[武俠甜故] 古裝武俠有味巨著 - 鐵血丹飛: 第二十二章 - 功力大增

 
但除毒迫在眉睫, 龍飛知道唔能夠再等, 一瞬之間, 丹娜背部穴位再被篤篤之後, 丹娜即時就暈倒過去。
 
龍飛開始再將丹娜條長褲除去, 但見陰道旁邊嘅傷口果然同樣呈現住一片紫黑, 呀叔著龍飛先行扶住丹娜促膝盤坐, 跟住呀叔攞出長針, 再將銀針拮在身上唔同穴位之處, 呀叔開始響丹娜背後合掌運功, 繼而雙掌就壓向丹娜嘅背部之上, 掌滲白煙, 而呀叔亦正不斷冒汗之中。
 

 
半個時辰之後, 黑血開始正響傷口皮膚之內滲出, 龍飛不斷幫丹娜抺住血, 再過一陣, 丹娜突然咳出一大攤黑血之後, 繼而成個人就跌瞓到床上而去。
 


呀叔正在喘氣調息之餘, 但亦不忘叫龍飛為丹娜用各種草藥輕敷響鞭傷同中毒傷口位置之處, 講完呀叔就自行閉目調息當中。
 
一宿過後, 丹娜開始睡醒過黎, 穴道已解, 丹娜二話不說提劍就衝出屋外, 屋外眾人見丹娜正怒氣沖沖咁, 而昨夜嘅男人亦正響遠處採藥而回, 丹娜見後怒不可遏。
 
「淫賊受死!」此時丹娜已提步衝前舉劍就殺, 眾人見咁急忙欲上前阻止, 但丹娜嘅怒劍瞬間就已揮斬到男人嘅面前, 劍身泛住一團劍氣, 勁度之大, 簡直就比起上次斬殺蛇精男果陣有過之而無不及。
 
劍身已迫到男人嘅面前, 就響一瞬之間, 丹娜把劍居然被一股氣牆猛然壓下, 繼而劍尖再比氣牆瀉到指向山坡嘅方向。
 
被瀉嘅劍尖此時居然暴射出一道劍氣打在山坡之上, 轟….., 石塊應聲而碎, 而呀叔面上亦流露住一副驚訝嘅表情, 哦, 此女子居然可以使出劍氣?
 


而面上同樣露住驚訝表情嘅丹娜, 呢一刻亦都唔相信自己居然會有此能耐, 正呆住之際, 龍飛已經跑到黎丹娜身邊。
 
「丹娜, 冷靜啲, 八叔尋晚已經幫妳解除哂身上所有嘅餘毒, 而且…佢仲幫妳打通埋任督二脈添呀!」
 
丹娜聽到之後, 正開始覺得自己除左內力運行較前暢順之外, 而功力亦真係好似提昇唔少左咁。
 
丹娜嘅怒火稍降, 但眼前嘅人始終響尋晚見過自己嘅身體, 一陣陣羞澀嘅心情令到丹娜粒聲唔出轉身就行左開去。
 
遠處嘅師爺基, 見八叔似乎身懷絕世武功咁, 即時上前同八叔講, 「八叔, 原來你係咁犀利架, 哈, 即係咁, 我不嬲都不暗武功嘅, 但其實有時我又真係幾羨慕佢地咁打得, 所以, 唔知八叔你又可唔可以過啲真氣黎比我成為絕世高手咁呢?」
 


八叔又再抓住把鬚呆啤住師爺基, 「尋晚我用千里傅音已經教左你部份嘅太極心法, 但之不過, 閣下領悟性低, 兼且骨格平平, 而就連小小開山劈石嘅床事都搞到一塌糊塗, 唉….
 
但不過咁, 我響伸你果腳嘅時候, 某個程度上我都已經幫你通左淋巴同強化左條前列線, 所以, 下次你再同果位小姑娘魚水嘅時候, 你嘅表現應該會更勝從前嘅!」