《日頭嘅我係個學生，夜晚嘅我就係個降魔師》: 《農曆七月篇》第五章 Ep.05

「細佬...睇黎你係個不得了嘅人喎，留你係度我地會好麻煩架。」我回頭一望，我一眼就認得出，呢個係果日燒衣嘅婆婆。
個婆婆今日嘅感覺同果日完全唔一樣，佢依加對眼係紅色嘅，兩隻手上面都有好長嘅爪，個婆婆成副戰鬥格出曬黎，佢擺到明係想攞我命。



「呀...呀婆你無事呀嘛？你係咪生紅眼症呀？係嘅我介紹你去睇醫生啦不如？」我嘗試出口術希望可以避免同佢開戰，雖然我已經識用自己嘅靈力，亦都有兩個人，都算係佔左上風。只但係我又未可以好好咁控制呢份力量，而個呀婆嘅邪氣亦都非常之強，如果無必要我地都唔想同佢開片。
 
「細路！我要吸乾曬你嘅陽氣呀！」個呀婆張牙舞爪咁大叫。
 
「我...我怕你有牙呀！我...係修羅呀！驚未呀！」我口疾疾咁對番住個呀婆大叫。






「喂...我地夜媽媽係度咁樣叫會唔會嘈到人架...」我細細聲咁同海澄講。
 
「呀洛！依加生死攸關你仲講埋曬d on9野！我地可能會無命架！」海澄聽到我咁講無輕鬆到之餘，仲要比頭先更加緊張，睇黎我真係唔太識點樣搞氣氛。
 
「修羅？係呀，你啱啱先學識用靈力咋，憑你嘅半桶水功夫就想收我皮呀？唔好笑大我個口啦！受死啦！」個呀婆好快咁衝埋黎我同海澄度。

我一手推開海澄，諗住獨自同呀婆角力。點知個呀婆突然一個甩尾轉左去海澄嘅方向，伸出佢嘅魔爪想攻擊海澄。個呀婆嘅指甲變到好長、好利，就好似狼人果對鐵爪咁樣。
呀婆手起「爪」落，對住海澄狠狠咁爪落去。




「唔好呀！」我好似盲頭烏鷹咁衝去個呀婆度，想幫海澄抵擋呀婆嘅魔爪。
「乜你覺得我會咁易死咩！」海澄係口心個袋抽左一道符出黎，道符一掂落個呀婆度就放出一下閃電，呢一道閃電劃破左午夜嘅漆黑，亦都劃破左個呀婆嘅魔爪。

「豈有此理！竟然夠膽傷害我！」個呀婆睇黎諗住認真同我地打過，佢收番埋手上面嘅爪，然後企係度陏都唔陏。


「佢想點呀？係咪急屎柯唔出呀？」我問海澄。
 
「佢應該係度儲緊氣，我地趁依加再準戰一下先！」果然捉開鬼係唔同d，有海澄嘅帶領，睇黎我地應該可以做低個呀婆！
 




我同海澄就捉緊呢段時間重整姿態。
海澄將佢頸鏈上面嘅戒指除出黎戴係中指上面，然後再係袋入面抽左一堆符出黎掉上半空之中。海澄對住前方打開手掌，佢嘅戒指就開始發出藍色嘅光，佢啱先掉出去果堆符全部都浮係空中，每一道符嘅側邊都有少少電光閃下閃下。

「呢d就係你嘅靈力啦？」我問海澄。


「無錯，我要電死呢隻妖怪！咁樣我地先有命番出去！」雖然海澄依加個樣望落去係好凶狠，但佢講得佢錯，依加一係我地死，一係就伏服個呀婆，我地已經無得番轉頭...

我地再望番住個呀婆，有一股黑色嘅陰氣包圍住佢。個呀婆一舉起手，果股陰氣就化為兩隻黑色嘅巨型鬼手係佢身後伸出黎。

「我地...係咪真係夠佢打架...」我真心比佢果對鬼手搞到淆淆地，佢淨係一隻手已經大過我成個人。

「如果有你幫我應該可以打低佢架！快d用你把劍啦！阿洛！」海澄大叫。
 
我一望把劍：「D火熄撚曬嘅？無gas呀？係咪燒曬啦？」一時情急之下我就係度亂咁up。




 
「無錯，你頭先滴落去已血已經用曬，要再滴過啦！」海澄望一望我把劍，見到頭先嘅紅光已經消失曬。
 
「跟我一齊落地獄啦！」個阿婆用對大鬼手一拳向住我地打過黎。

「乜你得咁多斤兩咋？咁大對手，淨係識出拳？」我挑釁個呀婆。


「夠啦細路！你有冇咁撚臭串呀？」個呀婆用佢對鬼手對住我舉中指。
「呢招又點呀細路！」兩隻鬼手一左一右咁打埋黎，我今次真係避無可避。
 
我對住個呀婆大叫：「屌你老味！」
講完之後即刻就有一道閃電打落個呀婆身上，對鬼手亦都縮番埋去。
「哇，原來屌你老味都有咁大攻擊力架？」
 




「個閃電係我放架！唔關你句粗口事架！唔係我你死左啦！認真d啦！」海澄好似用緊浮游炮咁樣控制緊佢d符。
 
講真，我淨係回避佢嘅鬼手拳已經非常吃力，根本搵唔到機會滴血落劍上面。

「落雷！」海澄一聲大叫之後，全部嘅符都都飛曬去阿婆頭上，即刻化做雷擊打落個呀婆嘅頭頂。


「阿洛！係機會啦！」海澄用雷擊幫我爭取左幾秒時間。
我就好好把握呢個機會，一下就𠝹開左隻手，將血滴落刀刃上面，劍上嘅火光再次湧現。

「番去屬於你嘅地方啦八婆！」我向住呀婆揮劍，劍上嘅聖火一下子就吞噬左呀婆嘅鬼魂，而周圍嘅陰氣亦都一掃而空。
「係咪完左啦...」我拎住把帶住餘燼嘅斷劍，細細聲咁講。

「呢個只係我地第一個考驗咋，之後仲有好長嘅路...阿洛，你會唔會埋怨我帶你入呢條路呀...」海澄用個好可憐嘅眼神望住我，呢一刻嘅海澄同平時活潑嘅佢完全唔一樣。
我望住海澄無出聲，只係摸下佢個頭，對住佢微微一笑就送左佢番屋企。