望山的女孩: 第十二章-實習老師（上）

第十二章~實習老師（上）

「學校旅行就完咗啦！係時候返黎繼續讀書同工作啦！」

校長既呢句話，即時令到我地全體師生既思緒由回味無窮既學校旅行拉返黎現實。

每週集會係我校傳統，不過請放心，絕對唔係一個非法集會，但係同非法集會一樣，都冇申請不反對通知書就是了。

校：「呀，最後一件事。今日開始，我地學校會黎兩個實習老師。咁…………事不而遲，即刻請佢地上台介紹下自己。」





哇，不得了啊！今年的實習老師有一男一女，而且郎才女貌…………忽然間有咗自卑感。

女實習老師：「咁……我叫李芷詠，黎自香港浸過咸水大學中文系。黎緊我會教F.3D既中文科，請多指教。」

F.3D？咪啫係我嗰班「精英」班！校長，你唔好炒我呀！

想當年，我個班都有過一個實習老師…………

係一個吵到死既班入面…………





「喂，嗰個邊個加？」我老死～＞一心問。（唔好問我點解叫一心，我唔想㗎！鬼叫我唸唔到叫咩名咩。放心，唔會有下次。）

我：「…………鬼……知呀！」

講起嗰個實習老師…………實在係獲益良多。

我地可以非常清楚睇到佢既面充滿笑容。但是當我地全部肅靜，唸住聽下佢既自我介紹時…………

佢：「你地頭先做咩咁吵啊！我係樓梯口都聽到你地講野啊！下次再係咁，全部罰留堂。我姓朱，你地可以叫我Miss Chu。黎緊我會教大家中文。」





多多指教都唔講！睇黎今年都凶多吉少啦！