望山的女孩: 第九章-學校旅行（上）
第九章~學校旅行（上）
二月是學校旅行的好日子，因為過了一月考試透這繁忙的日子，又放了新年假後， 便是學生玩樂的日子。 然而對老師來說， 這是一個可怕的日子，因為要與一班小學雞玩整天，比起上整日課更加疲累。 今次去的地方是大棠，不是荔枝山莊那個大棠，而是元朗那個大棠。去過的人都知道，這是觀賞紅葉的好地方，然而白痴的是，紅葉不是秋天才開的嗎？咁你地春天先去有鬼用咩？？ 既然不能觀賞紅葉，又因怕學生走失而不能走教育徑，所以惟一的活動只有燒烤、燒烤和燒烤。幸好老師燒烤的食材，一早就有人準備好，可以少樣野煩。
但其實學校旅行最煩的事情，永遠都是幫學生分組，因為佢地話自己懂得自己分組，但永遠都是會有爭拗的。有些邊緣人永遠都是分不到組，亦有些人想入某組卻不被歡迎，總交就是很麻煩。
如今，我們正在乘搭旅遊車去大棠，我聽着音樂，享受着暫時的寧靜（聽着音樂又怎會寧靜），往事漸漸被回憶起來。 那是十年前的畢業旅行，那時iphone都只是出了第一代，是Sony和Nokia的年代，惟一可以玩的遊戲只有貪食蛇和起樓game，所以我們都是在玩貪食蛇鬥高分。
「羅傑賓，乜你咁向左走向右走垃圾架？」
「咁我文青黎架嘛，點會叻打機姐。同埋垃圾就垃圾啦，講咩粗口姐。」
「做咩姐你，咁你使吾使話比老師聽啊？」
「算啦，見同你咁熟，咁我就同老師講啦！」
「嘩係！乖學生喔，羅賓叔叔！」
「喂啊，我唔係大你好多日咋喎 ！」
「呵！羅賓叔叔講粗口，話比老師知！」
如是者，我地就亂嗡左成個鐘。當我回憶到我和詠芝下車，現實中我們大隊也到了大棠。