【屋村7-11驚魂】落樓下7仔食個叮叮飯，竟然咁可怕...: 5
望住出面既濃霧，我好自然咁諗，究竟頭先好撚型咁行左出去既西裝友宜家到底點呢？會唔會只不過係一場普通大霧，而西裝友已經番左屋企？
雖然兩條強國盲毛講既野實在太匪夷所思，令人難以相信，但宜家係7仔依度，除左果兩條盲毛出過去之外，根本無人出過去，所以佢地所描述既情境，就好似變成我地對外面所理解既唯一依據，再加上幾件怪事一齊發生，即使再荒謬，大家都唔敢搏唔敢隨便離開7仔。
突然間，我醒起一d野，就係7仔入面都有電話架ma! 就係平時放係收銀櫃?後面，用黎Fax野果部機，我竟然宜家先諗到!!
我指住部機問四眼哥仔：「阿哥仔，依部野可以用黎打電話架呵？」
「得呀，係wo，我一時都唔醒起添！」
「係醒wo，同阿叔我有得fight。」
對於地中海阿就既稱讚，我完全無視，直接走左入去收銀櫃台。
「係咪禁依個制？」由於少用Fax機，我先問清楚四眼哥仔點用。
「係呀。」
我先打番屋企，但唔通。
我收左線，確定個電話既訊號音係正常，跟住再打一次，但都唔通。
「等我黎試下。」四眼哥仔接過電話，禁左個電話number，但結果一樣。
「又會咁岩，兩個電話都唔通既...」阿叔講左我心入面果句。
「不如...不如試下報警。」師奶突然提議。
「屌你都痴撚線，你報警，諗住同d警察點講呀？話佢知因為大霧，我地成班友困撚左係間7仔度呀？話佢知依度有兩條盪失路既盲毛所以要報警呀？一陣柒撚左，上晒報紙就真係搞笑」
阿叔講既野根本唔中point，事關個電話打唔打得通去報案中心都成問題，不過師奶既建議，係暫時值得一試既方法，總好過要我地走出去7仔盲摸摸。
於是我拎起個電話打999，仲禁左「speaker」制，等大家都聽到，師奶同個長髮女仔就行埋黎一齊聽。
電話打得通！
「呀屌你，你班友真係走去報警，high大左定。」
無人理會阿叔，大家只希望電話既另一邊有人接聽。
「嘟...嘟嘟...嘟嘟，卡嚓。喂，依度係999報案中心。」電話接通左。
「接通左喇。」
終於聯絡到外界，師奶佢地既表情都有少少興奮。
「喂，呀...呀madam，你聽唔聽到我講野呀？」
「聽到，請講。」太好喇，今次電話無問題。
「喂...呀...呀madam，我地呢，我地宜家係XX村果度一間便利店，咁呢...咁我地就被困左係果度...」
我咁大個仔，今次係第一次報警，所以都好緊張，而且正如阿叔佢所講，我應該點同警察交代清楚我地既情況好呢？
「先生你意思係你同幾個人宜家困住左係一間便利店度，係咪？咁你地宜家果度有幾多人？有冇即時生命危險？」
聽到依度，我留意到阿叔又擺出一個死人恥笑表情，好似笑緊我地搞大左件事件。
另一方面，當madam講到第三句既時候，我發現左一樣好奇怪既事，但由於我已經好緊張，所以無在意。
依個時候我繼續頂硬上：「依度有...有七個人，大家無即時危機，亦冇人受傷...我地...因為便利店出面好大霧...咩都望唔到...」
我真係唔知點解釋落去，同時又唔會顯得自己柒左。
「阿先生...你...你係話，便利店出面好大霧，所以出唔到便利店?」Madam好努力咁去理解我口中所講既荒謬情況。
「哈哈！」阿叔又黎抽水。
「係....你...你可唔可以派佃警察黎睇一睇...?」
我只希望盡快結束對話，盡快了結件事...
「嗯...好，我地會派警察黎了解，暫時請你地留係安全地方等候。」
「好...唔該...」終於完結對話。
係咁易up兩句就派警察黎睇睇？唔係應該會問多ｄ野架咩？同埋佢應該知道我地依邊個電話number吧．．．但事關我都係第一次打９９９，所以我都唔係好清楚程序。
而係頭先既對話入面，我覺得有樣野好奇怪，就係．．．唔知點解，我覺得果個ｍａｄａｍ講每一句既聲線都有少少唔同．．．或者只係因為我太緊張聽得唔清楚，所以都係唔好同其他人提起好喇。
「挑那媽，o拿，講明先呀，一陣警察黎到問咩事，我唔理架，係你地報警唔係我報。」地中海阿叔又發揮佢一貫既花生友角色。
屌那星，係咁夠薑你就晨早走左出去啦，洗撚留係間７仔度賴死唔走咩，宜家報到警就即刻係度食花生，正仆街。
當然．．．我無真係咁講出口．．．我只係話：「有咩事我負責lor，咁得未呀！？」
「一般黎講，報案中心接到電話之後，等幾耐先會有警察到？」長髮女仔問大家。
「我聽過人講，應該十分鐘之內就會有警察到．．．橫掂都報左警，宜家出面又咁大霧咩都望唔到，咁我地索性等埋警察黎先啦。」師奶同果個女仔講。
坐係地下果對強國夫婦，知道聯絡左警察，個心都定番好多。
如是者，大家就係間７仔入面繼續等，大家望住自己部電話果個鐘，每一分鐘都好似過得好耐。
過左十分鐘，仲未有警察黎，不過冇人出聲，大家繼續等，而出面依然係咁大霧，我心知不妙。
直至等左二十分鐘，強國男人出聲：「又話叫左公安（警察）黎既．．．無乃由（理由）咁耐都無人黎架．．．」
佢唔講由自可，一講出口，其他人都開始慌。