[武俠甜故] 古裝武俠有味巨著 - 鐵血丹飛: 第三十七章 - 生死之戰
![](http://upload.lsforum.net/users/public/n468692017-03-3844k205.jpg)
![](http://upload.lsforum.net/users/public/h87702018-08-1143s88.jpg)
丹娜最先有所行動, 見佢兩個起跳就已經去到屋頂之上視察住亭園門外, 但唔望尤自可, 一望之下, 嘩, 唔係呀化?
丹娜望到門外出便, 正聚集住大批人馬響度, 眾人似乎來者不善, 而且仲唔似係等閒之輩, 再加上個個都惡型惡相, 部份嘅人又奇型怪狀咁, 好明顯, 呢班人係衝住此處而黎。
丹娜見遠處有一女子正提箭瞄向住自己, 茅箭一射, 勁箭經已火速到達丹娜之處, 但丹娜長劍一揮, 茅箭即時就響丹娜面前斷開兩截而跌下, 見眾人正在輕拍住手掌, 但大軍隨即就開始上前湧至。
一聲巨響, 木門已經盡數轟碎, 屋內三個地盤打緊樁嘅男女工友們, 知道出面有事發生之後, 即時就嚇到停工起身趕住著衫, 而丹娜亦已經跳番落到地面之處, 正聯同龍飛來福等人準備提劍抗敵。
大力已經走到出黎, 而師爺基亦已帶住眾人先行搵個隱閉嘅地方匿埋, 但四周正一片靜寂, 但就似乎已經暗藏殺機, 四個人八隻眼正在背靠背地作 360 度監視住四周嘅環境。
風聲呼呼, 四周異動均已變成草木皆兵, 眾人正在眼觀四方, 耳聽八方咁屏息靜氣等待住之際。
呱….., 一聲怪叫, 敵人已經響通道之處四方八面蜂擁而至, 幾個怪人正同時撲向四人之處。
丹娜首先提劍將為首嘅怪人從頭斬開一分為二…..
龍飛亦以雙掌齊出地將另一怪人轟到心口出現一個大洞…..
大力則以手睜將迎面衝住而黎嘅怪人順勢挫到面骨盡碎而死…..
而來福亦響瞬息之間擊殺左幾個怪人…..
殺戮陸續不斷, 場面慘烈震撼, 突然, 眾人聽到大力慘叫一聲之後, 只見大力摸住背脊痛苦跪低, 跟住大力身後就出現左一個提住長刀嘅女子, 鬼姬。
![](http://upload.lsforum.net/users/public/h420062017-03-5339n61.jpg)
長刀沾滿住鮮血, 丹娜見大力倒地之後, 即時火速提步上前營救, 刀劍對壘, 四目緊瞪, 好快, 丹娜就已經劍如雨下咁正在擊殺住鬼姬。
好一個鬼姬, 刀法居然不在丹娜之下, 二人刀來劍往, 速度之快, 就連旁人都無辦法可以清楚睇得二人嘅招式去向, 但丹娜雙目嘅一團怒火, 正令佢嘅劍速開始不斷地加快, 劍招愈攻愈狠, 鬼姬開始心下一怯, 而形勢亦漸變成處於下風,
鬼姬正想拉開二人距離稍作喘息, 主意已決, 鬼姬轉為一個踏退, 但正滿腔怒火嘅丹娜, 手中劍身正凝聚住一團厚厚嘅氣勁, 跟住丹娜突然就大喝一聲, 然後雙手握劍正隔空狂然劈下, 「妖女受死啦!」
一團半月彎型嘅劍氣正響劍身之處猛然暴射而出, 鬼姬發夢都估唔到盛怒中嘅丹娜居然可以以氣勁黎斬殺, 但見自己身軀已經開始向下跌住, 跟住再見到自己身下雙腳居然就響自己眼前出現, 好快, 地上就只見一個齊腰斷開兩截嘅鬼姬倒地而亡。
![](http://upload.lsforum.net/users/public/q226812018-08-1236a88.jpg)