[武俠甜故] 古裝武俠有味巨著 - 鐵血丹飛: 第二十一章 - 巧遇高人

 
有兩隻馬騮突然響草叢度跳左出黎, 兩隻馬騮正邊呱呱嘈邊指住師爺基同菁菁響度又叫又跳, 跟住一隻馬騮就瞓住響地下, 而另一隻就責落瞓響地下隻馬騮度係咁 un 住, 兩隻馬騮依然係咁指住師爺基同菁菁佢地呱呱叫住。
 
房事慘被踼爆, 師爺基有啲被辣慶, 見佢舉腳就想向住馬騮方向踢去, 突然一把男聲又再響起, 「停腳!」
 
今次就唔單止聽到有聲, 而且仲可以見埋個人, 一個滿面英氣, 儲住長鬚, 面帶威嚴嘅呀叔正緩步而至, 眾人見咁即時就提劍擺陣。
 
呀叔正抓住自己把長鬚, 但見此人雙目凌厲, 正橫眉冷眼咁掃住眾人, 兩邊僵持左一陣, 個呀叔終於都開口講野, 「各人身上都有著唔同嘅傷患, 既然係咁, 你地就先隨我而黎!」
 


是友是敵? 眾人正一頭霧水之際, 但此處荒山野嶺, 而且來人亦似無惡意, 眾人用眼神商討過後, 跟住就決定先隨此人而去, 就即管睇吓葫蘆之中究竟係會賣啲咩藥。
 
領隊帶住眾人行左幾十米路之後, 好快, 前路就已經見到有一間破屋響度, 入屋之後, 呀叔開始攞住唔同嘅草藥出黎, 首先幫龍飛檢查手臂傷勢, 繼而再幫佢敷藥包紮。
 
再到大力, 同樣亦用生草藥黎幫大力敷響身上瘀處, 輪到丹娜嘞, 見丹娜身上破衣之處嘅鞭傷, 呀叔攞住草藥正想為丹娜治療嘅時候, 丹娜即時怒目相應, 「行開, 我唔使你幫…..」
 
幾吓篤篤篤之後, 丹娜即時被點要穴動彈不得, 呀叔此時話要解開丹娜啲衣裳, 並著眾人需要先迴避一吓, 丹娜聽到咁, 正急得怒啤住身前嘅男人, 而眾人亦準備上前要阻止之際。
 
呀叔望一望眾人, 「此女子除左身上嘅鞭傷之外, 體內似乎尚有劇毒仍未清除, 你地睇吓, 紫氣而家正沿住頸部之處開始蔓延, 等再遲啲到毒氣攻心同上腦嘅話, 到時就連大羅仙都救佢唔倒架嘞!」
 


果然, 一片紫色正響丹娜頸部之處, 龍飛見咁樣, 即時就捉住丹娜隻手講, 「好, 姑且就信你一次, 娘子, 就等我留低響度陪妳醫治, 大力你就同佢地先出去迥避一吓!」
 
眾人出左去之後, 龍飛提出就由佢黎幫丹娜解衣, 丹娜雖有愛郎陪伴, 但此刻要響另一個陌生男人面說要寬衣解帶, 丹娜心諗一會就要用劍了斷此人。
 
上衣解除過後, 果然, 上次乳房底下中爪之處正呈現住紫黑, 而黑氣亦已擴散到整個胸前範圍直至到頸部位置, 龍飛見倒後即時大驚。
 
龍飛心諗, 頭先同丹娜扑野果陣都無見咁犀利架, 點解而家……, 呀叔好似睇得出龍飛嘅疑問咁。
 
「傷口表面已愈, 但內裡餘毒未清, 姑娘剛才響上面力戰眾人之時催谷過度, 致令埋藏響體內嘅殘餘劇毒逆轉而四散, 而且睇姑娘現今情況, 毒性將會開始攻心, 所以治理需要刻不容緩!」
 


但又有另一個問題出現, 丹娜除右胸前之外, 仲有另一隱閉之處亦受到爪傷, 但此刻難道又要除埋丹娜條褲出黎, 龍飛知道要丹娜如此必定會難以接受。