望山的女孩: 第八章-新年假期

第八章~新年假期
考完試，梗係要放假啦！放的不是別的，而是新年假（偽文青）。

就在考完試之後，我收到一條來自芷嘉既信息。

「喂，啊Sir等陣去唔去食野呀？」

「好呀！」

覆芷嘉Message係一件本世紀最令人期待的事，因為通常芷嘉都會已讀不回……





係等佢覆我機既同時，又係時候回想起中學既一段………美好時間。

那年新年，我早早歸家。望着空無一人的房間，我忽然感到還差一人。

簡單來講，我毒L一個，無人陪，傷心。

但是身為一個有為青年，我係絕對唔可以放棄㗎！但是前提係，我要有人約…………你問我點解唔主動約人？叫得做毒撚，有可能主動
約人麼？





好啦，懷念完這段悲慘的歲月了。而芷嘉都終於覆我了。

「好呀，就樓下嗰間茶餐廳等……」

「好，等我十五分鐘。」

三十分鐘後，我終於去到嗰間茶餐廳。我承認我今次遲到係林鄭咗既，但請相信我，我平時唔係咁㗎！…………平時起碼要遲多三十分鐘㗎！

但係去到時，空無一人。喂，大佬！那天下午，我坐上了從燒味飯開往碟頭飯的茶餐廳呀！連伙計都冇個，點食飯呀？





突然，我背後舖頭個閘被人關上。嘩，黑店呀？

真心黑，拉咗閘又唔開燈…………

「幾位呀？」

一個熟悉的聲音從廚房傳出。

我：「1位呀！點呀，林小姐……」

芷：「咁你都估到係我…………」

我：「因為我醒呀嘛！唔好講呢啲住啦！點解你會係廚房㗎？」

芷：「啊Sir，你係咪唔記得我屋企背景呀？」





我：「呀，係喎。聽講你屋企係做餐廳㗎喎。但係，又同你闖入人地既廚房，有咩關係呢？」

芷：「啊Sir呀，其實呢…………」

我見佢講啲又唔講啲，好奇心爆發：「講啦……」

䇛：「其實我就係呢間茶餐廳的未來的主人……」

我：「…………？？」

芷：「啫係呢間野我㗎！」

我必須承認，雖然我係一個老師，但也不能斷定我的頭腦轉得快。





我：「哦，但係…………關我咩事啫？」

芷：「食神羅Sir，我想你嚟幫我試味呀！不竟，我以後都要煮加嘛！」

我：「哦……………………」

芷：「想食咩？」

我：「白汁蒸雞」

芷：「無喎…………」

我：「咁，魚蛋河。」

唔會再無啦啩……





芷：「無喎。」

真係咁？？

我：「喂好啦喎！咩茶餐廳黎加？乜都無既！」

芷：「傻既，晚餐餐牌都寫埋俾你啦！………………係你自己唔䏲咋嘛！」

有咩？睇過……………… 
喂，A和C不太對勁呀！芷嘉，你想陷害我？無咁易。

身為一個老師，當然要揀A啦！

沒有，開玩笑的。說了不甜就不甜，我不會像思歪一般，說一套做另一套的。

身為一個正人君子，當然要選B啦！點之就咁中伏啦…………

芷：「係，B餐係咪？」

我：「都冇得揀……」

芷：「咩冇得揀呀？咪有三個俾你揀囉。」

係有三個俾我揀…………但係你一早欽點咗個俾我囉！

過咗一陣，新鮮出爐的鐵板牛柳正正地放係我面前，這道鐵板牛柳煮得不太老，口感十足，加上自製洋蔥汁，令這道菜比其他餐廳的更加出色。一口咬下去，充滿了肉汁，又不會太生，簡直超越了一般的鐵板……

我知道你地都係要我黎幫手翻譯㗎……

望落，色香俱全。食落，好鬼好味。

芷：「呀Sir，啲味點呀？」

我：「O…..K……啦！」

芷暗暗自喜：「Yes……………………」

你問我點知？喂，佢歡呼得咁大聲，聾既先聽唔到㗎咋。你聽唔聽到呀？

總之，我放假真係冇人約㗎！

個Whatsapp成年都冇震過啦！對不起，我較了靜音…………

不要緊，我仍是毒L一名。請應徵女友者致電：（+852）2456 7111

題外話：2456 7111係青山醫院電話。千祈唔好真係打去。