[武俠甜故] 古裝武俠有味巨著 - 鐵血丹飛: 第三十八章 - 絕地一擊

 

 
另一邊, 龍飛正以掌劍交替地殺敵勇不可當, 而亭園中好快亦已經見到屍橫遍地, 但響不遠之處, 一個滿身霸氣嘅吳總鏢頭正靜觀住此場生死惡鬥。
 
突然, 吳總執起地上一塊瓦片碎塊, 跟住就響彈指之間將碎塊猛然彈出, 夾集住強大內勁嘅碎塊正不偏不倚地打落龍飛握劍嘅手上。
 
「呀……」 劍已脫手, 兩隻手指骨亦已斷, 但同一時間, 吳總居然已經無聲無息地咁就企左響龍飛嘅面前, 一吓緩緩嘅掌拍, 龍飛居然成個人就被掌勁轟到撞左埋去石牆之處倒下。
 


吳總再望吓博鬥中嘅丹娜方向, 錚一聲之後, 丹娜手中長劍突然應聲而斷, 丹娜大驚, 但未及反應, 身上四處不同地方再已被硬物重擊射中, 身上同膝蓋已經受傷, 丹娜口角正淌住血咁即時痛極跪下。
 
但同時, 一個黑影就已經迎面衝緊埋黎,  「臭婆娘, 殺我啲人, 今日我就要將妳碎屍萬斷!」
 
黑影夾雜住強大氣勁, 受左傷嘅丹娜見已無法可避, 眼見將要坐以待斃嘅時候, 突然, 背後一吓比人用力急推, 丹娜就已經被推到轆住向前, 但見身後嘅來福正以身擋襲, 「啊……」
 
一聲慘叫, 口吐鮮血嘅來福就被轟到大門旁邊嘅石牆之上, 但衝勢未盡, 石牆亦抵擋唔住來福呢吓咁猛烈嘅撞擊而向內崩塌而下, 丹娜見狀, 即時急到一拐一拐咁衝到入屋內看過究竟。
 
牆下地下, 來福已經滿身鮮血地咁淹淹一息, 而丹娜雙眼已經湧出住眼淚, 「來福, ….點解…點解你要咁做……來福」
 


來福正遞住顫抖住嘅手, 口正好辛苦咁吐出零零星星嘅說話, 「姑…娘…., 我…終…於…都….可…以…去…見…我…嘅….妻…子…..容….兒….」 遞住嘅手已經跌到地上, 見來福正咀角含笑咁雙目定住, 來福已去。
 

 
丹娜已經忍唔住咁就喊左出黎, 玉手正為來福合上兩眼, 但丹娜知道今日眼前強敵當前, 而佢亦已經毫無把握可以全身而退, 已經企番起身, 負傷中嘅丹娜正一拐一拐咁行番出去屋外。
 
手上就只得呢把半截劍, 但如今大敵仍在當前, 雖然自知只係強弩之末, 但望住地上嘅龍飛, 大力, 仲有其他匿埋住嘅人, 丹娜知道, 就算要佢戰鬥到最後一刻, 只有佢仍有一息尚存, 佢都要耗盡最後一分努力咁去迎面抗敵。
 
天正開始落住雨, 閃電正在劃破夜空咁發出陣陣耀眼嘅光芒, 望住正仲企響亭園中央嘅吳總鏢頭, 此刻身上氣勁正將雨水迫到滴水不沾咁, 一股君臨天下嘅霸氣, 正怒目地緊瞪住眼前呢個已受左重傷嘅丹娜。
 


強弱實在太過懸殊, 而丹娜亦正在盤算住如何是好之際, 突然…..
 
「娜姐…殊殊….娜姐…殊殊…..」 丹娜望吓聲音方向, 哦, 係堅仔匿埋響木柱之後係咁殊殊住佢。
 
但見堅仔正手握住鐵棍, 跟住見佢再按住一吓手掣, 鐵棍此時居然猛然彈出十六截如劍般嘅長度, 堅仔指一指鐵棍, 跟住就再指一指柱後嘅吳總鏢頭。
 
堅仔做住口型黎講, 「襟掣, 隊佢!」 見堅仔按掣縮番埋支鐵棍後, 跟住就將支鐵棍響地下轆左過去丹娜腳下之處。
 
腦內一吓急轉, 丹娜即時火速就執起地上嘅鐵棍忍痛就跑, 此時嘅丹娜已經就如箭般咁正向住吳總鏢頭方向衝去。