo咩鬼野呀..你係咪以為自己係Hip Hop Man(笑喊)？SKRRRRR~btw，你個呀Sir咁搞笑咪好，起碼唔會悶先，我果堂悶到我都唔知自己做緊咩啦(白眼)。」她答道。
「睇泥你都有睇中國有嘻哈喎。不過有樣野你估錯左啦，我唔係Hip Hop Man，我係兒子娃娃先岩。」說話內容瞬間從說笑轉換到認真模式︰「咁咪好大件事.......你理唔理解到課堂上既野咖？聽我啲讀緊high dip既frd講，好多野都係要靠自己去理解同消化，唔似我found dip咁咩都教足曬比你。」
.
.
.
就是這樣，今天合共4小時的課堂，我有2小時也是在跟她聊著無聊的事情。
建龍、天明、呀天見我拿著手機笑得那麼開心，也沒有多問，因為他們也知道發生了甚麼事情。
相反，仁傑卻整天低著頭，看起來真是有點心事似的。
上了一整天課堂後，我和呀天他們也去吃飯了。
「睇泥真係要問下仁傑搞咩事先得喎，成日都乸口乸面咁。」在去吃飯的路上，我一直留意著仁傑並在心想著。
我們去到田景的一間粉麵館坐下後，我、呀天、建龍、天明分別點了3碗一樣是小辣的豬軟骨米線，和一碗仁傑叫的雞中翼、牛柏葉中辣米線。
「乜你食到咁辣咖咩仁傑？平時同你去食譚仔你都清湯咖喎，而且今日依間既辣度仲要勁過譚仔，叫小辣都已經去到譚仔中辣。」建龍看見仁傑點了碗中辣的米線後，帶點驚訝問︰「你係咪有野煩緊呀？」
我也沒想到建龍會這樣問，因為他總是嬉皮笑臉。
不過認真去想，他又的確是時常也會觀察別人。
在上一次約我去行山時也是這樣。
「......」仁傑只看著建龍，但是卻沒有回答他。
「唔怕講出泥咖，我地做兄弟既，會互相解決煩惱咖嘛！」建龍說。
這時仁傑眼泛淚光，天明看見異樣，也拿了一張紙巾給仁傑。
「我前幾日，同女朋友分左手。」仁傑终於道出了不開心的原因，但是應該不會這麼簡單。
我們也細心聆聽著仁傑之後的說話。
.
.
.
「我同依個女朋友一齊已經4年。由初中去到高中，再一齊畢業去旅行，但係始終敵唔過大家畢業後既日子。」這事情我也身有同感的，呀天也有望向我並向我點頭。
「依4年入面，有開心有唔開心，當然都會有鬧架鬧到分手既時候，但係最後都會一齊返。但係今次......」仁傑有點哽咽。
「但係今次就偏偏唔可以再一齊返......佢話已經厭倦左同我一齊 我唔信只係一個咁簡單既理由，因為好多野我地都捱過左！佢講完分手之後果幾日，我都會係收工之後專登係佢樓下等佢，因為我都知道佢幾時返工同收工，同埋想同佢可以復合......開頭幾日佢都有理我，叫我走，然後就自己上返樓。再去到之後，佢直頭理都冇理過我。到左同你地去流水響既前一晚，見到有個唔識既男仔送佢返屋企之後先知......原來唔係因為厭倦，而係因為迫左另一個男仔。果然到最後都係徒勞無功。」
.
.
.
