望山的女孩: 第十一章-學校旅行（下）

第十一章~學校旅行（下）

  十年前的畢業旅行， 我們也是在玩truth or dare， 而且也是在燒烤後。

「羅賓叔叔過嚟玩啦！ 」
「喂呀都話唔好叫我做羅賓叔叔咯！同埋見你地成日講Truth or dare，其實Truth or dare係點玩？」
「 吓，你講真㗎，雖然你老姐，但係都未至於連popular咁嘅game 都未玩過嘛！」
「 梗係唔係啦， 係我唔想同你玩之嘛！」

  我講完呢句之後，全場靜咗10秒鐘......




「 妖你咪咁小器啦， 快啲過嚟玩啦！」

  陳庭佳係我嘅best friend之一（話明best friemd又點會多於一個）， 可能大家都係A0嘅關係， 所以我哋先做到好朋友。講返正題，我畀人拉咗去玩，除咗我哋三個之外，仲有一個叫做郭譪琳嘅女仔，佢係詠芝嘅朋友，個樣都ok，係唔係單身就唔知。 同傳統一樣，我哋拎咗個玻璃樽出嚟，然後睇住佢轉。

  玻璃樽指住左詠芝，佢選擇咗Truth。

我:「err... 你喺班度有冇鍾意嘅男仔？」

詠芝:「有。」





  玩過Truth or dare嘅人都知道，問yes no Question係最白痴，我剛才就已經係一個好好嘅示範。又再轉玻璃樽，今次又係詠芝君，佢今次都係選擇Truth。 今次我懶醒咁衝出嚟問。

我:「你鍾意班上邊一個男同學？」

詠芝:「羅傑賓你！ 」

我:「吓！」

  之前以為佢係巴士嗰次係講下笑啫，但冇諗過佢今次竟然喺大庭廣眾下向我......





  正當我打算向她說清楚時，竟看見她在捧腹大笑。

詠芝:「 笑死我啦！ 你唔係真係以為我向你表白吖嘛？ 我係想話，羅傑賓你，可唔可以唔好同一條問題問兩次呀！ 點知你......哈哈哈！」

  我嗰下真係7到一個點，之後問咗咩問題和玩咗邊個都唔記得了， 自此我也在沒有玩過Truth or dare， 現在看見學生在玩這遊戲， 實在令人懷念那青春歲月（真的老了）。

芷:「羅sir，諗乜嘢諗得咁入神？」

  對了，最終幻想完一輪，學生呢？ 話時話，芷君煮嘢都真係幾ok喎，有機會都想試下佢嘅手勢（開始後悔話無意寫師生戀）。

  正當我又諗住再約佢之際，佢又閃咗啦！都唔知佢whatsapp會唔會再覆我㗎。最後我懷著這種失落的心情，結束了這次學校旅行。