《日頭嘅我係個學生，夜晚嘅我就係個降魔師》: 《農曆七月篇》第四章 Ep.04
呢一晚，我好似平時咁刷完牙就上左床訓教，但係我將海澄比我嘅符放係我身邊，諗住隻女鬼一出黎就收佢皮。
係我就黎訓著嘅一剎那，我feel到一陣寒意，我已經覺得有d唔對路。
我抬頭一望：「你老母呀～！」一打開眼就見到隻女鬼好凶狠咁望住我。
係我個腦仲未load到應該要點做嘅時候，佢已經狗衝埋黎想咬鳩我，佢個勢完全係想攞我命咁嘅款，佢所散發住嘅殺氣完全表達到「我要殺左你條撚樣」嘅意思。
係呢個生死關頭我已經乜都諗唔到，我反射性咁係被入伸對手出黎想擋住隻女鬼。
「哇，做乜撚野著曬火架？」我隻手一掂落隻女鬼度就即刻有火光湧現。
「啊～你竟然～啊⋯」D火一路燒，隻女鬼就一路好淒厲咁叫。
係喎，我有海澄比我嘅符架嘛，原來d符咁把炮，咁我就唔洗怕佢，一於燒佢老母！
只係過左幾秒道符就已經成張燒曬，而隻女鬼望落去亦都燒到無左半邊身，睇怕都差唔多可以成功降伏佢。
我即刻拎多道符出尾刀，今次我比起頭先冷靜左，我無再比D火嚇親。我試下用手摸下道符上面嘅火焰，我發現原來呢D唔係平時我地見到嘅火，符上嘅「火」唔止一D都唔熱，而且掂落去仲有涼浸浸嘅感覺。
第二張符話咁快就燒完，而隻女鬼亦都灰飛煙滅，塵歸塵，土歸土。「希望你可以安息啦，下世好好做人......」我係心裡面默念。
「洛仔......估唔到會係你。」係房門口有一把老人家嘅聲傳入黎。
「做咩呀？你睇到d咩呀？」我望去房門口，見到一個成面都係白鬚嘅伯伯。
「你係......」我完唔知個伯伯係邊個，但係望住佢就有一種好熟悉嘅感覺。
「我係你太爺呀，好耐無見啦洛仔。」個伯伯好慈祥咁講。
「太爺...但係你唔係已經...」講到一半我就已經諗通左：「你係咪番黎搵我地呀？」
「你都可以咁講，不過全家就得洛仔你見到我架咋。其實你太爺我生前都係捉鬼架，我番黎係想將我以前用嘅果把刀傳落去。可惜咁多年黎你爺爺、你爸爸都無開到眼.....估唔到開眼嘅會係洛仔你。」太爺慢慢行過黎我床邊坐低。
「太爺...我唔會令你失望架，我會繼承你把刀，繼續去捉鬼！」我拍曬心口咁同太爺講。
「洛仔，把刀就係神枱嘅暗格。你將你嘅血滴神枱隻杯入面，咁樣個暗格就會打開架啦。只有我地家族嘅血脈先至可以打開到個暗格用果把刀。」太爺指住廳入面嘅神枱同我講。
聽完太爺咁講，我就即刻狗衝入廚房拎把生果刀係手指頭上面𠝹左一刀，再用力咇D血出黎滴落隻杯度。
滴、滴、滴......我一路滴，滴左幾滴血落隻杯入面都無反應。我心諗：「太爺你係咪撚鳩我架？」
就係我想屌出聲嘅一刻，係杯底附近嘅符文開始散發出血紅色嘅光。
「嗱嗱嗱，有料到啦。」我對住張神枱細細聲咁自言自語。刻係神枱嘅八掛陣慢慢咁轉出黎，好似扭水樽蓋咁成塊甩左出黎。
呢一刻，我心入面又係loop番果句：「屌，太爺你係咪玩鳩我架？」
收埋係八掛陣入面嘅係一把斷左嘅銀刀，刀刃上面刻左一句野，但我唔識睇呢種文字，所以我估計刀上嘅字應該都係符文。
雖然太爺話呢把刀係佢生前用黎捉鬼用嘅，但把都新淨嘅程度就好似啱啱整出黎嘅一樣，只係有一個地方有分別，就係太爺比我果把刀係斷撚左嘅。
「屌...比把斷刀我做乜呀，斷嘅捉乜春鬼姐。」我一邊打量把刀一邊細細聲咁抱怨。
我真係好想一手就掉左把刀佢，但話曬都係太爺特登番黎比我地嘅，我都係決定拎比海澄睇下先再決定把刀嘅去留。
「喂，海澄？我係阿洛呀，你方唔方便落一落樓下呀？」我諗住將太爺比我果把斷劍比海澄睇下。
「做咩搵得我咁急嘅？我ok呀，公園等好無呀？」
收線之後我就拎刻換衫再拎埋把劍落去樓下公園搵海澄。
「呀屌，要搵野裝住把劍先得，成把野拎落去比差佬見到就仆街啦。」我又番入屋企拎左個布袋出黎入住把斷劍。
夜媽媽拎住咁大碌野落街都幾引人注目，出閘口果陣連個食Q都啤左我幾眼。出閘之後我就急急腳行去公園果邊。
我去到公園嘅時候海澄都仲未到，但周圍好似都有唔少「朋友仔」經過，佢地係我身試經過嘅時候都特登行開少少，唔通真係因為太爺把劍？
等我拎把劍揮兩野睇下會點樣先，我將斷劍係布袋入面拎出黎諗住耍番套華山論劍。
