[武俠甜故] 古裝武俠有味巨著 - 鐵血丹飛: 第八章 - 老羞成怒

晚上, 一眾傷兵正繼續打醒十二分精神黎戒備, 以防有人會乘夜走黎再次偷襲。
 
眾人正輪流食緊飯期間, 見堅仔不斷寫字畫畫再飛鴿傳書, 師爺基問住堅仔, 「喂, 啲雀係咁飛黎又飛去, 你究竟響度搞緊咩鬼呀?」
 
堅仔就講, 「無, 晏晝果陣響個黑衣人身上掹左支咁嘅野, 而家我用緊飛=13.3333px鴿傳書黎問吓呀爹工廠內有無高人見過同教吓我點去修理吓之嗎!」
 
房內, 小柔, 小倩同菁菁正一齊照顧住仲昏迷緊嘅丹娜, 而菁菁就正幫緊丹娜抺住啲冷汗。
 


小倩先講, 「唉, 估唔到丹娜姐原來對飛哥係咁一枉情深嘅!」
 
小柔正古古惑惑咁答番住小倩, 「殊….., 事情唔係咁架, 其實我係見師爺基想借啲咦黎咩咩娜姐, 既然係咁, 咁我就梗係借勢醒支好籌黎比我表哥佢先啦!」
 
三條女即時, 「哦…..嘿嘿嘿…..」
 
「水, 我想飲水……」咦, 丹娜好似有啲醒醒地咁喎。
 
小倩斟左杯水過黎, 見菁菁已經扶起住丹娜, 而丹娜亦開始飲緊水, 但突然, 丹娜好似發覺自己身下有啲異樣感覺咁。
 


「好痛, 點解我下面會痛得咁犀利嘅?」 丹娜再扯開條褲望吓自己嘅下體, 見脾罅四周正在片片落紅咁, 紙始終都係包唔住火, 小柔見倒丹娜咁樣, 亦唯有和盤托出事件嘅經過同真相。
 
丹娜聽完真相之後, 突然蓬一聲, 丹娜就好似陣風咁衝左出去房外, 三女知道大事不妙, 跟住亦相繼追埋出去看過究竟。
 
果然, 已經見到丹娜正一面激動咁提劍指住仲係孖潤腸嘅龍飛個喉嚨, 丹娜正在熱淚盈眶, 而劍尖亦正在震個不停。
 
「賤格, 估唔到你居然會係啲咁嘅人, 枉我由細到大都當你係哥哥咁看待, 但原來你都係同其他禽獸都一樣, 簡直就連畜牲都不如!」
 
眾人識左丹娜咁耐, 都未曾見過丹娜呢一股咁強烈嘅殺氣, 各人正商量住遲啲就要夾錢做帛金比龍飛嘅屋企人之際, 小柔小倩同菁菁就已經趕到上前。
 


「娜姐, 妳冷靜啲先啦, 放低把劍, 有事慢慢先再講!」
 
丹娜流住淚黎講, 「冷靜? 你地知唔知我早已有左心上人, 而且我地仲打算將會響深秋過後就要成親, 但而家我搞成咁, 試問我仲邊有面目番去面對住我嘅愛人吖!」
 
嘩, 呢舖小柔又真係玩大左, 眾人正怒啤住事件始作俑者師爺基, 而師爺基就唯有死死地氣咁開始幫龍飛求情。
 
「娜姐, 當時情況極度險要, 呀飛亦係冒住中毒兼有生命危險咁黎幫妳去解毒, 而且… (開始吹水) 而且, 呀飛不嬲都同我地講話佢對妳係一往情深…..」