[武俠甜故] 古裝武俠有味巨著 - 鐵血丹飛: 第九章 - 安全到步

師爺基愈吹就愈大, 眾人正想制止佢嘅時候, 船邊突然就響起左呱叫一聲。
 
哦, 咩原來又係下晝果隻蛇精男黎, 見佢突然又從船邊下面猛然撲出, 「咦美人, 咩妳咁快就會無事咁嘅?」
 
爪勁正猛然撲向丹娜同龍飛之際, 正呆呆嘅龍飛同盛怒中嘅丹娜, 心中同樣對呢個先係真正事件始作俑者恨之入骨。
 
二人內勁正各暗自提升, 兩對怒目亦正同時標向同一個方向位置, 一面輕挑嘅蛇精男, 本以為眼前嘅手下敗將根本就不值一顧, 毒爪正火速撲到埋二人面前, 但冷不防….
 


未及半秒, 一道銀光閃過之後, 蛇精男居然見到自己嘅身軀正逐漸遠離自己而去, 繼而美人對面嘅男人, 亦正用雙掌猛然轟到自己個殘餘身軀盡數希巴爛, 但好快之後就再已經咩都睇唔倒, 跟住蛇精男個頭就已經碌到去船頭之處慘死收場。
 
毒傷初愈, 但突然又再受左刺激同催谷過度, 丹娜忽然亦覺得眼前一黑, 跟住就響眾人面前再次倒地暈去。
 
另一艘船上, 一個額高顴闊, 一身充滿住霸氣嘅吳總鏢頭, 正用魚眼鏡遠望住丹娜同龍飛瞬間斬殺蛇精男嘅情況。
 
吳總鏢頭緩緩放下魚眼鏡不發一言, 心中正盤算住此船居然會係高手如雲, 而令佢今日損兵折將之餘, 亦未能夠阻止海上餘下嘅船隻繼續前進。
 
呢一晚, 船上總算是平平安安無事發生, 早上, 海面上尚餘嘅幾嫂船隻亦正繼續向住目的地方向進發。
 


船上, 丹娜依然仲係昏迷不醒, 而龍飛就無哂心機咁坐響船頭度吹蕭 (真係打橫吹得響果支) 兼做埋食蕉, 堅仔就整晚不斷鴿來鴿往咁研究住碌四截棍, 而其餘人等就難得有晚可以比佢地安然入睡。
 
早上, 又見幾隻白鴿正勾住一啲零件咁飛到埋黎, 堅仔簽收過後, 見師爺基響出面甲板度大嗌, 「前面見到陸地嘞, 我地終於都到左天津嘞!」
 
木船好快就準備要開始埋岸, 眾人正準備收拾一切行裝之後就要落船, 而丹娜就依然昏睡, 龍飛見到咁就唯有負責背起丹娜落船而行。
 
岸上, 幾十架馬車正在岸邊守候住, 一個著住紅色制服嘅官兵, 正高舉住秦字旗幟響度大嗌, 「各船嘅人請盡快過黎, 而家我先要分發車號, 跟住人齊之後就要準備出發!」
 
官兵開始分發車號, 而龍飛等人接個車號之後, 跟住好快官兵就著眾人攞齊行李就要上車準備起行。