「阿洛，你係度做乜呀？你玩cosplay呀？」我另轉頭一望，海澄已經企左係我隔離。
「Err...無野呀，你幾時到架？我啱啱先到架，哈哈。」我好老尷咁對住海澄笑左兩下，心諗：「屌，點解會比佢見到咁撚柒架。」
「我咪係你拔劍嘅時候到架囉，你咁夜叫我出黎就係睇你玩cosplay?估唔到你好呢味喎。」海澄望實我把劍。
「唔係呀，呢把唔係cosplay道具。頭先我太爺嘅鬼魂番黎搵我，佢淨係交低左把斷劍比我就走左啦，佢話佢以前用呢把野捉鬼喎。」我將斷劍遞比海澄睇。
「把劍上面有字架喎！」海澄一接住我把劍就見到刻係刃上面嘅符文。
「係呀，但都唔知咩字黎嘅。我依加就係諗極都唔明點樣用把斷劍去捉鬼，所以就叫你出黎想比你睇下。」我R曬頭咁望住海澄。
「你太爺有冇同你講過關於把劍嘅野呀？」海澄望下我又望下把劍，睇黎連海澄都諗唔明把斷劍嘅玄機。
「等我諗下先，佢好似話咩得我地家族嘅人先用到咁囉。」
「得你地屋企嘅人先用到？咁奇怪嘅，我從來都無聽過法器會有咁嘅限制架喎。同埋我依加感覺到你把劍嘅靈力好弱，正常法器嘅靈力唔會係咁弱架喎。你太爺仲有冇同你講咩呀。」海澄講。
「無啦....應該....」我諗到眉頭都皺曬，但都係諗唔起太爺講嘅野同把劍有咩關係。
「咁呀....我諗我幫你唔到啦阿洛，可能要拎番去比我屋企其他人睇睇先得，你介唔介意我拎佢番去呀？」
「你拎番去啦，反正我依加都唔知點用架啦。」我將我用黎裝劍嘅布袋交比海澄。
「等等先，你太爺佢點樣交把劍比你架？」海澄就好突然間諗通左咁。
「吓，佢咪話收埋左把劍係神枱入面，叫我滴d血落隻杯度囉，之後把劍就出左黎啦。」我一臉呆滯咁望住海澄，我都仲係完全唔明。
「咁你試下滴你嘅血落把劍上面呀！」海澄好興奮咁嘅將把斷劍塞番落我隻手度。
「吓，又滴呀？我d手指唔洗要啦咁。」我望一望我頭先𠝹開左嘅手指頭。
「咁你想唔想用你太爺把劍呀？」海澄碌大隻眼咁望住我，我睇得出佢好期待我滴血落把斷劍上面。
「唉好啦！死就死啦！」我忍住痛，又一下𠝹落手指頭上面。
我用力係手指頭度咇d血落把斷劍上面，一滴、又一滴。就好似頭先滴血拎劍咁，斷劍上面嘅符文發出血紅色嘅光，係劍嘅斷口位開始有紅色嘅火湧出黎，呢種火就好似頭先我捉女鬼果道符嘅火咁。
「哇，屌呀？著火嘅！」我見到把劍不斷咁噴火出黎真係嚇左一嚇。
「好強嘅靈力呀...我感覺到把劍有源源不絕嘅魔力不斷咁湧緊出黎！」海澄比把劍嘅力量嚇親。
「呢股就係太爺比我嘅力量？唔通太爺係想我除時都可以BBQ?」我伸手去換下劍上面嘅火，同用符果陣時一樣，D火都係凍嘅。
「D火凍架wor,咁我咪無得用佢地燒野食囉？」我拎住把劍擺出一個燒雞翼嘅動作。
「阿洛呀，唔好玩住先啦...你呢種唔係普通嘅力量黎架！」海澄對於我嘅力量覺得好驚訝。
「乜呢d火好特別架咩？海澄你無架咩？」海澄令到我有更加多嘅疑問。
「每個人開眼嘅時候佢嘅靈力就會一齊覺醒，我嘅靈力係電，我用符捉鬼嘅時候道符就會發出閃電，而你果D就係火。每個人嘅靈力都唔同，而且係天生嘅，無得後天再去改變。而阿洛你嘅聖火...就係修羅嘅象徵，擁有好強嘅力量，代表著能夠降伏一切嘅修羅。」海澄好認真咁同我解釋。
「咁姐係話我好勁呀？」我好得意洋洋咁同海澄講。
「雖然你嘅靈力真係好強，但都唔一定係好事...」海澄望住地下講，好似好擔憂咁。
「咁勁會有咩事架？會有人唔抵得我咁勁呀？」我想搞下笑緩和一下咁認真嘅氣氛。
「強大嘅靈力可以影響到人界，就好似你嘅火咁，控制得唔好嘅話可以燒左成座山都得。而且，咁強嘅靈力會吸引好多厲鬼...」海澄越講就越擔心。
「你嘅力量對鬼怪黎講係個大威脅，佢地一定唔會想你存在，佢地一定會想對付你架呀洛....最衰都係我...我唔教你呢d野你就唔會....你會唔會...」海澄開始怪責自己帶左我入呢條路，海澄佢講到眼濕濕咁。
「海澄，我唔怪你咪得囉，係我自己嘅決定，唔關你事，同埋就算係咁又點姐？會有咩事.....哇！」突然之間有一舊黑色物體係我地側邊好快咁飛過，我即刻捉住海澄走開，保持警覺，因為我地都感受到好大嘅邪氣....