【屋村7-11驚魂】落樓下7仔食個叮叮飯，竟然咁可怕...: 3
望住地下果兩件物體，我認得出，就係頭先係７仔買完野既強國夫婦，佢兩個衝到入黎，上氣唔接下好咁爬係度，明顯係發生左Ｄ事，我仲留意到，佢到頭先離開７仔果陣拎住既一袋二袋啤酒薯片都唔見左。
在場所有人見到衝入黎既係兩個人而唔係咩鬼怪，表情都好似放鬆番少少，但究竟咩事搞到佢兩個驚撚到賴屎咁衝入黎呢？我諗每個人都有一同個問題。
「先．．．先生，你地兩個無野ｍａ?」
第一個出聲既係果個長頭髮女仔，佢行近左果對強國夫婦咁問，睇黎佢心地都幾好。
點知，強國男人抬起頭一望到我地，就好似發左神經咁，成個人縮番去近門口既位置，眼神不斷係我地其他人之間遊走，仲係度講：「又係你地！！又係．．．又係你地！又係你地！．．．」
而係佢身邊個強國女人，都差唔多係同一個反應，佢兩個似乎好驚我地咁。
見到強國夫婦咁大反應，大家都嚇左一嚇。
「o依？你兩個頭先好似係度買過野架ｗｏ。」收銀四眼仔都記起佢地。
「你地．．．無咩事ｍａ？」師奶都嘗試問佢地既情況。
果對強國夫婦見到我地無惡意，神色都開始無咁慌張。
「乃地（你地）．．．乃地（你地）唔係鬼黎架呵？？」強國男人依句說話，係出乎我地意料之外，無人明佢既真正意思。
「鬼你條命！係我地俾你兩條仆街嚇鬼死就真呀！夜ｍａｍａ搵ｄ咁既野玩．．．」地中海阿叔忍唔住爆左一句。
到目前為止，果個強國男人最主要講左「又係你地」同埋「你地唔係鬼黎架呵」依兩句說話，照字面意思，我暫時估計佢兩疑似個撞鬼，但我諗唔明，就算真係撞鬼，咁同我地其他人有咩關係呢？咩叫「又係你地」？
聽到地中海阿叔咁講，果對強國夫婦既表情開始由驚慌轉為疑惑，強國女人問佢老公：「唔通係鵝地（我地）兩個撞邪？？．．．無乃由（理由）行黎行去都係依度格．．．」
又係一句大家都唔係好聽得明既對話，不過聽見佢地咁講，我就醒起，依對強國夫婦頭先買完野離開７仔之後，係有再經過７仔門口，好似盪失路咁款。
「屌你老味，你兩個係度ｕｐ咩呀？」阿叔又忍唔住，再爆多一句。
「你兩個住係附近既？你地想去邊度呢？」
女仔好有耐性咁，引導果對慌失失既強國夫婦回應大家既疑問。
聽到長頭髮女仔用咁溫柔既語氣，強國夫婦終於都定一定神，開始憶述頭先發生咩事，而出於好奇心，我都由角位張圓枱，慢慢行番近其他人，聽下究竟發生咩事。
強國女人有少少口震：「鵝地（我地）有個朋友．．．有個朋友住係依頭，今晚原板（原本）打算．．．打算去佢度睇波打牌，所以頭先黎便利店．．．買ｄ啤酒小食先上去，買完之後就離開．．．點知．．．點知．．．呀！！！呀！！！」
強國女人越講就越驚，成個人縮埋一舊，而佢老公即刻安撫佢，然後接落去：「鵝地（我地）離開左便利店之後，就直接行去朋友住果橦大廈，點知．．．點知行黎行去，最後都．．．都番黎依間便利店！行左幾次都係咁呀！！」
「哈哈哈，屌你老味，講咁撚耐，原來係唔識路，咁都驚一餐，真係俾你地吹鳩漲。」阿叔又黎口爆。
連頭先一直無出過聲既西裝友，都忍唔住：「都痴撚線！我無時間係度同你地癲。」
西裝男講完之後，頭也不回咁離開左７仔，明明頭先佢仲企係７仔度諗住等ｄ霧散開，明明宜家出面都係見唔到燈光，但係佢竟然突然會咁大膽。
可能係因為頭先咁妖異既濃霧令到大家都相當壓抑，突然間俾兩條唔識路既盲毛咁搞一搞，係咁大落差之下，全場氣氛突然緩和番晒，大家先反而無咁驚。
「喂！！喂！！」強國男見到西裝友就咁離開７仔，好似想叫停佢咁，但係西裝男並無理會。
講完一輪，強國夫婦依然猶有餘悸：「乃地（你地）都唔明，唔係鵝地（我地）唔識路呀，係行黎行去都係依度呀！」