這時候，大家的米線也來到了。
不知道是不是剛剛仁傑說了那番說話後，還是他那些麵的辣氣關係，他的眼淚開始從眼眶中不停地流下來。
儘管他的眼淚一滴又一滴地滴在碗內，他也沒有理會。
他依然一直專心地在吃著那碗使自己的眼淚不禁流下的米線。
坐在我們隔壁的一對情侶看到仁傑這樣後，一直在偷笑討論著。
「望完？笑完？專心食自己碗麵啦！」沒想到這時建龍會對那對情侶說這樣的說話，也很為兄弟著想。
大家吃完後，也各自結帳了。
在回家的路上，我看著仁傑又是一副苦瓜乾的表情，我已經按捺不住了。
「喂，仁傑。其實果個女仔都做到咁既地步，你有必要為左佢而喊，有必要為左一個咁樣既女仔而令到自己既尊嚴冇曬咩？4年感情我唔知幾長，亦都唔知你地一齊經歷過啲咩野，但係就算點都好，挽留太多次都係唔得既話，一句分手，成段關係係完左就完左咖啦。更何況既係，你依家20歲都未到，仲有大把機會啦，依個4年唔得，咁咪下個4年，如果都係唔得既，咁咪再搵個更好囉。冇必要為左一棵樹放棄成個森林。Btw，我唔係叫你岩岩分完手轉頭又去搵第二個拍拖呀…你自己都要ready好先得，唔好令下一個對愛情有恐懼。」
說了一大番說話後，我不知道仁傑有沒有聽進耳內，他只是低著頭，沒有理會過我。
儘管他有沒有聽到也好，也從心希望他快點從黑暗中跑出來。
在畢業後，大家都要踏進大專、大學、或是社會後，很多人的關係也是在變化著。
不論是友情，還是愛情，路上都會充滿挑戰。
再也不是跟從前一樣，不會每天也會見面，不會有很多時間一起吃飯。
這時候，更加要做到互信，互協。
到了天水圍站後，仁傑沒有理會我們的腳步，自己坐車走了。
我們本來也有打算追著他，但是最後大家也是說了句︰「比佢靜下先啦。」
我們4人今天從天水圍站步行回家。
沿途當然是說一下仁傑的事情吧。
「其實，佢個ex為人點咖？因為我都唔係好清楚。」我問。
「好開朗同熱情，好多時都會就仁傑，我地都知仁傑諗野有時又好負面，好細路仔果啲，有時都會因為個ex而成日呷醋，係其他男仔問佢個ex功課都會呷醋果隻呷醋......但係佢地關係都好好既，而且仁傑佢又細心又浪漫，成日都會tum到個ex好開心，叫做彌補返自己缺點啦，不過缺點依啲點都要改既，唔係要人忍一世咖嘛。」呀天說。
「聽你咁講，真係睇唔出佢個ex會咁對佢喎，痴線成頂帽笠落去。」我答道。
「其實都係咖，不過女人依啲野好多野都話唔埋，女人心海底針嘛！心依啲野話變就變咖啦。」天明說。
「唔會掛，因為我自己同Grace都叫做熟，由小學識到依家，姐係呀傑個ex，所以我覺得佢唔會咁快就搭上第二個男仔既。」建龍始終接受唔到在仁傑身上發生的事情。
「唔知呀......因為我自己個前伴侶都同佢個ex性格差唔多，但係偏偏就好快搭上左另一個男仔，所以成日都話女仔份人係好現實，真係會隨時拋棄自己。」我回應建龍。
在之後，他們跟我說了很多仁傑和那個Grace在一起時的事情。
我聽了之後，也大感驚訝，完全看不出仁傑是心思細膩的人。
「原來果陣中秋節係個女仔樓下用螢光棒砌心心既男仔就係仁傑佢呀？果陣我都聽唔少同學老師提到依件事，都傳得好開下。果陣我班上面好多女仔都warm左。」我說。
「係呀！果陣仲吸引到勁多途人圍觀。估唔到傳到你地form都知。」呀天說。
「係唔知邊年聖誕果陣，佢仲送左自己寫左一年既日記比呀Grace，果陣仁傑都有比我望幾眼，我自己打開都嚇親。」天明說。
「點止呀！你地有冇睇到Grace生日果陣既ig story？果陣仁傑自己整左對勁細既紙鶴耳環送比Grace。細到唔知點先摺得到，仲要係摺得好靚果隻。」
.
.
.
他們一直說著仁傑對Grace所做過的事情，而我就一直聽著。
換著是我的話，一定做不到以上的事情，很多事情也會選擇中途放棄。
而仁傑偏偏做得到，他有著很大的勇氣還有恆心才做到浪漫這事情。
這事情不是人人也做得到的。
有些人只是隨便挑一份禮物就算。
我這樣說並不是指那些買禮物的人心思不細膩。
只是DIY一份禮物，製造一個驚喜的話，需要投放的時間和心思是要更多。
說著說著，我們各自回到家中。